Ayezaya 32:1-20
32 Nea! Belemgbunli bie+ bali ebia wɔ tenleneyɛlɛ nu,+Yɛɛ mgbanyima bali tumi wɔ pɛlepɛlelilɛ nu.
2 Na bɛ nuhua ko biala bayɛ kɛ ɛvealeka* wɔ anwoma ɛdulɛ mekɛ nu,Feabelɛ wɔ ahumudulɛ mekɛ nu,Azudenle wɔ azɛlɛ mɔɔ nzule ɛnle zo la azo,+Yɛɛ bodane kpole bie alubo wɔ azɛlɛ resee zo.
3 Akee menli mɔɔ nwu debie la anye ɛnrɛheda bieko,Yɛɛ menli mɔɔ te edwɛkɛ la bayɛ ɛnzolɛ adie.
4 Menli mɔɔ pe la ahonle badwenledwenle nrɛlɛbɛ nwo,Yɛɛ ɛtafinlimalɛ mɔɔ yi bɛlɛbɛlɛ la badendɛ kɛnlɛma na nuhua ala ɛkɛ.+
5 Bɛnrɛvɛlɛ koasea kɛ ɔle awie mɔɔ yɛ nyele la bieko,Yɛɛ bɛnrɛvɛlɛ awie mɔɔ ɛnga mɛla la kɛ ɔle sonla titili;
6 Ɔluakɛ koasea badendɛ koasea nu,Na ye ahonle azuzu ninyɛndane nwo,+Amaa yeazi ɛkpɔkyelɛ nwo adua* na yeadendɛ ɛtane yeatia Gyihova,Kɛ ɔmaa awie* mɔɔ ɛhɔne ɛlɛku ye la ava ɛhɔne ahɔYɛɛ ɔnrɛmaa mɔɔ nzuhɔne ɛlɛku ye la nzule ɔnrɛnlo.
7 Sonla mɔɔ ɛnga mɛla la fa adwenle mɔɔ ɛnle kpalɛ;+Ɔsi anyiemgba ɛbɛla nwo aduaKɛ ɔbɔ adalɛ yeazɛkye awie mɔɔ ɛlɛnwu amaneɛ la,+Wɔ mekɛ bɔbɔ mɔɔ ehyianli kɛha mɔɔ le nɔhalɛ la.
8 Noko awie mɔɔ yɛ nyele la dwenle nyeleyɛlɛ nwo,Na ɔkɔ zo ɔbɔ nyeleyɛlɛ nwo mɔdenle.
9 “Bɛmɛ mraalɛ mɔɔ bɛ nwo ɛdɔ bɛ, bɛdwazo na bɛdie me ne!
Bɛmɛ mralɛ mraalɛ mɔɔ ɛhwee ɛnvale bɛ nwo,+ bɛyɛ ɛnzolɛ bɛdie mɔɔ melɛka la!
10 Wɔ ɛvolɛ ko nee ekyi anu, bɛmɛ mɔɔ ɛhwee ɛnvale bɛ nwo la, bɛ nwo bawoso bɛ,Ɔluakɛ vanye ma ɛdelɛ mekɛ ne kara awieleɛ la ɛnee bɛtɛboɔboale ma biala anloa.+
11 Bɛmaa ɛzulolɛ ɛha bɛ, bɛmɛ mraalɛ mɔɔ bɛ nwo ɛdɔ bɛ!
Bɛmaa bɛ nwo ɛwoso bɛ, bɛmɛ mɔɔ ɛhwee ɛnvale bɛ nwo!
Bɛyeye bɛ nwo,Na bɛva ɛrele bɛpɛ bɛ bo.+
12 Bɛva bɛ sa bɛbobɔ bɛ kɛnra azo bɛye awolɛƆlua azɛlɛ kpalɛ ne nee vanye ne mɔɔ so kpalɛ la ati.
13 Ɔluakɛ mbowule nee mbowunyɛma bafifi me menli ne azɛlɛ ne azo;Bɛbaheda azua mɔɔ bɛdi fɛlɛko wɔ nu la amuala azo,Ɛhɛe, anyelielɛ sua ne azo.+
14 Bɛgyakyi tawa mgbole ne mɔ;Sua azo dede ne ɛdɔ mgbane.+
Ofɛle+ nee ɛzinzalɛ arane ne ɛdɔ mgbane bɔkɔɔ,Yeyɛ ɛleka mɔɔ ɛbɔ nu asoaso anye die ɛkɛ,Yeyɛ mboane adidileka,+
15 Kɔkpula kɛ bɛbawola sunsum ne bɛavi anwuma bɛagua yɛ nwo zo,+Na fienemgbole ne ahakyi tola,Na bɛabu tola ne kɛ ɛhoayelɛ.+
16 Akee pɛlepɛlelilɛ badɛnla fienemgbole ne anu,Na tenleneyɛlɛ adɛnla tola ne anu.+
17 Anzodwolɛ bavi nɔhalɛ tenleneyɛlɛ nu ara,+Yɛɛ nɔhalɛ tenleneyɛlɛ bazo anwodɔlɛ nee banebɔlɛ mɔɔ wɔ ɛkɛ ne dahuu la.+
18 Me menli ne badɛnla anzodwolɛ ɛleka,Tɛnlabelɛ mɔɔ banebɔlɛ nee anwodɔlɛ wɔ ɛkɛ la.+
19 Noko ezuawolɛ ne baha ɛhoayelɛ ne aze,Na bɛbaha sua ne aze fɛɛnye.
20 Anyelielɛ a le bɛdabɛ mɔɔ bɛdua ma wɔ azule kɔsɔɔti anloa,Na bɛmaa nlankɛ nee asoaso duolua ɛkɛ ne la.”+
