Nɔmbɛse 33:1-56
33 Kɛ Yizilayɛma adendulɛ ne yɛle wɔ mekɛ mɔɔ Mosisi nee Aalɔn+ lile bɛ ɛlɔne*+ ne mɔ ati vile Yigyibiti azɛlɛ zo+ la ɛne.
2 Gyihova maanle Mosisi yɛle ɛleka mɔɔ bɛdɛnlanle wɔ bɛ adendulɛ ne anu la anwo kɛlɛtokɛ, na kɛzi bɛdule bɛ bo bɛvile ɛleka ko bɛhɔle ɛleka fofolɛ la ɛne:+
3 Bɛvile Relamɛsize+ wɔ siane ne mɔɔ limoa la kenle 15+ ne azo. Bɛlile Akpabɛnwo ne+ la, ye alehyenlɛ nu ala, Yizilayɛma vale anwodozo* vile Yigyibitima kɔsɔɔti anye zo hɔle.
4 Mekɛ zɔhane, ɛnee Yigyibitima ɛlɛsie bɛ belamunli mralɛ kɔsɔɔti mɔɔ Gyihova hunle bɛ la,+ ɔluakɛ Gyihova buale bɛ nyamenle ne mɔ ndɛne.+
5 Yemɔti Yizilayɛma vile Relamɛsize na bɛhɔyɛle azokoɛleɛ wɔ Sɛkɔto.+
6 Akee bɛvile Sɛkɔto na bɛhɔyɛle azokoɛleɛ wɔ Yitaam+ mɔɔ wɔ fienemgbole ne ɛweɛne zo la.
7 Bɛvile Yitaam la, bɛziale na bɛhakyile bɛ nye wɔ Paehahaelɔto mɔɔ anye kile Beeyale-zifɔn+ la na bɛhɔyɛle azokoɛleɛ wɔ ɛleka mɔɔ bikye Megedɔlo+ la.
8 Nzinlii, bɛvile Paehahaelɔto na bɛluale nyevile ne avinli+ bɛhɔle fienemgbole ne anu+ na bɛdiale kenle nsa adenle wɔ Yitaam fienemgbole ne anu+ bɛhɔyɛle azokoɛleɛ wɔ Meela.+
9 Akee bɛvile Meela na bɛrale Yilem. Ɛnee nzubula 12 yɛɛ mrɛlɛ 70 wɔ Yilem, yemɔti bɛhɔyɛle azokoɛleɛ wɔ ɛkɛ.+
10 Bɛvile Yilem na bɛhɔyɛle azokoɛleɛ wɔ Nyevile Kɔkɔlɛ ne anloa.
11 Nzinlii, bɛvile Nyevile Kɔkɔlɛ ne anloa bɛhɔyɛle azokoɛleɛ wɔ Sen fienemgbole ne anu.+
12 Akee bɛvile Sen fienemgbole ne anu na bɛhɔyɛle azokoɛleɛ wɔ Dɔfeka.
13 Nzinlii bɛvile Dɔfeka na bɛhɔyɛle azokoɛleɛ wɔ Elɛhye.
14 Akee bɛvile Elɛhye na bɛhɔyɛle azokoɛleɛ wɔ Relɛfedem,+ ɛleka mɔɔ ɛnee menli ne ɛnnyia nzule ɛnno la.
15 Nzinlii bɛvile Relɛfedem na bɛhɔyɛle azokoɛleɛ wɔ Saenae fienemgbole ne anu.+
16 Bɛvile Saenae fienemgbole ne anu na bɛhɔyɛle azokoɛleɛ wɔ Kibolɔto-hateeyava.+
17 Akee bɛvile Kibolɔto-hateeyava na bɛhɔyɛle azokoɛleɛ wɔ Hazilɔto.+
18 Nzinlii bɛvile Hazilɔto bɛhɔyɛle azokoɛleɛ wɔ Reletema.
19 Bɛvile Reletema na bɛhɔyɛle azokoɛleɛ wɔ Relemɔn-pilɛze.
20 Akee bɛvile Relemɔn-pilɛze na bɛhɔyɛle azokoɛleɛ wɔ Lebena.
21 Bɛvile Lebena na bɛhɔyɛle azokoɛleɛ wɔ Releza.
22 Bɛvile Releza na bɛhɔyɛle azokoɛleɛ wɔ Kihɛleeta.
23 Akee bɛvile Kihɛleeta na bɛhɔyɛle azokoɛleɛ wɔ Hyifɛ Boka ne anwo.
24 Nzinlii bɛvile Hyifɛ Boka ne anwo na bɛhɔyɛle azokoɛleɛ wɔ Haleeda.
25 Akee bɛvile Haleeda na bɛhɔyɛle azokoɛleɛ wɔ Makehilɔto.
26 Bɛvile+ Makehilɔto na bɛhɔyɛle azokoɛleɛ wɔ Teehate.
27 Nzinlii bɛvile Teehate na bɛhɔyɛle azokoɛleɛ wɔ Tilaa.
28 Akee bɛvile Tilaa na bɛhɔyɛle azokoɛleɛ wɔ Meteka.
29 Nzinlii bɛvile Meteka na bɛhɔyɛle azokoɛleɛ wɔ Hahyemona.
30 Bɛvile Hahyemona na bɛhɔyɛle azokoɛleɛ wɔ Mosilɔto.
31 Akee bɛvile Mosilɔto na bɛhɔyɛle azokoɛleɛ wɔ Bɛne-gyeeyakan.+
32 Na bɛvile Bɛne-gyeeyakan na bɛhɔyɛle azokoɛleɛ wɔ Hɔɔ-hagedegaade.
33 Akee bɛvile Hɔɔ-hagedegaade na bɛhɔyɛle azokoɛleɛ wɔ Dwɔtobata.+
34 Nzinlii bɛvile Dwɔtobata na bɛhɔyɛle azokoɛleɛ wɔ Abolona.
35 Akee bɛvile Abolona na bɛhɔyɛle azokoɛleɛ wɔ Yizeɔn-gibɛ.+
36 Bɛvile Yizeɔn-gibɛ na bɛhɔyɛle azokoɛleɛ wɔ Zen fienemgbole ne,+ mɔɔ le Keedɛhye la anu.
37 Nzinlii bɛvile Keedɛhye na bɛhɔyɛle azokoɛleɛ wɔ Hɔɔ Boka+ ne anwo wɔ Yidɔm azɛlɛ ne ɛweɛne zo.
38 Na Gyihova maanle ɛsɔfo Aalɔn hɔle Hɔɔ Boka ne azo na ɔwule wɔ ɛkɛ. Yizilayɛma vile Yigyibiti azɛlɛ zo la ye ɛvolɛ 40 ne siane ne mɔɔ tɔ zolɛ nnu la kenle mɔɔ limoa la azo a ɔwule a.+
39 Aalɔn wule wɔ Hɔɔ Boka ne azo la ɛnee yeli ɛvolɛ 123.
40 Akee Elade belemgbunli+ ne mɔɔ le Keenanli na ɔde Nɛgɛbe nehane wɔ Keena azɛlɛ zo la dele kɛ Yizilayɛma ɛlɛba.
41 Nzinlii bɛvile Hɔɔ Boka+ ne anwo na bɛhɔyɛle azokoɛleɛ wɔ Zalemona.
42 Bɛvile Zalemona na bɛhɔyɛle azokoɛleɛ wɔ Punɔn.
43 Nzinlii bɛvile Punɔn na bɛhɔyɛle azokoɛleɛ wɔ Obɔto.+
44 Akee bɛvile Obɔto na bɛhɔyɛle azokoɛleɛ wɔ Aye-abalem wɔ Mowabe ɛweɛne zo.+
45 Bɛvile Ayaam na bɛhɔyɛle azokoɛleɛ wɔ Daebɔn-gaade.+
46 Nzinlii bɛvile Daebɔn-gaade na bɛhɔyɛle azokoɛleɛ wɔ Alemɔn-dibelateeyɛm.
47 Bɛvile Alemɔn-dibelateeyɛm na bɛhɔyɛle azokoɛleɛ wɔ Abalem awoka+ ne mɔ azo wɔ ɛleka mɔɔ bikye Nibo+ la.
48 Akee bɛvile Abalem awoka ne mɔ azo na bɛhɔyɛle azokoɛleɛ wɔ Mowabe ɛsɛlɛ ne mɔɔ wɔ Dwɔdan afoa nu na ɔbikye Gyɛleko la azo.+
49 Bɛhɔle zo bɛdɛnlanle Mowabe ɛsɛlɛ ne azo wɔ Dwɔdan ne anloa ɔvi Bɛte-gyɛhyemɔto too kɔdwu Ebɛle-hyetim.+
50 Wɔ Mowabe ɛsɛlɛ ne mɔɔ wɔ Dwɔdan ne afoa nu na ɔbikye Gyɛleko la azo, Gyihova hanle hilele Mosisi kɛ:
51 “Ka kile Yizilayɛma kɛ, ‘Bɛlɛpɛ Dwɔdan ne bɛahɔ Keena azɛlɛ zo.+
52 Bɛvoa menli mɔɔ wɔ azɛlɛ ne azo la kɔsɔɔti wɔ bɛ nyunlu na bɛzɛkye awolɛ mɔɔ bɛze+ nee bɛ mbulalɛ ananze*+ kɔsɔɔti, na bɛzɛkye bɛ ɛzonlenlɛ ɛleka ne mɔ kɔsɔɔti.+
53 Na bɛva azɛlɛ ne bɛyɛ bɛ ɛdeɛ na bɛdɛnla zolɛ, ɔluakɛ mebava azɛlɛ ne meamaa bɛ kɛ bɛ agyapadeɛ.+
54 Ɔwɔ kɛ bɛgua azɛlɛ ne anwo ma*+ na bɛkyɛ ye kɛ agyapadeɛ wɔ bɛ mbusua ne mɔ anu. Ɔwɔ kɛ bɛmaa ekpunli mɔɔ bɛ nwo zonle la agyapadeɛ kpole na bɛte ekpunli mɔɔ bɛ nwo anzo la agyapadeɛ ne azo.+ Awie biala banyia ye agyapadeɛ wɔ ɛleka mɔɔ bɛgua ma ne a ɔbahile la. Bɛbanyia bɛ agyapadeɛ ne wɔ bɛ papa mɔ mbusua nu.+
55 “‘Noko saa bɛanvoa menli mɔɔ de azɛlɛ ne azo la a,+ menli mɔɔ bɛbamaa bɛaha ɛkɛ la bayɛ kɛ mbaka awowɔ bɛ nye nee mbowule awowɔ bɛ nvenle foa ko, na bɛbagyegye bɛ wɔ azɛlɛ ne mɔɔ bɛbadɛnla zolɛ la azo.+
56 Na mɔɔ mebɔ kpɔkɛ kɛ mebava meayɛ bɛ la, mebava meayɛ bɛmɛ.’”+
Ɔbodwɛkɛ
^ Hibulu aneɛ nu, “ɛlɔne ekpunli ekpunli.”
^ Hibulu aneɛ nu, “ɛsalɛ mɔɔ bɛmaa ye zo.”
^ Anzɛɛ “bɛ ananze mɔɔ bɛgua la.”
^ Nea Edwɛkɛbohilelɛ.
