Ayezaya 38:1-22
38 Zɔhane mekɛ ne anu, Hɛzikaya anwo dole ye mɔɔ ɛnee ɔkpondɛ yeawu.+ Emɔzo ara ngapezonli Ayezaya+ razele ye kɛ, “Edwɛkɛ mɔɔ Gyihova ɛha la ɛne: ‘Maa wɔ sua nu amra adehilelɛ, ɔluakɛ ɛnrɛde kpɔkɛ; ɛbawu.’”+
2 Ɔti Hɛzikaya hakyile ɔ nye wɔ bane ne anwo na ɔzɛlɛle Gyihova kɛ:
3 “O Gyihova, mesɛlɛ wɔ, kakye+ kɛzi meva ahonle mɔɔ di munli la melua ɛ nyunlu wɔ nɔhalɛlilɛ nu+ na meyɛ mɔɔ le kpalɛ wɔ ɛ nye zo la.” Na Hɛzikaya zunle kpole kpalɛ.
4 Akee Gyihova zele Ayezaya kɛ:
5 “Sia ɛ nzi kɔze Hɛzikaya kɛ,+ ‘Mɔɔ Gyihova, wɔ nenyia Devidi Nyamenle ne ɛha la ɛne: “Mede wɔ asɔneyɛlɛ ne.+ Menwu wɔ monle ne.+ Nea, mebava ɛvolɛ 15 meaboka wɔ ngoane mekɛ* nwo,+
6 na mebalie wɔ nee suakpole ɛhye meavi Aselea belemgbunli ne asa anu, na meabɔ suakpole ɛhye anwo bane.+
7 Sɛkɛlɛneɛ mɔɔ vi Gyihova ɛkɛ mɔɔ ɔbamaa wɔanwu kɛ Gyihova bayɛ mɔɔ yeha la ɛne:+
8 Mebamaa sɛnzɛne ne ɛlawolɛ ne mɔɔ ɛdɔ Ehaze kpolike* ne azo la azia ɔ nzi egyakɛ bulu.”’”+ Yemɔti sɛnzɛne ne ɛlawolɛ ne mɔɔ dɔle kpolike ne azo la ziale ɔ nzi egyakɛ bulu.
9 Dwuda Belemgbunli Hɛzikaya anwo dole ye na ɔdele kpɔkɛ la, edwɛkɛ* mɔɔ ɔhɛlɛle la ɛne.
10 Menganle kɛ: “Me ngoane mekɛ ne avinliƆwɔ kɛ mewolo Nla* nlenkɛ mgbole ne mɔ anu.
Me mekɛ mɔɔ ɛha la babɔ me.”
11 Menganle kɛ: “Menrɛnwu Gyaa,* Gyaa wɔ anyewɔzoamra azɛlɛ zo.+
Menrɛnwu alesama biekoWɔ mekɛ mɔɔ mewɔ menli mɔɔ wɔ ɛleka mɔɔ bɛnyɛ ɛhwee la anu la.
12 Bɛdudu me tɛnlabelɛ na bɛye bɛvi me nwo+Kɛ mboaneneavolɛ ɛdanlɛsua.
Mebubu me ngoane kɛ awie mɔɔ nwo ɛdanlɛ la;Ɔpɛ me kɛ nyɛma la ɔfi ɛkɛ.
Ɔvi alehyenlɛ kɔdwu aledwolɛ, ɛfa me ɛba awieleɛ.+
13 Mesie me nwo dii kɔkpula nwonlomɔ.
Ɔbubu me mbowule kɔsɔɔti anu kɛ awenade la;Ɔvi alehyenlɛ kɔdwu aledwolɛ, ɛfa me ɛba awieleɛ.+
14 Mesu kɛ nyamenleakatiba anzɛɛ kɔtɔkpɔle;*+Mekulu kɛ abubule.+
Menea anwuma too me nye ka ɛkɛ:+
‘O Gyihova, melɛnwu amaneɛ;Yɛ awie mɔɔ sɔ me nu!’*+
15 Duzu a menga a?
Yedendɛ yehile me yɛɛ yeyɛ.
Me ngoane mekɛ kɔsɔɔti anu, mebabɛlɛ me nwo aze* mealuaƆlua me nyanelilɛ kpole ne ati.*
16 ‘O Gyihova, ninyɛne ɛhye mɔ* a sonla biala dua zo tɛnla ngoane nu a,Yɛɛ ninyɛne ɛhye mɔ a maa me sunsum nyia ngoane a.
Ɛbamaa meade kpɔkɛ na meadɛnla ngoane nu.+
17 Nea! Mennyia anzodwolɛ, emomu nyane kpole a melɛdi a;Noko me* nwo ɛlɔlɛ mɔɔ ɛlɛ la ati,Wɔlie me wɔvi ɛzɛkyelɛ kuma nu.+
Wɔvuandi me ɛtane ne mɔ kɔsɔɔti wɔgua ɛ nzi.*+
18 Ɔluakɛ Nla* ɛngola ɛnwula wɔ anyunlunyia,+Ewule ɛngola ɛnye wɔ ayɛlɛ.+
Bɛdabɛ mɔɔ bɛkɔ kuma ne anu la ɛngola ɛnva bɛ rɛle ɛnwula wɔ nɔhalɛlilɛ nu.+
19 Anyewɔzoamra, anyewɔzoamra kola ye wɔ ayɛlɛ,Kɛ mɔɔ mekola meyɛ ye ɛnɛ la.
Selɛ kola maa ɔ mra nwu wɔ nɔhalɛlilɛ.+
20 O Gyihova, die me,Na yɛbava getaa* yɛabɔ me edwɛne ne+Wɔ yɛ ngoane mekɛ kɔsɔɔti anu wɔ Gyihova sua nu.’”+
21 Akee Ayezaya hanle kɛ: “Bɛva feege welera mɔɔ bɛbɔ ye kunguma la bɛrɛla na bɛva bɛdo ye nyila ne azo, amaa yeade kpɔkɛ.”+
22 Hɛzikaya bizale kɛ: “Sɛkɛlɛneɛ boni a kile kɛ mebahɔ Gyihova sua nu ɛkɛ a?”+
Ɔbodwɛkɛ
^ Hibulu aneɛ nu, “wɔ mekɛ.”
^ Bie a ɛnee bɛfa kpolike ɛhye mɔ bɛtia mekɛ.
^ Anzɛɛ “edwɛne.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ “Gyaa” le Gyihova duma ne mɔɔ bɛpɛ ye sinli la.
^ Hibulu aneɛ nu, “Di me edwɛkɛ maa me.”
^ Anzɛɛ ɔkola ɔkile, “azuazualoma.”
^ Anzɛɛ “mebayɛ koonwu.”
^ Anzɛɛ “me ɛkɛla mɔɔ ɛlɛdi nyane la ati.”
^ Ɛhye kile, Nyamenle edwɛkɛ nee ye gyima.
^ Anzɛɛ “Wɔye me ɛtane ne mɔ kɔsɔɔti wɔvi ɛ nyunlu.”
^ Anzɛɛ “me ɛkɛla.”
^ Anzɛɛ “Sheol,” ɛhye kile, alesama nla. Nea Edwɛkɛbohilelɛ.
^ Tete ɛdeɛ ne le ngakyile fi ɛnɛ mekɛ ye getaa nwo.
