Waaba ori omubuurizi otabatiziibwe, nari omwegi wa Baibuli, oine ekigyendererwa ky’okubatizibwa? Ahabw’enki oshemereire kwenda kubatizibwa? Ku orikwehayo kandi okabatizibwa, nooba waatandika kugira omukago gw’omutaano na Yehova. (Zab 91:1) Nibitubaasisa kwija kujunwa. (1Pet 3:21) Noobaasa ota kwongyera kutunguuka kuhika aha bintu ebyo?

Yongyera kugira obuhame ngu aga nigo mazima. Waagira ebibuuzo, kora okucondooza. (Rom 12:2) Teekateeka aha mpindahinduka ezi oine kukora, kandi ozikore oine ekigyendererwa ky’okwenda kushemeza Yehova. (Enf 27:11; Efe 4:23, 24) Butoosha mushabe kukuhwera. Gira obwesigye ngu Yehova naaza kukuha amaani kandi akushagike arikukoresa omwoyo gwe gurikwera. (1Pet 5:10, 11) Amaani agu orikutamu tigarikufa busha. Okuheereza Yehova nikyo kirikukirayo oburungi!—Zab 16:11.

MUREEBE VIDIYO OKU ORIKUBAASA KUHIKA AHA KUBATIZIBWA, REERO MUGARUKYEMU EBIBUUZO EBI:

• Ni buremeezi ki obu bamwe babaasize kusingura kubaasa kubatizibwa?

• Noobaasa kugira ota okwikiriza okurikwetengyesa kubaasa kwehayo ahari Yehova?

• Niki ekihigire bamwe kukora ebirikwetengyesa kubaasa kubatizibwa?

• Abarikucwamu kuheereza Yehova nibatunga migisha ki?

• Okwehayo n’okubatizibwa nibimanyisa ki?