Gyɛlɛmaya 21:1-14
21 Gyihova edwɛkɛ rale Gyɛlɛmaya ɛkɛ ne wɔ mekɛ mɔɔ Belemgbunli Zɛdikaya+ zoanle Malekaegya ara Pahyɛ+ nee Meeyasaya ara Zɛfanaya,+ ɛsɔfo ne, kɛ bɛhɔbiza ye kɛ:
2 “Yɛsɛlɛ wɔ, biza Gyihova maa yɛ, ɔluakɛ Babelɔn Belemgbunli Nɛbukadenɛza zo konle doa yɛ.+ Bie a Gyihova bayɛ ye nwanwane gyima ne mɔ ko amaa yɛ, na yeagyakyi yɛ.”+
3 Gyɛlɛmaya zele bɛ kɛ: “Bɛhɔha bɛhile Zɛdikaya kɛ,
4 ‘Mɔɔ Gyihova, Yizilayɛ Nyamenle ne ɛha la ɛne: “Nea, melɛkakyi bɛ akodeɛ mɔɔ bɛlɛ ye bɛ sa nu mɔɔ bɛlɛfa bɛ nee Babelɔn belemgbunli+ ne nee Kaledeama mɔɔ bɛbɔ bɛ bɛyia wɔ bane ne anzi ahɔho la meara bɛ nwo zo. Na mebaboɔboa bɛ nloa wɔ suakpole ɛhye avinli.
5 Na mebava ɛsalɛ mɔɔ bɛdenrɛ nu yɛɛ ɛsalɛ mɔɔ anwosesebɛ wɔ nu, me ɛya ne nee ɛya kpole yɛɛ ahonle mɔɔ ɛfutu kpalɛ la me nee bɛ aho.+
6 Mebahu bɛdabɛ mɔɔ bɛwɔ suakpole ɛhye azo la, menli nee nyɛmoa kɔsɔɔti. Ewulenzane* kpole bie a bahu bɛ a.”’+
7 “‘“Na yemɔ anzi,” Gyihova a se a, “Mebaye Dwuda Belemgbunli Zɛdikaya nee ye sonvolɛma nee menli mɔɔ wɔ suakpole ɛhye azo—bɛdabɛ mɔɔ konle dadeɛ, ɛhɔne yɛɛ ewulenzane angu bɛ la—meawula Babelɔn Belemgbunli Nɛbukadenɛza, bɛ kpɔvolɛma nee bɛdabɛ mɔɔ bɛlɛkpondɛ bɛ bɛahu bɛ la asa anu.+ Ɔbava konle dadeɛ yeahu bɛ. Bɛ nwo ɛnrɛyɛ ye alɔbɔlɛ, na ɔ kunlu ɛnrɛyelɛyela ye yɛɛ ɔnrɛze bɛ anwunvɔne.”’+
8 “Akee ka kile menli ɛhye mɔ kɛ, ‘Mɔɔ Gyihova ɛha la ɛne: “Nea, meva ngoane adenle nee ewule adenle mezie bɛ nyunlu.
9 Bɛdabɛ mɔɔ bɛbadɛnla suakpole ɛhye azo la konle dadeɛ, ɛhɔne nee ewulenzane bahuhu bɛ. Noko awie biala mɔɔ ɔbava ɔ nwo yeahɔmaa Kaledeama mɔɔ ɛbɔ bɛ ɛyia la badɛnla ngoane nu, bɛnrɛhu ye.”’+
10 “‘“Ɔluakɛ meva me nye mezie suakpole ɛhye anwo kɛ memaa munzule ado ye na tɛ kpalɛ ɔ,”+ Gyihova a se a. “Bɛbava bɛawula Babelɔn belemgbunli ne asa anu,+ na yeado senle wɔ zo yeayela ye.”+
11 “‘Dwuda belemgbunli ne sua nu amra: Bɛdie Gyihova edwɛkɛ ne.
12 O Devidi abozoamra, mɔɔ Gyihova ɛha la ɛne:
“Bɛli pɛlepɛle nwonlomɔ biala,Na bɛlie bɛdabɛ mɔɔ bɛlɛsisi* bɛ la bɛvi nzisima asa anu,+Amaa me ɛya ne anzɔ kɛ senle+Mɔɔ bɛngola ye nua laƆlua bɛ ninyɛndane ne mɔ ati.”’+
13 ‘O bɛmɛ mɔɔ bɛde bɔnza nu, mebamaa munzule ado bɛ,‘O bodane mɔɔ wɔ azɛlɛ sɛsɛ zo,’ Gyihova a se a.
‘Bɛmɛ mɔɔ bɛka kɛ: “Nwane a bara yɛ nwo zo a?
Na nwane a barava ɛleka mɔɔ yɛde la a?”
14 Mebahwe bɛ nzoWɔ bɛ nyɛleɛ ne mɔ anwo,’+ Gyihova a se a.
‘Mebado senle wɔ ye ɛhoayelɛ ne anu,Na ɔbayela debie biala mɔɔ ɛbɔ ye ɛyia la.’”+
