Omuzaani w’emizaano naaba aine kuguma naatendeka omubiri gwe kugira ngu agume ari omukugu. Omu muringo nigwo gumwe, twine kuguma nituteeraho kutendeka okubaasa kwaitu kw’okwetegyereza. (Heb 5:14) N’obu kiraabe nikibaasa kworoba kugyendera aha bi abandi barikucwamu, twine kwega kuteekateeka kandi tukeecweramu. Ahabw’enki? Buri omwe omuriitwe naija kwegambira arikwetonganira ahabw’ebi arikucwamu.​—Rom 14:12.

Titushemereire kuteekateeka ngu nituza kucwamu gye ahabw’okugira ngu tumazire emyaka mingi tubatiziibwe. Kubaasa kucwamu gye, twine kwesigira kimwe Yehova, Ekigambo kye, n’ekibiina kye.​—Yos 1:7, 8; Enf 3:5, 6; Mat 24:45.

MUREEBE VIDIYO “GUMA OINE OMUTIMA OGUTARIKWESHINJA,” REERO MUGARUKYEMU EBIBUUZO EBI:

• Emma akaba aine kucwamu ahari ki?

• Ahabw’enki twine kwetantara kugambira abandi ebi turikuteekateeka aha nshonga ezi baine kwecweramu barikwihirira aha muntu waabo w’omunda?

• Ni buhabuzi ki obw’obwengye obu omushaija n’omukazi we baahaire Emma?

• Emma akaiha nkahi ebyamuhweraire omu mbeera ei yaabaire arimu?