Gyɛlɛmaya 47:1-7
-
Ngapezo mɔɔ tia Filisitiama (1-7)
47 Edwɛkɛ ɛhye a Gyihova hanle hilele ngapezonli Gyɛlɛmaya wɔ Filisitiama anwo+ kolaa na Falo ali Gaza anwo zo konim a.
2 Mɔɔ Gyihova ɛha la ɛne:
“Bɛnlea! Nzule vi sɔlɔ nehane ɛlɛba.
Ɔbayɛ azuyilɛ kpole.
Na ɔbayi yeava azɛlɛ ne nee debie biala mɔɔ wɔ zo la azo,Suakpole ne nee bɛdabɛ mɔɔ bɛde zo la.
Menli bɛadeɛdea nu,Na awie biala mɔɔ de azɛlɛ ne azo la bazu alɔbɔlɛ ɛzunlɛ.
3 Saa bɛte ye mgbɔnwɔ ne mɔ agyakɛ abo,Ye konle ehwili ne mɔ anwo dede neNee ɔ gyakɛ ne mɔ mɔɔ ɛlɛpɛne bɛ nwo la ane a,Selɛma ɛnrɛdo bɛ nye bɛ nzi ɛnrɛnlea bɛ mra,Ɔluakɛ bɛ sa nu ɛtuto,
4 Ɔluakɛ kenle ne mɔɔ ɛlɛba la bazɛkye Filisitiama amuala;+Ɔbaye boavolɛ biala mɔɔ ɛha la yeavi Taya+ nee Saedɛn+ anwo.
Ɔluakɛ Gyihova bazɛkye Filisitiama,Bɛdabɛ mɔɔ bɛha mɔɔ bɛvi Kafetɔ* bɔra ne azo la.+
5 Gaza ati zo bakpa.
Bɛmaa Ahyekɛlɔn ɛyɛ koonwu.+
O bɛdabɛ mɔɔ bɛha bɛ azɛlɛ sɛsɛ ne mɔ azo la,Bɛbabodɛboda* bɛ nwo bɛahɔdwu kenlenzu?+
6 Aa! Gyihova konle dadeɛ!+
Kenlenzu a ɛkɛyɛ koonwu a?
Sia kɔvea wɔ boa ne anu.
Die ɛ menle na yɛ koonwu.
7 Kɛ ɔkɛyɛ na yeayɛ koonwuWɔ mekɛ mɔɔ Gyihova ɛmaa ye gyima la ɛ?
Yemaa ye gyima kɛ ɔho ɔtiaAhyekɛlɔn nee bɛdabɛ mɔɔ bɛde nyevile ne anloa la.”+
