Ayezaya 18:1-7
-
Nrɛlaleɛ mɔɔ tia Yiteyopea (1-7)
18 Azɛlɛ ne mɔɔ ngɛkɛba mɔɔ lɛ ndɛbalɛ yɛ dede wɔ zoNa ɔbikye Yiteyopea azule ne mɔ la, ye gyakɔ!+
2 Ɔsoa soanvolɛma ɔmaa bɛdua nyevile nye,Ɔmaa bɛfa ndɔ ɛlɛne bɛpɛ azule na ɔka kɛ:
“Bɛmɛ soanvolɛma mɔɔ bɛ nwo yɛ ndɛ, bɛhɔMaanle mɔɔ bɛle ndendenle na bɛ nwo le tonlotonlo,Menli mɔɔ bɛsulo bɛ wɔ ɛleka biala,+Maanle mɔɔ bɛ nwo yɛ se na bɛdi konim wɔ konle nu,Na azule ɛwowo bɛ azɛlɛ ne ɛhɔ la ɛkɛ.”
3 Bɛdabɛ mɔɔ bɛwɔ azɛlɛ ne azo nee bɛmɛ mɔɔ bɛde azɛlɛ ye azo la amuala,Mɔɔ bɛbanwu ye la bayɛ kɛ sɛkɛlɛneɛ mɔɔ bɛmaa ye zo wɔ awoka zo la,Na bɛbade dede bie kɛ bɛlɛbɔ aweɛne la.
4 Ɔluakɛ edwɛkɛ mɔɔ Gyihova ɛha ɛhile me la ɛne:
“Mebayɛ koonwu na meanlea* ɛleka mɔɔ mede la,Ɔbayɛ kɛ ewiazo mɔɔ wuluwulu wɔ nu,Kɛ ɛbɔlɛ mɔɔ tɔ wɔ ma ɛdelɛ wuluwulu mekɛ nu la.
5 Ɔluakɛ kolaa na ma ɛdelɛ mekɛ ne adwu,Mɔɔ ndotolo ne bakpolo na yeayɛ vanye ma mɔɔ ɛlɛbolo la,Bɛbava ɛdedadeɛ bɛapepɛ ye ngane ne mɔNa bɛayeye nwolɛ nyɛma ne.
6 Bɛbagyakyi bɛ muala bɛamaa awoka zo nlomaNee azɛlɛ ye azo nane.
Bɛbayɛ nloma aleɛ wɔ wawaa mekɛ nu,Yɛɛ azɛlɛ ye azo nane kɔsɔɔti aleɛ wɔ ma ɛdelɛ mekɛ nu.
7 Zɔhane mekɛ ne, bɛbava ahyɛlɛdeɛ bɛaviMaanle mɔɔ bɛle ndendenle na bɛ nwo le tonlotonlo,Menli mɔɔ bɛsulo bɛ wɔ ɛleka biala,Maanle mɔɔ bɛ nwo yɛ se na bɛdi konim wɔ konle nu,Na azule ɛwowo bɛ azɛlɛ ne ɛhɔ la ɛkɛ bɛarɛlɛ ɛlɔne Gyihova,Bɛbava bɛara ɛleka mɔɔ ɛlɔne Gyihova duma la zo la, Zayɔn Boka ne azo.”+
Ɔbodwɛkɛ
^ Anzɛɛ ɔkola ɔkile, “meanlea meavi.”
