Amazima Agarikukwata aha Bukama bwa Ruhanga
Yesu akeegyesa abakuratsi be kushaba bati: ‘Tataitwe ow’omu iguru, eiziina ryawe ryezibwe. Obukama bwawe bwije, ebi orikukunda bikorwe omu nsi nk’oku birikukorwa omu iguru.’ (Matayo 6:9, 10) Obukama bwa Ruhanga niki? Nibukora ki? Kandi ahabw’enki tushemereire kubushaba?
Yesu n’Omugabe w’Obukama bwa Ruhanga.
Luka 1:31-33: ‘Noija kumweta Yesu. Naija kuba mukuru, naija kwetwa Omwana wa Rukira-boona; kandi [Yehova] Ruhanga naija kumuta aha kiteebe ky’obugabe bwa ishenkuru Daudi, ategyekye enju ya Yakobo ebiro byona, kandi obukama bwe tiburikwija kuhwaho.’
Obukama niyo nshonga nkuru ei Yesu yaabaire naabuuriraho.
Matayo 9:35: ‘Yesu akagyendagyenda omu tauni zoona n’omu birorero byona naayegyesa omuri sinagogi zaabo, naagamba engiri y’obukama bw’omu iguru, kandi naakiza endwara zoona n’obumuga bwona.’
Yesu akaha abakuratsi be akamanyiso kubahwera kumanya obu Obukama buraatandike kutegyeka.
Matayo 24:7: ‘Eihanga niriija kuteera erindi ihanga, n’obugabe nibwija kuteera obundi bugabe, nihaija kubaho enjara n’emitsitsa omu myanya mingi.’
Abeegi ba Yesu hati nibabuurira aha Bukama omu nsi yoona.
Matayo 24:14: ‘Kandi engiri egi ey’Obukama neija kubuurirwa omu nsi yoona okuba eky’okuhamya aha mahanga goona obwo nibwo emperu eraahikye.’
Noobaasa Kukunda n'Ebi
ENYEGYESA ZA BAIBULI ENKURU
Obukama bwa Ruhanga Niki?
Yesu omu buheereza bwe bwona, akeegyesa aha Bukama bwa Ruhanga kukira ebintu ebindi. Kumara ebyasha bingi, abakuratsi be batwire nibashaba ngu Obukama obwo bwije.
