Ditilɔnomi 33:1-29
33 Ɛhye a le nyilalɛ mɔɔ nɔhalɛ Nyamenle sonla Mosisi hanle kɛ Yizilayɛma banyia kolaa na yeawu a.+
2 Ɔhanle kɛ:
“Gyihova—ɔvi Saenae ɔrale,+Na ɔvi Siyɛ ɔdale bɛ nwo zo.
Ɔvi Peelan awoka zo ɔdale wɔ anyunlunyia nu,+Ɛnee nwuanzanwuanzama apenle apenle bulu bulu boka ɔ nwo,+Yɛɛ ye kovolɛma wɔ ɔ sa fema zo.+
3 Ɔhulole ye menli ne;+Bɛ nwuanzanwuanzama ne amuala wɔ ɛ sa nu.+
Ɛnee bɛde ɛ gyakɛ anwo ɛkɛ;+Bɛbɔle ɔ bo kɛ bɛtie wɔ edwɛkɛ.+
4 (Mosisi maanle yɛ mɛla,+Kɛ Gyekɔbo menli* ne agyapadeɛ)+
5 Na Nyamenle yɛle belemgbunli wɔ Gyɛhyelan,*+Mekɛ mɔɔ menli ne mgbanyima ne mɔ yiale nu,+Mekɛ mɔɔ bɛ nee Yizilayɛ mbusua ne mɔ yiale la.+
6 Maa Wulubɛn ɛdɛnla ngoane nu, mmamaa ɔwu,+Yɛɛ mmamaa ye menli ne anwo yɛ ekyi.”+
7 Na ɔyilale Dwuda kɛ:+
“O Gyihova, tie Dwuda ane,+Na fa ye sia bɛlɛ ye menli ne.
Ɔ sa ɛho ɛmaa* mɔɔ le ye ɛdeɛ la,Na boa ye maa ɔho ɔtia ye agbɔvolɛ.”+
8 Ɔhanle ye wɔ Livae anwo kɛ:+
“Wɔ* Tɛmem nee wɔ Yulem ne+ le sonla mɔɔ di nɔhalɛ maa wɔ la ɛdeɛ,+Ahenle mɔɔ ɛzɔle ye ɛnleanle wɔ Masaa la.+
Ɛbɔle ɔ bo ɛ nee ye dwudwule wɔ Mɛleba nzule ne anloa,+
9 Sonla mɔɔ zele ye papa nee ye mame kɛ, ‘Meangile ɛbulɛ meammaa bɛ.’
Ɔ mediema mrenyia bɔbɔ yeanlie bɛ yeando nu,+Na ɔbule ɔ nye ɔguale ɔ mra nwo zo.
Ɔluakɛ bɛlile wɔ edwɛkɛ zo,Yɛɛ bɛlile wɔ ngyekyeleɛ zo.+
10 Maa bɛva wɔ ngyehyɛleɛ bɛhilehile Gyekɔbo+Na bɛva wɔ Mɛla bɛhilehile Yizilayɛ.+
Maa bɛkpu ayilevuanlɛ bɛmaa wɔ+Na bɛva nane mumua bɛbɔ afɔle wɔ wɔ afɔlemokyea ne azo.+
11 O Gyihova, yila ye anwosesebɛ ne azo,Na maa ɛ nye ɛlie ɔ sa anloa gyima nwo.
Bubu bɛdabɛ mɔɔ bɛdwazo bɛtia ye la agyakɛ,*Amaa bɛdabɛ mɔɔ bɛkpɔ ye la andwazo antia ye bieko.”
12 Ɔhanle ye wɔ Bɛngyaman anwo kɛ:+
“Maa Gyihova kulovolɛ ne ɛdɛnla ye anzodwolɛ nu,Na ɔbɔ ɔ nwo bane alehyenlɛ muala,Ɔbadɛnla ɔ kɔme zo.*
13 Ɔhanle ye wɔ Dwosefi anwo kɛ:+
Gyihova ɛva ninyɛne mgbalɛ mɔɔ wɔ anwuma laɛyila ye azɛlɛ ne,+Ɛbɔlɛ nee azɛlɛ ye azo nzubula nu nzule,+
14 Ɔmaa ye ninyɛne mgbalɛ mɔɔ sɛnzɛne maa ɔyɛ boɛ laNa ɔmaa ye nzoleɛ kpalɛ siane biala,+
15 Ɔmaa ye tete awoka ne mɔ* azo ninyɛne mgbalɛ+Yɛɛ awoka ngyikyi mɔɔ wɔ ɛkɛ dahuu la azo ninyɛne mgbalɛ,
16 Ɔmaa ye azɛlɛ ne azo ninyɛne mgbalɛ nee mɔɔ wɔ zolɛ la bie,+Na Ahenle mɔɔ de kpɔkɛ ne anu la ɛlie ye ɛdo nu.+
Maa bɛrɛla Dwosefi ati zo,Maa ɔrɛla ahenle mɔɔ bɛye ye bɛvi ɔ mediema ne mɔ avinli la ati zo.+
17 Ye kɛnlɛma le kɛ ɛnlankɛ nyinli mɔɔ le belamunli ralɛ,Yɛɛ ye mɛne le kɛ ɛbɔ nu ɛnlankɛ mɛne.
Ɔbava yeazuhu* menliYeamaa bɛ muala bɛahɔgua azɛlɛ ne anloa lɔ.
Bɛmɛ a bɛle Yifelaem apenle apenle bulu bulu ne,+Yɛɛ bɛmɛ a bɛle Manasɛ apenle apenle ne a.”
18 Ɔhanle ye wɔ Zɛbulɛn anwo kɛ:+
“O Zɛbulɛn, di fɛlɛko wɔ wɔ ɛhɔlɛ nu,Yesakaa, di fɛlɛko wɔ wɔ ɛdanlɛ azua ne mɔ anu.+
19 Bɛbavɛlɛ menli bɛahɔ boka ne azo.
Ɛkɛ ne a bɛbabɔ tenleneyɛlɛ afɔle a,
Ɔluakɛ bɛbanyia anwonyia dɔɔnwo wɔ nyevile ne anuNee ɛnwea nu agudeɛ dɔɔnwo mɔɔ vea la.”
20 Ɔhanle ye wɔ Gaade anwo kɛ:+
“Nyilalɛ a le ahenle mɔɔ tɛlɛ Gaade ɛweɛne ne anu la.+
Ɔda ɛkɛ ne kɛ awenade,Yeziezie ɔ nwo kɛ ɔtu ɛsalɛ, ɛhɛe, yɛɛ etile.
21 Ɔbakpa azɛlɛ kpalɛ yeamaa ɔ nwo,+Ɔluakɛ ɛkɛ ne a mɛla maavolɛ ne bava azie amaa ye a.+
Menli ne mgbanyima ne mɔ bayia nu.
Ɔbamaa Gyihova tenleneyɛlɛ ne ala ali,Na ye mɛla adɛnla Yizilayɛ.
22 Ɔhanle ye wɔ Dan anwo kɛ:+
Dan le kɛ awenade ralɛ.+
Ɔbawulu yeavi Beehyan.”+
23 Ɔhanle ye wɔ Nafetalae anwo kɛ:+
“Nafetalae akunlu ɛdwo kɛ bɛlie ye bɛdo nuYɛɛ Gyihova ɛyila ye dɔɔnwo.
Fa adɔleɛ nee nyiakɛ yɛ wɔ agyapadeɛ.”
24 Ɔhanle ye wɔ Ahya anwo kɛ:+
“Bɛyila Ahya kɛ ɔwo mralɛ.
Maa ɔ mediema mrenyia ne mɔ ɛlo ye,Na ɔva ɔ gyakɛ ɔzie* nwole nu.
25 Bulalɛ nee kɔbele a le wɔ anlenkɛ kpole ne apipi,+Na ɛbanyia banebɔlɛ wɔ wɔ ngoane mekɛ kɔsɔɔti anu.*
26 Awie biala ɛnle ɛkɛ mɔɔ le kɛ Gyɛhyelan+ nɔhalɛ Nyamenle ne,+Mɔɔ dua anwuma ɔbaboa wɔNa ɔdua amungu nu wɔ ye anyunlunyia nu la.+
27 Nyamenle le ɛvealeka ɔvi tete,+Ɔ sa wɔ ɛ bo dahuu.+
Na ɔbavoa wɔ kpɔvolɛma yeavi ɛ nyunlu,+Na yeaha kɛ, ‘Bɛzɛkye bɛ!’+
28 Yizilayɛ badɛnla anzodwolɛ nu,Na Gyekɔbo nzubula ne angome badɛnlaWɔ azɛlɛ mɔɔ ma nee nwanye fofolɛ wɔ zo,+Na ɛbɔlɛ vi anwomanyunlu tɔ gua zolɛ la azo.+
29 O Yizilayɛ, anyelielɛ a le wɔ!+
Nwane a le kɛ ɛdawɔ,+Menli mɔɔ Gyihova ɛlie bɛ ngoane,+Wɔ enyinlike mɔɔ bɔ ɛ nwo bane+Nee wɔ konle dadeɛ kpole ne a?
Wɔ kpɔvolɛma badu agua ɛ nyunlu,+Na wɔatietia bɛ nzi.”*
Ɔbodwɛkɛ
^ Anzɛɛ “asafo.”
^ Ɔ bo kile “Tenlenenli,” ɔle Yizilayɛ amodinli mɔɔ bɛfa bɛdi ye eni.
^ Anzɛɛ “ɛho ɛlie.”
^ Ngyɛnu ɛhye anu, “Wɔ” nee “ɛ” gyi ɛkɛ maa Nyamenle.
^ Anzɛɛ “anze.”
^ Hibulu aneɛ nu, “ye awane avinli.”
^ Anzɛɛ ɔkola ɔkile, “aduduleɛ awoka ne mɔ.”
^ Anzɛɛ “yeazi.”
^ Anzɛɛ “ɔwula.”
^ Hibulu aneɛ nu, “Na wɔ mekɛ ne bayɛ kɛ wɔ anwosesebɛ la.”
^ Anzɛɛ ɔkola ɔkile, “awoka zo.”
