Omuntu orikwehangaana tarikuhwamu amaani baamureebya nari yaaba aine oburemeezi. Omutwarize ogu, omuntu naagutunga kurugiirira aha bi arabiremu. Nk’oku omwana atarikubaasa kwega kugyenda atagumire naagwa, omuntu tarikubaasa kwega kuba omusinguzi atatungire ebirikumugarura enyima

Abaana abamwe nibatamwa baagira eki baaremwa kukora, baahikwaho oburemeezi, nari haagira owaabacwera orubanja. Abamwe nibabirugiraho kimwe. Kwonka, baine kwetegyereza amazima aga:

• Okuremwa tikurikubaasa kwetantarwa obumwe.​—Yakobo 3:2.

• Buri omwe naahitsya obwire ahikwaho oburemeezi.​—Omubuurizi 9:11.

• Okuhaburwa ni kukura omu kwega.​—Enfumu 9:9.

Okwehangaana nikwija kuhwera omwana kuraba omu buremeezi aine obwesigye.

Omwana waawe yaaremwa

OMUSINGYE GWA BAIBULI: ‘Ohikiriire naagwa emirundi mushanju naimuka.’​—Enfumu 24:16.

Hwera omwana waawe kuba endebeera birungi. Nk’eky’okureeberaho, naija kukora ki yaagwa ekigyezo aha ishomero? Naabaasa kubirugaho, arikugira ati: “Tindikubaasa kukora gye ebintu!”

Kubaasa kwegyesa omwana waawe kumanya kwehangaana, muhwere kutaho entebeekanisa eraamuhwere kuhikiiriza ekyo. Obwo, naija kubaasa kusingura oburemeezi omu mwanya gw’okubugwamu.

Kwonka, yetantare kugonjoora oburemeezi bw’omwana waawe. Kureka, muhwere kweteeraho entebeekanisa. Noobaasa kumubuuza oti: “Noobaasa kukora ki kwongyera kwetegyereza enshonga erikwegyesibwa?”

Haabaho akagwe.

OMUSINGYE GWA BAIBULI: ‘Torikumanya ekiraabeho nyencakare.’​—Yakobo 4:14.

Tihaine orikubaasa kuteebereza ekiraabeho. Omuntu omugaiga naabaasa kuba omworo nyekyakare, omuntu oine amagara marungi naabaasa kurwara nyenkyakare. ’Abairuki rugambwa tibo barikusinga omu mpaka z’okwiruka,’ Baibuli nikwo erikugira, ‘kureka boona nibahikwaho obunaku n’ebihikiirizi.’?—Omubuurizi 9:11.

Omuzaire, oine kuteeraho kurinda omwana waawe kutahikwaho akabi. Kwonka okuba ow’amazima, torikubaasa kurinda omwana waawe kutahikwaho buri kabi koona

Obundi omwana waawe naabaasa kuba atakakuzire ekirikumara kubaasa kushashura ebi asiisire aha murimo. Kwonka, noobaasa kumuhwera kwemera akagwe, okufeerwa emikago, nari okufeerwa omunyabuzaare. *

Omwana waawe yaahaburwa omu muringo ogurikwombeka.

OMUSINGYE GWA BAIBULI: “Oikirize okuhaburwa, obone kugira obwengye omu biro by’omumaisho.”?—Enfumu 19:20.

Okuhabura okurikwombeka tikyo kimwe n’okurahura, beitu nikimanyisa okugambira omuntu ekikorwa nari emiteekateekyere ei aine kuhindura.

Waayegyesa omwana waawe kwikiriza kuhaburwa, mwembi nimwetantara amaganya. “Abaana baawe baaba nibakira kwihwa omu buremeezi, tibarikwija kwega,” omuzaire orikwetwa John nikwo arikugira. Nibaija kuguma nibaruga omu buremeezi nibaza omu bundi, kandi noija kuguma noogyenda enyima yaabo kuraaza omuriro ogu baahemba. Eki nikireetera abazaire n’abaana amaganya.”

Noobaasa kuhwera ota omwana waawe kugasirwa omu kuhaburwa okurikwombeka? Omwana waawe yaahaburwa, yaaba aha ishomero nari ahandi hoona, yetantare kugira ngu okuhaburwa okwo kwaba kutarikwetengyesa. Kureka, noobaasa kubuuza oti:

• “Noogira ngu ahabw’enki baakuhabura?”

• “Noobaasa kuhinduramu ota?”

• ?“Ku oraagarukye kweshanga omu mbeera nk’egi noija kukora ki?”

Remember, constructive criticism will serve your child well, not only now but also in adulthood.