Ruhanga Aine Amaziina Angahi?
Eki Baibuli erikugarukamu
Ruhanga aine eiziina rimwe ryonka. Nirihandiikwa nka יהוה omu Ruheburaayo kandi nirikira kuhandiikwa nka “Jehovah” omu Rungyereza. a Ruhanga akeeyanjurira Musa ati: “Niinye Yehova.” (Okuruga 6:2) Eiziina eri nirishangwa omu bihandiiko bya Baibuli emirundi nka 7,000 okukira ebitiinisa ebindi ebya Ruhanga nari eiziina ry’ondiijo muntu weena. b
Yehova aine amaziina agandi shi?
N’obu Baibuli erikukoresa eiziina rimwe erya Ruhanga, erimu ebitiinisa bingi n’ebigambo ebindi ebirikukumushoboorora. Bimwe aha bitiinisa ebyo biri ahaifo, kandi nibyoreka oku buri rimwe ririkutuhwera kumanya Yehova n’emitwarize ye.
Ekitiinisa |
Ahu Kiri |
Amakuru |
|---|---|---|
Allah |
(Tihariho) |
Nikiruga omu Ruharabu. “Allah” ti eiziina kureka n’ekitiinisa ekirikumanyisa “Ruhanga.” Envunuura za Baibuli ez’Oruharabu n’endimi ezindi nizikoresa ekigambo “Allah” kumanyisa “Ruhanga.” |
Ow’obushoboorozi Bwona |
Aine amaani agataine bugarukiro. Ekigambo ky’Oruheburaayo ʼEl Shad·daiʹ, “Ruhanga ow’Obushoboorozi bwona,” kiri omu Baibuli emirundi mushanju. |
|
Alufa na Omega |
“Ow’okubanza kandi ow’aha muheru,” nari taine “obutandikiro n’obugarukiro,” ekirikumanyisa ngu tihariho Ruhanga ow’Obushoboorozi Bwona owaabandiize Yehova kandi taribaho. (Isaaya 43:10) Alufa n’enyuguta y’Orugriika ey’okubanza kandi omega n’ey’aha muheru. |
|
Omukuru owa Iranaira |
Taine butandikiro, akaba ariho hataine kintu kyona ekyabaireho.—Zaaburi 90:2. |
|
Omuhangi |
Niwe yaataireho ebintu byona. |
|
Tataitwe |
Niwe bukomooko bw’amagara. |
|
Ruhanga |
Oine kuramibwa, ow’Amaani. Ekigambo ky’Oruheburaayo ʼElo·himʹ nikikoresibwa omu bwingi kworeka obukuru bwa Yehova, ekitiinisa kye, n’oburungi bwe. |
|
Ruhanga wa baaruhanga |
Ruhanga orikukirayo, waamugyeragyeranisa ‘n’ebirikuramibwa’ ebitaine mugasho.—Isaaya 2:8. |
|
Omwegyesa Orikukirayo |
Naayegyesa ebirikugasha naaha n’obuhabuzi burungi.—Isaaya 48:17, 18. |
|
Owaahangire Byona |
Akahanga buri kimwe.—Okushuuruurwa 4:11. |
|
Ruhanga Orikushemererwa |
Ashemereirwe.—Zaaburi 104:31. |
|
Orikuhurira Okushaba |
Naahurikiza okushaba kwa buri omwe orikumushaba omu kwikiriza. |
|
Ndi Mbaho |
Naaba kyona eki arikwenda kubaasa kuhikiiriza ekigyendererwa kye. Kandi obundi ebigambo ebyo nibivunuurwa nka “Ninyija Kuba Kyona Eki Ndikwenda Kuba.” (The Emphasised Bible, by J. B. Rotherham; New World Translation) Enshoboorora egi neeshoboorora eiziina Yehova eriri omu kyahandiikirwe ekindi.—Okuruga 6:3. |
|
Ow’eihato |
Tarikwemera okuhayahayana omu kuramya. Ekigambo eki obumwe nikinuvuurwa “otarikwemera abarikuharangatana nawe” nari “orikumanywa nk’orikwenda kuba niwe yaahamirwaho wenka.”—New World Translation. |
|
Mukama Otahwaho |
Obutegyeki bwe tibwine butandikiro nari obugarukiro. |
|
Mukama |
Mukama wa buri kimwe. Omu Ruheburaayo ni ʼA·dhohnʹ na ʼAdho·nimʹ. |
|
Mukama ow’Amahe |
N’omuduumizi w’eihe rihango erya baamaraika. Ebigambo “Mukama ow’amahe” nibibaasa kuvunuurwa nka “Yehova ow’amahe.”—Abarooma 9:29, New World Translation. |
|
Ow’ahaiguru Munonga |
Aine omwanya ogurikukirayo kuba ogw’ahaiguru. |
|
Orikwera |
N’orikwera munonga omu micwe kandi n’oshemeire kukira abandi boona. |
|
Omubumbi |
Aine obushoboorozi aha bantu n’amahanga nk’oku omunogoozi aine obushoboorozi aha ibumba.—Abarooma 9:20, 21. |
|
Omucunguzi |
Akagura abantu yaabeegarurira kuruga omu kibi n’okufa kurabira omu kitambo kya Yesu Kristo.—Yohaana 3:16. |
|
Orukiri |
N’obuhungiro kandi obukomooko bw’okujunwa. |
|
Omujuni |
Naajuna kuruga omu kabi nari okucwekyerera. |
|
Omuriisa |
Naafayo aha barikumuramya. |
|
Mukama Ruhanga |
Aine obushoboorozi oburikukirayo. Omu Ruheburaayo ni ʼAdho·naiʹ. |
|
Rukira Boona |
Niwe arikukira byona. |
Amaziina g’emyanya omu Byahandiikirwe by’Oruheburaayo
Amaziina g’emyanya emwe omu Baibuli gainemu eiziina rya Ruhanga, kwonka ti maziina ga Ruhanga agandi.
Eiziina ry’omwanya |
Ahu riri |
Amakuru |
|---|---|---|
Yehova-yire |
“Yehova Naija Kuha.” |
|
Yehova-niisi |
“Yehova n’orurango rwangye,” nari “Ekirango Kyangye.” Yehova ni Ruhanga ou abaheereza be barikubaasa kuhungiraho kutunga oburinzi n’obuhwezi.—Okuruga 17:13-16. |
|
Yehova-shaloomu |
“Yehova n’Obusingye.” |
|
Yehova-shama |
“Yehova Niyo Ari.” |
Obukuru bw’okumanya eiziina rya Ruhanga n’okurikoresa
Ruhanga aine kuba naatwara eiziina rye Yehova nka rikuru, ahakuba akarihandiikisa emirundi mingi omu Baibuli.—Malaki 1:11.
Yesu Omwana wa Ruhanga, emirundi maingi akagamba aha bukuru bw’eiziina rya Ruhanga. Nk’eky’okureeberaho, akashaba Yehova ati: “Eiziina ryawe ryezibwe.”—Matayo 6:9; Yohaana 17:6.
Abo abarikumanya eiziina rya Ruhanga kandi bakarikoresa nibateera orutambwe rw’okubanza orw’okwombeka omukago murungi nawe. (Zaaburi 9:10; Malaki 3:16) Omukago murungi ogu nigubabaasisa kugasirwa omu kiraganiso kya Ruhanga eki: ‘Niinyija kumukiza ahabw’okuba naankunda, niinyija kumurinda, ahakuba naamanya eiziina ryangye.’—Zaaburi 91:14.
Baibuli neeyoreka ngu: “Hariho abarikwetwa baaruhanga ahaiguru n’ahansi, nk’oku hariho baaruhanga baingi n’abakama baingi.” (1 Abakorinso 8:5, 6) Kwonka neeyoreka gye eiziina rya Ruhanga ow’amazima, Yehova.—Zaaburi 83:18.
a Abacondooza b’Oruheburaayo nibakira kukoresa “Yahweh” nk’eiziina rya Ruhanga.
b Eiziina rya Ruhanga omu bugufu “Ya,” riri omu Baibuli emirundi nka 50, otwariiremu n’eririkushangwa omu kigambo “Haleluya,” nari “Aleluya,” ekirikumanyisa ngu “Himbisa Ya.”—Okushuuruurwa 19:1.
Noobaasa Kukunda n'Ebi
ENYEGYESA ZA BAIBULI ENKURU
Mbwenu shi Ruhanga Aine Eiziina?
Ruhanga aine ebitiinisa bingi nka: ow’Obushoboorozi Bwona, Omuhangi, na Mukama. Kwonka eiziina rya Ruhanga nirikoresibwa omu Baibuli emirundi nka 7.
EBIRIKUTUKWATAHO
Shaba Kutaayaayirwa Abajurizi ba Yehova
Gaaniira n’Abajurizi ba Yehova aha nshonga kuruga omu Baibuli, nari gyezaho kwejumba omu ntebeekanisa yaitu y’Okwega Baibuli otashashwire.