Buri omwe naayehurira kubi obumwe. Kwonka okwehurira kubi tikirikumanyisa ngu okwikiriza kwawe nikuba kutubiire. Ahakuba na Yehova akooreka ngu obumwe akaguubwa kubi. (Kut 6:​5, 6) Kwonka shi ku twakuba nitukira kugira obusaasi bwingi nari turikwehurira tutyo obutoosha?

Shaba Yehova kukuhwera. Yehova naafayo munonga aha ku turikwehurira. Naamanya twaba tushemereirwe nari twaba twine enaku. Naayetegyereza ahabw’enki nituteekateeka tutyo nari nitwehurira tutyo. (Zab 7:9b) Ekikuru munonga, Yehova naatufaho kandi naabaasa kutuhwera kugumisiriza twaba twine enaku nari amaganya.—Zab 34:18.

Rinda ebiteekateeko byawe. Twaba nitwehurira kubi titurikubaasa kushemererwa kandi nikibaasa kushiisha omukago gwaitu na Yehova. N’ahabw’ekyo, ni kirungi kurinda omutima gwaitu—eki turi omunda.—Enf 4:23.

MUREEBE VIDIYO OKU AB’EISHE-EMWE BARIKUGUMA BAINE OBUSINGYE N’OBU BARAABE BAINE AMAGANYA, REERO MUGARUKYEMU EBIBUUZO EBI:

• Ni bintu ki ebi Nikki yaakozire ebyamuhwereire kwemera amaganya?

  Eky’okugarukamu kyawe

• Ahabw’enki Nikki yaateekateekire ngu akaba aine kureeba omushaho?—Mat 9:12

  Eky’okugarukamu kyawe

• Nikki akeesiga ata Yehova kumuhwera?

  Eky’okugarukamu kyawe