Noobaasa Kucwamu oku Nyentsya Yaawe Eraabe
Emyaka nka 3,500 enyima, Yehova Ruhanga akagambira abaheereza be eki baine kukora kugira nyentsya nungi: “Naata omu maisho gaanyu amagara n’okufa, omugisha n’omukyeeno; n’ahabw’ekyo mutoorane amagara, mubone kugumaho, imwe n’oruzaaro rwanyu.”—Eky’Ebiragiro 30:19.
Kubaasa kugira nyentsya nungi, abantu abo bakaba baine kucwamu gye. Naitwe ekyo nikitukwataho ebiro ebi. Baibuli neegira ngu kubaasa kugira nyentsya nungi nooba oine kukunda Yehova ‘Ruhanga waawe, kandi okahurira eiraka rye.’—Eky’Ebiragiro 30:20.
NITUBAASA KUKUNDA TUTA YEHOVA KANDI TUKAHURIRA EIRAKA RYE?
MANYA EKI BAIBULI ERIKWEGYESA: Kubaasa kukunda Yehova, oine kubanza kwega ebirikumukwataho kuruga omu Baibuli. Waakikora, noija kwetegyereza ngu ni Ruhanga oine rukundo, kandi orikukwendeza ekirikukirayo oburungi. Naakuhiga kumushaba ‘ahabw’okuba naakutaho omutima.’ (1 Petero 5:7) Baibuli neeraganisa ngu waateeraho kwega ebirikumukwataho noija, ‘kukwirira haihi.’—Yakobo 4:8.
TA OMU NKORA EBI ORIKWEGA: Okuhurira Ruhanga nikimanyisa okugyendera aha obuhabuzi bwe bw’obwengye oburi omu Baibuli. Waakikora, “obwo nibwo [orikwija kuba omusinguzi akatwaza omu muringo gw’obwengye].”—Yoshua 1:8.
^ kacw. 7 Hati eriho omu ndimi mushanju, otwariiremu Mandarin na Cantonese Chinese
Noobaasa Kukunda n'Ebi
OMUNAARA GW'OMURINZI
Yeecweremu, aha Biro by’Omumaisho!
Abamwe nibateekateeka ngu Ruhanga akatebeekanisa kare ekiraababeho. Kwonka ago n’amazima?
