Mrɛlɛbulɛ 30:1-33
30 Gyeeka ara Egɛ edwɛkɛ mɔɔ anwo hyia mɔɔ ɔhanle ɔhilele Yeteɛle, Yeteɛle nee Yukale la.
2 Awie biala lɛ adwenle tɛla me,+Yɛɛ menlɛ ndelebɛbo mɔɔ ɔwɔ kɛ sonla nyia la bie.
3 Metɛsukoale nrɛlɛbɛ,Yɛɛ menlɛ Nwuanzanwuanza Ko ne adwenle ne bie.
4 Nwane a ɛvo ɛhɔ anwuma na yedwu aze a?+
Nwane a ɛboɔboa anwoma ne anloa wɔ ɔ sa amunwiɔ ne anu a?
Nwane a ɛkyekye azule ne mɔ wɔ ye tɛladeɛ nu a?+
Nwane a yɛle azɛlɛ ne ɛleka biala* a?+
Saa ɛze a—Kɛ bɛfɛlɛ ye ɛ, yɛɛ kɛ bɛfɛlɛ ɔ ra ne ɛ?
5 Nyamenle anloa edwɛkɛ biala anwo te.*+
Ɔle enyinlike ɔmaa bɛdabɛ mɔɔ bɛnriandi bɛkɔfea ye nu la.+
6 Mmafa debie biala ɛboka ye edwɛkɛ ne mɔ anwo,+Anrɛɛ ɔbahwi ɛ nyunlu,Na bɛanwu kɛ ɛle adalɛ.
7 Ninyɛne nwiɔ a mebiza meavi wɔ ɛkɛ a,
Mmafa ɛbɔ me abokɛ kolaa na meawu.
8 Ye mɛlɛbɛla nee adalɛ fi me nwo kɔ moamoa.+
Mmamaa medi ehyia anzɛɛ menyia me nwo.
Maa menyia aleɛ mɔɔ mehyia nwolɛ la ala menli,+
9 Amaa me ko anyi na meamkpo wɔ na meanga kɛ, “Nwane a le Gyihova?”+
Anzɛɛ mmamaa meyɛ ehyianli na meanwua debie na meagua me Nyamenle ne duma ne anwo evinli.
10 Mmasɛkye sonvolɛ duma wɔ ɔ menle anyunlu,Anrɛɛ ɔkɛwa wɔ amonle na ɛkɛli fɔlɛ.+
11 Awolɛndoazo bie wɔ ɛkɛ mɔɔ wa ye papa amonleNa ɔnyila ye mame a.+
12 Awolɛndoazo bie wɔ ɛkɛ mɔɔ ɔ nwo te wɔ ɔdaye ɔ nye zo+Noko ɔtɛwowole ɔ nwo evinli a.
13 Awolɛndoazo bie wɔ ɛkɛ mɔɔ ɔlɛ adubɛnwo ɛnyelɛNa ɔ nye nea debie anwomemaazo nu a!+
14 Awolɛndoazo bie wɔ ɛkɛ, ɔ gye le konle dadeɛYe awudwelɛ le kɛ dadeɛ;*Bɛkye koahweabanema mɔɔ wɔ azɛlɛ ne azoNee ehyiavolɛma mɔɔ bɛwɔ alesama avinli la bɛdi.+
15 Mimike lɛ ɔ mra mraalɛ nwiɔ mɔɔ bɛtea nu kɛ, “Fa maa me! Fa maa me!”
Ninyɛne nsa bie wɔ ɛkɛ mɔɔ bɛ kunlu ɛndwo ɛlɛ,Mɔɔ tɔ zo nna la ɛnga ye ɛlɛ kɛ, “Yeyɛ boɛ!”
16 —Nla*+ nee ɛkolɛ mɔɔ le mota,Azɛlɛ mɔɔ nzule ɛnle zo,Yɛɛ senle mɔɔ ɛnga ye ɛlɛ kɛ, “Yeyɛ boɛ!” la.
17 Ɛnyelɛ mɔɔ golo ye papa anwo na ɔndie ye mame edwɛkɛ la+—Mbɔnza nu ahɔhɔsɛlɛ badudu ye,Na kɔleɛ ngyikyi ali.+
18 Ninyɛne nsa bie wɔ ɛkɛ mɔɔ me adwenle ɛndwu nwo* a,Yɛɛ ninyɛne nna a mende ɔ bo a:
19 Kɔleɛ adenle wɔ anwuma,Ɛwɔlɛ adenle wɔ bodane zo,Meli adenle wɔ nyevile zo,Yɛɛ nrenyia adenle wɔ mekɛ mɔɔ ɔ nee bɛlɛra lua la.
20 Raalɛ mɔɔ sɛkye agyalɛ la adenle ɛne:
Ɔdi, ɔkyikyi ɔ nloa anwo;Na akee yeaha kɛ, “Metɛyɛle ɛtane biala.”+
21 Ninyɛne nsa bie wɔ ɛkɛ mɔɔ bɛmaa azɛlɛ ne woso aYɛɛ ninyɛne nna a ɔngola ɔngyinla ɔ nloa a:
22 Saa akɛlɛ bayɛ belemgbunli a,+Saa aleɛ bu koasea nwo zo a,
23 Saa bɛgya raalɛ mɔɔ bɛkpɔ* ye la a,Yɛɛ saa sonvolɛ bɛlɛra fa ɔ menle raalɛ abo zo* a.+
24 Ninyɛne nna wɔ azɛlɛ ye azo mɔɔ bɛboka ninyɛne ngyikyi kpalɛ ne mɔ anwo a,Noko bɛze nrɛlɛbɛ ɔvi bɛ awolɛ nu:*+
25 Ngyigyilira ɛnle abɔdeɛ* mɔɔ bɛ nwo yɛ se a,Noko bɛboɔboa bɛ aleɛ nloa wɔ wawaa nu.+
26 Awolɛzopema+ ɛnle abɔdeɛ mɔɔ bɛle katakyiema,*Noko bɛyɛ bɛ sua wɔ bodane nu.+
27 Abɛbɛ+ ɛnlɛ bɛ belemgbunli,Noko bɛ muala bɛkɔ ye ekpunli ekpunli.+
28 Ɛlaleɛ*+ fa ɔ gyakɛ betɛbeta ninyɛne,Na ɔkɔ belemgbunli sua nu.
29 Ninyɛne nsa a wɔ ɛkɛ mɔɔ bɛ gyakɛ ɛdudulɛ le kɛnlɛma a,Mɔɔ tɔ zo nna la a bɛ ɛdialɛ le kɛnlɛma kpalɛ a:
30 Awenade, ɔle katakyie wɔ nane ne mɔ anu,Ɔnzia ɔ nzi wɔ awie biala anyunlu;+
31 Twea mɔɔ anwo yɛ ndɛ; abɔnkye nyinli;Yɛɛ belemgbunli mɔɔ ɔ nee ye ɛlɔnema lua la.
32 Saa wɔyɛ ngoaseade wɔmemaa ɛ nwo zo+Anzɛɛ wɔbɔ adwenle kɛ ɛbayɛ zɔ a,Fa ɛ sa to ɛ nloa.+
33 Kɛ mɔɔ bɛka meleke nu a bɛta a vi nu baNa bɛmia ebonyile a mogya a ba la,Zɔhane ala a ɛya ɛhanlɛ fa butule ba a.+
Ɔbodwɛkɛ
^ Hibulu aneɛ nu, “maanle azɛlɛ ne ɛleka biala zo.”
^ Hibulu edwɛkɛkpɔkɛ ne fale ezukoa bolɛ mɔɔ bɛtu nuhua evinli la anwo.
^ Bɛfa dadeɛ ɛhye bɛku nane.
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Anzɛɛ “mɔɔ yɛ me nwanwane kpalɛ.”
^ Anzɛɛ “bɛngulo.”
^ Anzɛɛ “di ɔ gyakɛ anu.”
^ Anzɛɛ “bɛze nrɛlɛbɛ kpalɛ kpalɛ.”
^ Hibulu aneɛ nu, “menli.”
^ Hibulu aneɛ nu, “ɛnle menli mɔɔ bɛle katakyiema.”
^ Anzɛɛ “Ɛbɔlɔme; Suamenle.”
