Gyɛlɛmaya 4:1-31
4 “O Yizilayɛ, saa ɛbazia wɔara a,” Gyihova a se a,“Saa ɛbazia wɔara me ɛkɛYɛɛ saa ɛbaye wɔ kyibadeɛ ananze ne mɔ me nye zo a,Anrɛɛ ɛnrɛyɛ ɛkobɔfo.+
2 Na saa ɛka ndane kɛ,‘Mekɛ ala mɔɔ Gyihova de aze la!’ wɔ nɔhalɛlilɛ, pɛlepɛlelilɛ nee tenleneyɛlɛ nu a,Yemɔ maanle maanle ne mɔ balua ɔ nwo zo anyia nyilalɛ,Na bɛava ye bɛadu bɛ nwo.”+
3 Ɔluakɛ mɔɔ Gyihova ɛlɛka ahile Dwudama nee Gyɛlusalɛmma la ɛne:
“Bɛzo ɛya wɔ azɛlɛ mɔɔ kye aleɛ la azo bɛva,Na bɛmmadua ma wɔ mbowule nu.+
4 Bɛmɛ Dwudama nee menli mɔɔ de Gyɛlusalɛm la,Bɛpɛ bɛ mrenyiazo bɛmaa Gyihova,Na bɛye nwoma ne mɔɔ heda bɛ ahonle ne mɔ azo la,+Na bɛ nyɛleɛ ɛtane ne mɔ ati+Me ɛya ne anzɔ kɛ senle,Anyela bɛ mɔɔ awie biala ɛnrɛhola ye nua a.”
5 Bɛha ye wɔ Dwuda na bɛbɔ ye nolo wɔ Gyɛlusalɛm.
Bɛdea nu na bɛwu aweɛne nu wɔ azɛlɛ ne kɔsɔɔti azo.+
Bɛdea nu kpole na bɛha kɛ: “Bɛboɔboa bɛ nloa,Na bɛmaa yɛnriandi yɛhɔ azuamgbole mɔɔ bɛlie nwolɛ bane la azo.+
6 Bɛmaa sɛkɛlɛneɛ* zo wɔ Zayɔn.
Bɛkpondɛ ɛleka bɛvea, bɛmmagyinla,”
Ɔluakɛ me nee munzule vi sɔlɔ ɛlɛba,+ ɛzɛkyelɛ kpole bie.
7 Ɔle kɛ awenade mɔɔ vi kpɔkɛmile nu ɛvinde la;+Maanle maanle sɛkyevolɛ ne ɛvinde.+
Ɔvi ye ɛleka ne yevinde kɛ ɔmaa wɔ azɛlɛ ne ahakyi debie ɛzulolɛ bie.
Bɛbazɛkye wɔ azuamgbole ne mɔ bɔkɔɔ, awie biala ɛnrɛdɛnla ɛkɛ.+
8 Ɛhye ati, bɛheda ɛrele,+Bɛli nyane* na bɛzu alɔbɔlɛ ɛzunlɛ,Ɔluakɛ Gyihova ɛya wuluwulu ne ɛtɛfile yɛ nwo zo.
9 “Kenle zɔhane,” kɛ Gyihova se la ɛne, “belemgbunli ne ahonle badu,+Mgbanyima ne mɔ noko ahonle badu;Ɛzulolɛ baha ɛsɔfoma ne, na ɔbayɛ ngapezoma ne azibɛnwo.”+
10 Akee menganle kɛ: “O Tumivolɛ Awulae Gyihova! Nɔhalɛ nu, wɔbɛlɛbɛla menli ɛhye mɔ+ nee Gyɛlusalɛm bɔkɔɔ wɔha kɛ, ‘Bɛbanyia anzodwolɛ,’+ wɔ mekɛ mɔɔ konle dadeɛ la yɛ komenzia* la.”
11 Mekɛ zɔhane bɛbaha bɛahile menli ɛhye mɔ nee Gyɛlusalɛm kɛ:
“Anwoma wuluwulu bie vi awoka ngyikyi mɔɔ ɛhwee ɛnle zo wɔ ɛsɛlɛ zo laBabɔ ava me menli ne;Ɔnle anwoma mɔɔ ɔbakpogya ma anzɛɛ ɔbaye abonle yeavi ma nwo a.
12 Medame a mebamaa anwoma anu ɛsesebɛ ɛhye abɔ a.
Na mebaha ndɛnebualɛ meatia bɛ.
13 Nea! Ɔbara kɛ ezule mɔɔ ɛmunla la,Na ye ehwili ne mɔ ayɛ kɛ ahumu la.+
Ye mgbɔnwɔ ne mɔ anwo yɛ ndɛ tɛla kɔleɛ.+
Yɛ gyakɔ, ɔluakɛ bɛzɛkye yɛ bɔkɔɔ!
14 O Gyɛlusalɛm, wowo amumuyɛyɛlɛ fi wɔ ahonle nu amaa bɛalie wɔ ngoane.+
Ɛbava nzuzulɛ ɛtane wɔazie wɔ nu wɔahɔdwu kenlenzu?
15 Ɔluakɛ ɛnelɛ bie vi Dan ɛlɛka nrɛlaleɛ ne,+Yɛɛ ɔvi Yifelaem awoka ne mɔ azo ɔlɛbɔ munzule nolo.
16 Ɛhɛe, bɛha bɛhile maanle maanle ne mɔ:Bɛbɔ ye nolo bɛtia Gyɛlusalɛm.”
“Sinzavolɛma* vi moamoa ɛlɛba,Bɛbamaa bɛ ne zo bɛatia Dwuda azuamgbole ne mɔ.
17 Bɛle kɛ sinzavolɛma mɔɔ sinza egyinli la, bɛbabɛnga ye bɛayia bɛateta ye,+Ɔluakɛ yede me nwo atua,”+ Gyihova a se a.
18 “Wɔ ndenle nee wɔ nyɛleɛ bazia ara ɛ nwo zo.+
Nea kɛzi wɔ munzule ne yɛ ɛnwonle a,Ɔluakɛ ɔkɔ too ɔkɔdwu wɔ ahonle nu!”
19 O ɔyɛ me nyane,* ɔyɛ me nyane!
Melɛdi nyane kpole wɔ me ahonle nu.*
Me ahonle ɛlɛsi wɔ me nu.
Mengola menyɛ koonwu,Ɔluakɛ mede aweɛne ne ane,Konle nwo sɛkɛlɛneɛ ne.*+
20 Bɛbɔ amaneɛ kɛ ɛzɛkyelɛ doa ɛzɛkyelɛ,Ɔluakɛ bɛzɛkye azɛlɛ ne amuala.
Bɛzɛkye me ɛdanlɛ azua ne mɔ arɛlevilɛ nu,Bɛzɛkye me ɛdanlɛsua ne ɛkɛ ne ala.+
21 Mebanwu sɛkɛlɛneɛ* ne meahɔdwu kenlenzu,Mebade aweɛne ne ane meahɔdwu kenlenzu?+
22 “Ɔluakɛ me menli ne le ahoasea;+Bɛnze me.
Bɛle mralɛ mɔɔ bɛnze nrɛlɛbɛ, bɛnlɛ ndelebɛbo.
Bɛbe* ɛtaneyɛlɛ nu,Noko bɛnze kɛzi bɛyɛ kpalɛ la.”
23 Menwunle azɛlɛ ne, na nea! ɔla ɛkɛ ne mgbane mɔɔ ɛhwee ɛnle zo.+
Meneanle anwuma, na ye ahɛnlaneɛ ne mɔ ɛnle ɛkɛ ne bieko.+
24 Menwunle awoka mgbole ne mɔ, na nea! bɛlɛkpusu,Yɛɛ awoka ngyikyi ne mɔ ɛlɛwoso.+
25 Menwunle ye, na nea! awie biala ɛnle ɛkɛ,Na anwomanyunlu nloma kɔsɔɔti ɛdu ɛhɔ.+
26 Menwunle ye, na nea! azɛlɛ mɔɔ kye aleɛ la ɛhakyi fienemgbole,Yɛɛ bɛbubu ye azuamgbole ne mɔ kɔsɔɔti bɛgua.+
Gyihova a ɛyɛ a,Ɔlua ye ɛya wuluwulu ne ati.
27 Ɔluakɛ mɔɔ Gyihova ɛha la ɛne: “Azɛlɛ ne amuala badɔ mgbane,+Noko menrɛzɛkye ye bɔkɔɔ.
28 Ɛhye ati azɛlɛ ne bali nyane,+Na anwuma bayɛ awozinli.+
Ɔluakɛ meha, mebɔ kpɔkɛ,Na menrɛhakyi me adwenle,* yɛɛ menrɛvi nwolɛ.+
29 Mgbɔnwɔkavoma nee ɛdatovoma ne anwo dede neMaa sua ne azo amra amuala nriandi.+
Bɛgua ɛbɔ nu,Na bɛfo awolɛ mgbole.+
Bɛfi suakpole biala azo,Na awie biala ɛndɛnla ɛkɛ.”
30 Kɛkala mɔɔ bɛzɛkye wɔ bɔkɔɔ la, duzu a ɛbayɛ a?
Ɛnee ɛkeda ɛdanlɛ kɔkɔlɛ,Ɛfa nvutuke agudeɛ ɛsiezie ɛ nwo,Na ɛfa ayile bile ɛto ɛ nye anzi.
Noko ɛmaanle ɛ nwo yɛle fɛ mgbane,+Ɔluakɛ menli mɔɔ ɛnee kulo wɔ la ɛkpo wɔ;Kɛkala bɛkpondɛ kɛ bɛku wɔ.*+
31 Ɔluakɛ mede ɛnelɛ kɛ raalɛ mɔɔ ɛnde kpɔkɛ la ane,Mede ɛkponlenlɛ kɛ raalɛ mɔɔ ɛlɛwo ye belamunli ralɛ la,Zayɔn ara raalɛ ne mɔɔ ɛlɛkponle la ane.
Yedɛlɛ ɔ sa nu ɔlɛka kɛ:+
“Me gyakɔ, ɔluakɛ kodiawuma ɛmaa mevɛ!”
Ɔbodwɛkɛ
^ Anzɛɛ “sɛkɛlɛneɛ baka.”
^ Anzɛɛ “Bɛbila bɛ kɛnra azo.”
^ Anzɛɛ “ɛdwu yɛ ɛkɛla nwo.”
^ Hibulu aneɛ nu, “Bɛdabɛ mɔɔ bɛsinza suakpole ne amaa saa awie mɔ ɛlɛba arateta ye a bɛanwu ye la.”
^ Hibulu aneɛ nu, “me anyalɛ nu.”
^ Hibulu aneɛ nu, “wɔ bane mɔɔ wɔ me ahonle ne anwo la anu.”
^ Anzɛɛ ɔkola ɔkile, “konle ne ane.”
^ Anzɛɛ “sɛkɛlɛneɛ baka.”
^ Anzɛɛ “Bɛze nrɛlɛbɛ wɔ.”
^ Anzɛɛ “menrɛnlu me nwo.”
^ Anzɛɛ “bɛlɛkpondɛ wɔ ɛkɛla.”
