Edwɛne 26:1-12
Devidi edwɛne.
26 O Gyihova, bua me ndɛne, ɔluakɛ meva nɔhalɛlilɛ* melua;+Meva me nwo medo Gyihova anwo zo mɔɔ mendu me bo a.+
2 O Gyihova, neɛnlea me nu na sɔ me nea;Ye evinli biala fi me adwenle nu* nee me ahonle nu.+
3 Ɔluakɛ medwenledwenle wɔ ɛlɔlɛ kpundii ne anwo dahuu,Yɛɛ medua wɔ nɔhalɛ ne anu.+
4 Me nee adalɛma ɛndɛnla,+Yɛɛ me nee nabalabama ɛndu.
5 Mekyi ɛtanevolɛma agɔnwolɛvalɛ,+Yɛɛ me nee amumuyɛma ɛndɛnla.+
6 Mebanrinzi me sa anwo meahile kɛ menli fɔlɛ,Na meabɔ wɔ afɔlemokyea ne anwo mgbɔlɔka meayia, O Gyihova.
7 Mebamaa bɛade me moyɛlɛ ne+Na meabɔ wɔ nwanwane gyima ne mɔ kɔsɔɔti nolo.
8 Gyihova, mekulo sua ne mɔɔ ɛde nu la,+Ɛleka mɔɔ wɔ anyunlunyia ne wɔ la.+
9 Mmafa me ɛboka ɛtanevolɛma anwo ɛkpoa me ɛkɔ,+Anzɛɛ mmafa me ngoane ɛboka kodiawuma* anwo ɛkɔ,
10 Bɛdabɛ mɔɔ bɛbɔ anyiemgba ɛbɛla,Na belaebo ɛyi bɛ sa fema ne anu la.
11 Na mame, mebava nɔhalɛlilɛ* mealua.
Die* me, na maa menyia ɛ nyunlu ɛlolɛ.
12 Me gyakɛ gyi azɛlɛ sɛsɛ zo;+Mebaye Gyihova ayɛlɛ wɔ asafo kpole* nu.+
Ɔbodwɛkɛ
^ Anzɛɛ “munlililɛ.” Nea Edwɛkɛbohilelɛ.
^ Anzɛɛ “me nganeɛdelɛ mɔɔ vea me nu.” Hibulu aneɛ nu, “me kilenzia nu.”
^ Anzɛɛ “menli mɔɔ ka mogya gua la.”
^ Anzɛɛ “munlililɛ.” Nea Edwɛkɛbohilelɛ.
^ Hibulu aneɛ nu, “Kpɔne.”
^ Hibulu aneɛ nu, “ayia kpole.”
