Gyɛlɛmaya 9:1-26
9 O saa me ti le azule,Yɛɛ me nye le monle nzubula a!+
Anrɛɛ mebazu alehyenlɛ nee aledwolɛƆlua me menli ne mɔɔ bɛhu bɛ la ati.
2 O saa melɛ adenduvoma azokoɛleɛ wɔ fienemgbole ne anu a!
Anrɛɛ mebagyakyi me menli ne na meavi bɛ nwo ɛkɛ meahɔ,Ɔluakɛ bɛ muala bɛsɛkye agyalɛ,+Menli mɔɔ le mɛlɛbɛla la ekpunli.
3 Bɛbele bɛ tafinlima kɛ ɛda;Bɛnli nɔhalɛ, adalɛ ala a bɛbɔ ye wɔ azɛlɛ ne azo a.+
“Bɛyɛ ɛtane la ɛnee bɛyɛ,Bɛndie me edwɛkɛ,”+ Gyihova a se a.
4 “Awie biala ɛnlea ɔ nwo boɛ wɔ ɔ gɔnwo anwo,Yɛɛ bɛmmafa bɛ nwo bɛto bɛ diema bɔbɔ anwo zo.
Ɔluakɛ adiema biala ye ɔ diema maa,+Yɛɛ agɔnwolɛ biala sɛkye ɔ gɔnwo duma.+
5 Awie biala sisi ɔ gɔnwo,Yɛɛ awie biala ɛnga nɔhalɛ.
Bɛhilehile bɛ tafinlima adalɛbɔlɛ.+
Bɛyɛ ɛtane dedee bɛfɛ.
6 Ɛde mɛlɛbɛla avinli.
Bɛbɛlɛbɛla, na bɛkpo kɛ bɛbanwu me,” Gyihova a se a.
7 Ɛhye ati mɔɔ ɛlɔne Gyihova ɛha la ɛne:
“Mebaholo bɛ na meazɔ bɛ meanlea,+Duzu bieko a mebahola meayɛ meamaa me menli ne a?
8 Bɛ tafinlima le kɛ ɛda mbaka mɔɔ ku sonla la, ɔka mɛlɛbɛla edwɛkɛ.
Sonla fa ɔ nloa ka anzodwolɛ edwɛkɛ kile ɔ gɔnwo,Noko ɔbu ɔsia ye wɔ ye ahonle nu.”
9 “Asoo ɔnle kɛ memaa bɛbu ɛhye mɔ anwo mgbonda ɔ?” Gyihova a se a.
“Asoo ɔnle kɛ medi maanle zɛhae nzenralɛ ɔ?”+
10 Awoka ne mɔ ati, mebazu na meaye awolɛYɛɛ fienemgbole nu adidileka ne mɔ ati, mebado nyanelilɛ edwɛne,Ɔluakɛ bɛyela bɛ yemɔti awie biala ɛnva ɛkɛ,Yɛɛ bɛnde nyɛmoa ɛzunlɛ wɔ ɛkɛ.
Anwomanyunlu nloma nee nane ɛnriandi; bɛhɔ.+
11 Mebamaa Gyɛlusalɛm ahakyi awolɛ mɔɔ bɛhuohua ɔ nloa,+ ɛzonlɛ dabelɛ,+Mebamaa Dwuda azuamgbole ne mɔ adɔ mgbane, awie ɛnrɛdɛnla ɛkɛ.+
12 Nwane a ze nrɛlɛbɛ mɔɔ ɔbade ɛhye abo a?
Nwane a Gyihova ɛdendɛ ɛhile ye mɔɔ ɔdaye noko ɔbabɔ ye nolo a?
Duzu ati a azɛlɛ ne ɛzɛkye a?
Duzu ati a yeyela kɛ fienemgbole,Amaa awie biala anva zo ɛ?”
13 Gyihova buale kɛ: “Ɔluakɛ bɛkpole me mɛla ne mɔɔ menvale memaanle bɛ la, bɛanli zo yɛɛ bɛandie me ne.
14 Emomu, bɛyɛle anzosesebɛ bɛlile bɛ ahonle nzi,+ bɛdoale Beeyale ananze ne mɔ kɛ mɔɔ bɛ papa mɔ hilehilele bɛ kɛ bɛyɛ la.+
15 Ɛhye ati mɔɔ ɛlɔne Gyihova, Yizilayɛ Nyamenle ne ɛha la ɛne, ‘Nea mebamaa menli ɛhye mɔ ali ɛnwonle, na bɛanlo nzule mɔɔ pɔezen wɔ nu la.+
16 Mebabɔ bɛ asande meahɔgua maanle maanle mɔɔ bɛ nee bɛ papa mɔ ɛnze zo la azo,+ na meamaa konle dadeɛ ali bɛ nzi kɔkpula kɛ mebabɔ bɛ bo zo.’+
17 Mɔɔ ɛlɔne Gyihova ɛha la ɛne,‘Bɛva ndelebɛbo bɛli gyima.
Bɛvɛlɛ mraalɛ mɔɔ to nyanelilɛ edwɛne la,+Na bɛzoa bɛhɔvɛlɛ mraalɛ mɔɔ ze su kpalɛ la bɛmaa bɛrɛla,
18 Amaa bɛayɛ ye ndɛ bɛaye awolɛ bɛamaa yɛ,Amaa yɛ nye ahwi monleNa yɛ nye akpolo nzule.+
19 Ɔluakɛ bɛde awolɛyelɛ wɔ Zayɔn:+
“Nea kɛzi bɛzɛkye yɛ a!
Nea kɛzi yɛ anyiemgba ɛyɛ kpole a!
Ɔluakɛ yɛvi azɛlɛ ne azo, yɛɛ bɛbubu yɛ azua ne mɔ bɛgua.”+
20 Bɛmɛ mraalɛ, bɛdie Gyihova edwɛkɛ.
Bɛyɛ ɛnzolɛ bɛdie ɔ nloa anu edwɛkɛ.
Bɛhilehile bɛ mra mraalɛ awolɛyelɛ ɛhye,Na awie biala ɛhile ɔ gɔnwo nyanelilɛ edwɛne ɛhye.+
21 Ɔluakɛ ewule ɛva nvɛnzɛlɛ ne mɔ anu ɛra;Yewolo yɛ aranemgbole ne mɔ anuYerava ngakula wɔ awɔdenle ne mɔ azoYɛɛ mgbavolɛ wɔ gua ne mɔ azo.’+
22 Ka kɛ, ‘Kɛ Gyihova se la ɛne:
“Menli avunli bagua azɛlɛ ne azo kɛ nyɛmoa ebinli,Bɛle kɛ ma fofolɛ siakɛ mɔɔ matevolɛ ɛgyakyi ye ɔ nzi,Mɔɔ awie ɛnle ɛkɛ mɔɔ ɔbaboɔboa ɔ nloa la.”’”+
23 Mɔɔ Gyihova ɛha la ɛne:
“Mmamaa nrɛlɛbɛvolɛ fa ye nrɛlɛbɛ ne tu ɔ nwo;+Mmamaa anwosesebɛ sonla fa ye anwosesebɛ ne tu ɔ nwo;Yɛɛ mmamaa sukoavolɛ fa ye anwonyia ne tu ɔ nwo.”+
24 “Noko bɛmaa mɔɔ ɔtu ɔ nwo la ɛdu ɔ nwo wɔ ɛhye mɔ anwo:
Kɛ ɔlɛ me nwo ndelebɛbo nee nrɛlɛbɛ,+Kɛ mame a mele Gyihova a, Ahenle mɔɔ da ɛlɔlɛ kpundii, pɛlepɛlelilɛ nee tenleneyɛlɛ ali wɔ azɛlɛ ye azo la,+Ɔluakɛ ninyɛne ɛhye mɔ a me nye die nwo a,”+ Gyihova a se a.
25 “Nea! Mekɛ ɛlɛba,” Gyihova a se a, “mɔɔ mebahwe awie biala mɔɔ bɛpɛ ye mrenyiazo noko bɛtɛpɛle ye nɔhalɛ nu la anzo a,+
26 Yigyibiti+ nee Dwuda+ nee Yidɔm+ nee Amɔnoma+ nee Mowabe+ yɛɛ bɛdabɛ mɔɔ bɛkpa bɛ kɛsa na bɛde fienemgbole ne anu la amuala boka nwo;+ ɔluakɛ bɛtɛpɛle maanle maanle ne mɔ amuala mrenyiazo, yɛɛ bɛtɛpɛle Yizilayɛma amuala noko mrenyiazo wɔ ahonle nu.”+
