Yesu akatuteeraho eky’okureeberaho ky’okutooreza, na munonga twahikwaho okugyezibwa nari okuhiiganisibwa. (1Pet 2:21-23) N’obu Yesu araabe yaatwariziibwe kubi tarabagarurize. (Mak 15:29-32) Niki ekyamuhwereire kugumisiriza? Akamariirira kukora ebi Yehova arikukunda. (Yoh 6:38) Akata omutima aha ‘kushemererwa okwatairwe omu maisho ge.’​—Heb 12:2.

Nitutwaza tuta twatwarizibwa kubi ahabw’okwikiriza kwaitu? Abakristaayo ab’amazima ‘tibarikwihura ekibi ahabw’ekibi.’ (Rom 12:14, 17) Twagumisiriza nka Kristo, nitubaasa kugira okushemererwa ahabw’okusiimwa Ruhanga.​—Mat 5:10-12; 1Pet 4:12-14.

MUREEBE VIDIYO EIZIINA YEHOVA NI RIKURU MUNONGA, REERO MUGARUKYEMU EBIBUUZO EBI:

• Munyaanyazi-itwe Pötzinger * akakoresa gye ata obwire bwe obu yaabaire ari omu kihome?

• Ni kuhiiganisibwa kwa muringo ki oku ow’eishe-emwe na munyaanyazi-itwe Pötzinger baagumisiriize obu baabaire bari omu kampu zitari zimwe?

• Niki ekyabahwereire kugumisiriza?