Ebiro 23 Maaci, abantu nk’obukaikuru 12 n’okukiraho nibabaasa kutwegaitaho aha Kiijutsyo. Ka nibaija kwega ebintu bingi obwo omugambi yaaba naashoboorora aha kitambo, ekiconco eki Yehova yaatuhaire n’emigisha ei abantu baraije kutunga omu biro by’omumaisho! (Isa 11:6-9; 35:5, 6; 65:21-23; Yoh 3:16) Kwonka, omugambi tiwe wenka oraahwere abantu kugira eki baayega aha mukoro mukuru ogu. Twena nitubaasa kwejumba omu kwakira abantu abaraije. (Rom 15:7) Obu ni bumwe aha buhabuzi.

• Omu mwanya gw’okuza omu ntebe yaawe okategyereza omukoro kutandika, yaakiira abantu abaraije n’abatwire batarikubuurira kandi obakiire n’okushemererwa hamwe na rukundo

• Waaba nooteeraho kwakira banywani baawe abu oyetsire, fayo kwakiira n’abandi abaraije. Shaba abasya kushutama naiwe, reero mukorese hamwe Baibuli yaawe n’ekitabo kyawe ky’ebyeshongoro

• Bwanyima y’orubazo, ba oyeteekateekire kugarukamu ebibuuzo by’abantu. Waaba otaine bwire ahabw’okugira ngu hariho ekibiina ekindi ekirikuza kugirira omu mwanya ogwo omukoro nigwo gumwe, kora n’omuntu ogwo entebeekanisa kumutaayaayira omu biro bikye. Waaba otaine ndagiriro ye n’ebirikumukwataho, noobaasa kumubuuza oti: “Nkaayenzire kukuhikaho kumanya eki orikugamba aha mukoro ogu. Nimbaasa kutunga endagiriro yaawe?”