Gyɛlɛmaya 5:1-31
5 Bɛkpɔsa Gyɛlusalɛm awɔdenle ne mɔ azo.
Bɛnlea mɔɔ ɛbɔ bɛ ɛyia la na bɛyɛ ye nzonlɛ.
Bɛnlea ye gua ne mɔ azoSaa bɛbanwu sonla mɔɔ di pɛlepɛle,+Awie mɔɔ kpondɛ kɛ ɔdi nɔhalɛ la a,Anrɛɛ mebava meahyɛ suakpole ne.
2 Saa bɛka kɛ: “Kɛ Gyihova de aze la!” bɔbɔ a,
Bɛka adalɛ ndane.+
3 O Gyihova, asoo tɛ menli mɔɔ di nɔhalɛ la a ɛ nye die bɛ nwo a?+
Ɛhwenle bɛ nzo, noko bɛande nyane ne.
Ɛzɛkyele bɛ, noko bɛanlie ɛdenrɛdenrɛlɛ ne bɛando nu.+
Bɛmaanle bɛ nyunlu yɛle se dɛlale bodane,+Na bɛanzia bɛ nzi.+
4 Noko menganle ye me ti anu kɛ: “Ɔbayɛ kɛ ɛhye mɔ le koahweabanema.
Bɛli ngoaseasɛm, ɔluakɛ bɛnze Gyihova adenle ne,Bɛ Nyamenle ne ndɛnebualɛ ne.
5 Mebahɔ menli titili ne mɔ ɛkɛ ne me nee bɛ ahɔdendɛ,Ɔluakɛ bie a bɛmɛ bɛnwu Gyihova adenle ne,Bɛ Nyamenle ne ndɛnebualɛ ne.+
Noko bɛ muala bɛbubu gyɛnvayile ne anuNa bɛtete nyɛma ne anu.
6 Ɛhye ati a ɛhoayelɛ nu awenade teta bɛ,Ɛsɛlɛ zo bedi sɛkye bɛ,Sobolɛ kɔ nzia wɔ bɛ azuamgbole ne mɔ azo la.
Awie biala mɔɔ kɛvinde la bɛtete ye nzokanzoka.
Ɔluakɛ bɛ mɛladonlɛ zonle;Yɛɛ bɛanli nɔhalɛ fane dɔɔnwo.+
7 Kɛ ɔkɛyɛ na meava ɛhye meahyɛ wɔ ɛ?
Ɛ mra ɛkpo me,Bɛfa mɔɔ ɛnle Nyamenle la bɛka ndane.+
Memaanle bɛ sa hanle mɔɔ bɛhyianle nwolɛ la,Noko bɛhɔle zo bɛzɛkyele agyalɛ,Na bɛdule twi bɛhɔle tuutuunli sua nu.
8 Bɛle kɛ mgbɔnwɔ mɔɔ bɛ atiakunluwɔzo ɛdwazo na bɛngola bɛ nwo sɔ la,Ko biala su di awie aye anzi.+
9 “Asoo ɔnle kɛ memaa bɛbu ɛhye mɔ anwo mgbonda ɔ?” Gyihova a se a.
“Asoo ɔnle kɛ medi maanle zɛhae nzenralɛ ɔ?”+
10 “Bɛvo bɛrɛla ye vanye egyinli ne anu na bɛzɛkye ye,Noko bɛmmasɛkye ye bɔkɔɔ.+
Bɛpepɛ ɔ sa ngane ne mɔ mɔɔ ɛfifi fofolɛ la,Ɔluakɛ bɛnle Gyihova ɛdeɛ.
11 Na Yizilayɛma nee DwudamaƐbɛlɛbɛla me bɔkɔɔ,” Gyihova a se a.+
12 “Bɛkpo Gyihova na bɛkɔ zo bɛka kɛ,‘Ɔnrɛyɛ ɛhwee.*+
Munzule biala ɛnrɛra yɛ nwo zo;Yɛnrɛnwu konle dadeɛ anzɛɛ ɛhɔne.’+
13 Ngapezoma ne le anwoma ala,Na edwɛkɛ ne* ɛnle bɛ nu.
Mɔɔ ɔbado bɛ la ala ɛne!”
14 Ɛhye ati mɔɔ Gyihova, ɛlɔne Nyamenle ne ɛha la ɛne:
“Kɛmɔ menli ɛhye mɔ ɛlɛka ɛhye la ati,Memaa me edwɛkɛ ne ahakyi senle wɔ ɛ nloa anu,+Na menli ɛhye mɔ a le ɛyɛne ne a,Na ɔbayela bɛ.”+
15 “O Yizilayɛma, melɛmaa maanle bie mɔɔ wɔ moamoa la ara bɛ nwo zo,”+ Gyihova a se a.
“Ɔle maanle mɔɔ yehyɛ.
Ɔle tete maanle,Maanle mɔɔ bɛnde bɛ aneɛ,Maanle mɔɔ asolo bɛ aneɛ la.+
16 Bɛ ɛda mbaka kodoku le kɛ nla mɔɔ bɛtɛkedale zolɛ la;Bɛ muala bɛle katakyiema.
17 Bɛbali bɛ egyinli nu ninyɛne nee bɛ aleɛ.+
Bɛbahu bɛ mra mrenyia nee bɛ mra mraalɛ.
Bɛbahu bɛ mboane nee bɛ nlankɛ.
Bɛbazɛkye bɛ vanye nee bɛ feege mbaka.
Bɛbava konle dadeɛ bɛazɛkye bɛ azuamgbole mɔɔ bɛlie nwolɛ bane mɔɔ bɛfa bɛ nwo bɛto zo la.”
18 “Noko wɔ mekɛ zɔhane bɔbɔ,” kɛ Gyihova se la ɛne, “Menrɛzɛkye bɛ bɔkɔɔ.+
19 Na saa bɛbiza kɛ, ‘Duzu ati a Gyihova yɛ Nyamenle ne ɛmaa ɛhye mɔ amuala ɛdo yɛ a? bua bɛ kɛ, ‘Kɛ mɔɔ bɛkpole me na bɛzonlenle adalɛ nyamenle wɔ bɛ azɛlɛ ne azo la, zɔhane ala a bɛbazonle nyɛvolɛ wɔ azɛlɛ mɔɔ ɔnle bɛ ɛdeɛ la azo a.’”+
20 Bɛha ɛhye bɛhile Gyekɔbo abozoamra,Na bɛbɔ ye nolo wɔ Dwuda kɛ:
21 “Bɛdie ɛhye, menli ahoasea mɔɔ bɛnze nrɛlɛbɛ:+
Bɛlɛ ɛnyelɛ noko bɛnnwu debie;+Bɛlɛ ɛnzolɛ noko bɛnde edwɛkɛ.+
22 ‘Bɛnzulo me ɔ?’ Gyihova a se a,Asoo ɔnle kɛ bɛ nwo woso bɛ wɔ me nyunlu ɔ?
Medame a menvale ɛnwea mengyale nyevile ne ɛweɛne a,Ngyehyɛleɛ mɔɔ wɔ ɛkɛ ne dahuu mɔɔ ɔnrɛhola ɔnrɛbɔ ye ɔnrɛdɛla.
Ye azɛlɛkye ne mɔ bu bɔbɔ ɛdeɛ, noko bɛngola;Bɛkulu bɔbɔ ɛdeɛ, noko bɛngola bɛmbɔ ye bɛndɛla.+
23 Noko menli ɛhye mɔ lɛ anzosesebɛ nee atuadelɛ ahonle;Bɛhakyi bɛ nzi bɛzi me na bɛva bɛ ngome bɛ adenle zo.+
24 Na bɛnga ye wɔ bɛ ahonle nu kɛ:
“Kɛkala bɛmaa yɛzulo Gyihova yɛ Nyamenle ne,Ahenle mɔɔ maa ezule tɔ wɔ ye mekɛ nu,Bokile ezule nee nyenyesuo,Ahenle mɔɔ sinza ma ɛdelɛ dapɛne ne mɔ mɔɔ yehile la maa yɛ la.”+
25 Bɛ nvonleɛ a ɛdua ninyɛne ɛhye mɔ adenle a;Bɛ ɛtane a ɛmaa mɔɔ le kpalɛ la ɛkpa bɛ ti a.+
26 Ɔluakɛ amumuyɛma wɔ me menli ne anu.
Bɛkɔ nzia kɛ mɔɔ nlomakyevolɛma se ngoko la.
Bɛsua ngane mɔɔ ku sonla.
Menli a bɛkye bɛ a.
27 Kɛ mɔɔ nloma yi tunli nu la,Zɔhane ala a mɛlɛbɛla ɛyi bɛ azua ne mɔ anu a.+
Ɛhye ati a bɛ tumi ɛyɛ kpole na bɛnyia bɛ nwo la.
28 Bɛyɛ mbelane yɛɛ bɛ nwonane ɛdɔ zo;Ɛtane ɛyi bɛ tɛkɛɛ.
Bɛnli arisa ralɛ edwɛkɛ bɛmmaa ye,+Na yeawie bɛ boɛ;Yɛɛ bɛnli pɛlepɛle bɛmmaa ehyianli.+
29 “Asoo ɔnle kɛ memaa bɛbu ɛhye mɔ anwo mgbonda ɔ?” Gyihova a se a.
“Asoo ɔnle kɛ medi maanle zɛhae nzenralɛ ɔ?
30 Debie mɔɔ yɛ ɛzulolɛ nee azibɛnwo la ɛzi azɛlɛ ne azo:
31 Ngapezoma ka adalɛ ngapezo,+Yɛɛ ɛsɔfoma fa bɛ tumi sie awie mɔ.
Na me menli ne noko kulo ye zɔ.+
Na saa awieleɛ ne ba a duzu a bɛbayɛ a?”
