Hozia 2:1-23
2 “Ka kile ɛ mediema mrenyia ne mɔ kɛ, ‘Me menli!’*+
Na se ɛ mediema mraalɛ ne mɔ kɛ, ‘O raalɛ mɔɔ bɛze wɔ anwunvɔne!’*+
2 Bɛbɔ bɛ mame somolɛ; bɛbɔ ye somolɛ,Ɔluakɛ ɔnle me ye+ yɛɛ menle ɔ hu.
Ɔwɔ kɛ ɔye ye tuutuu ɛbɔlɛ* ne ɔfi ɔ nwoNa ɔye ye agyalɛzɛkyelɛ ne ɔfi ɔ nyɛfo avinli,
3 Anrɛɛ mebakpa ɔ nwo meamaa ɔ nwo ala zo na yeayɛ kɛ kenle mɔɔ bɛwole ye la,Mebamaa yeayɛ kɛ fienemgbole,Ɔbayɛ kɛ azɛlɛ mɔɔ nzule ɛnle zo,Na meamaa nzuhɔne ahu ye ado ye lɔ.
4 Na menrɛze ɔ mra ne mɔ anwunvɔne,Ɔluakɛ bɛle tuutuu* mralɛ.
5 Ɔluakɛ bɛ mame ɛbɔ tuutuu ɛbɛla.+
Ahenle mɔɔ nrenzɛle bɛ la ɛbɔ ye ɛbɛla anyiemgba nu,+ ɔboalekɛ ɔhanle kɛ,‘Mebali me kulovolɛma anzi,+Menli mɔɔ maa me paano nee nzule,Mboane enrinli nee lenen, nwole nee nza.’
6 Yemɔti mebava mbaka mɔɔ mbowule wɔ nwo la meazi wɔ adenle;Na mealie bane meazi ye adenle,Amaa yeannwu ye ndenle ne mɔ.
7 Ɔbanriandi yeadoa ye kulovolɛma ne, noko ɔnrɛdo bɛ;+Ɔbakpondɛ bɛ noko ɔnrɛnwu bɛ.
Akee ɔbaha kɛ, ‘Mebazia meahɔ me hu mɔɔ limoa la ɛkɛ,+Ɔluakɛ ɛnee medi boɛ mekɛ zɔhane metɛla ɛnɛ.’+
8 Yeannwu ye kɛ medame a memaanle ye ma,+ nwanye fofolɛ ne nee nwole ne a,Na medame a memaanle ɔnyianle dwɛtɛ fufule dɔɔnwoNee nvutuke ne mɔɔ bɛvale bɛzonlenle Beeyale la.+
9 ‘Zɔhane ati, mebazia meara na mealie me ma ne wɔ ye mekɛ nuYɛɛ me nwanye fofolɛ ne wɔ ye ɛlobɔ nu,+Na mebaza ye mealie me mboane enrinli ne nee me lenen ne mɔɔ ɔfa ɔkeda ɔ nwo ne mɔɔ la zo la.
10 Akee mebaye ɔ nwo meado zo wɔ ye kulovolɛma ne anyunlu,Na nrenyia biala ɛnrɛlie ye ɛnrɛvi me sa nu.+
11 Mebamaa ye fɛlɛkolilɛ ne amuala,Ye ɛvoyialilɛ ngakyile ne mɔ,+ ye siane fofolɛ ne mɔ, ye ɛnwomenlelielɛ kenle ne mɔ, nee ye anyelielɛ mekɛ ne mɔ amuala ara awieleɛ.
12 Na mebazɛkye ye vanye nee ye feege mbaka ne mɔ mɔɔ ɔhanle nwolɛ edwɛkɛ kɛ:
“Ɛhye mɔ le ahatualɛ mɔɔ me kulovolɛma ne mɔ vale maanle me” la;Mebamaa yeahakyi kpɔkɛ,Na ɛbɔ nu nane bali.
13 Mebamaa yeabu mekɛ mɔɔ ɔvale ɔbɔle afɔle ɔmaanle Beeyale ananze ne mɔ+ la anwo mgbonda,Mekɛ mɔɔ ɔvale ye asomadeɛ* nee ye agudeɛ ne mɔ ɔzieziele ɔ nwo na ɔnriandile ɔdoale ye kulovolɛma ne la,Na medame a ɔ rɛle vile me a,’+ kɛ Gyihova se la ɛne.
14 ‘Yemɔti mebadendɛ kɛnlɛma meahile ye,Mebava ye meahɔ fienemgbole ne anu lɔ,Na mebadendɛ meamaa yeaha ye ahonle.
15 Mebazia meava ye vanye egyinli ne mɔ meamaa ye ɔvi mekɛ zɔhane mɔɔ kɔ la,+Na Ekɔ Bɔnza+ ne bayɛ ye anyelazo anlenkɛ;Ɔbamaa me mualɛ kɛ mɔɔ ɛnee ɔde wɔ ye mbɛlɛra nu,Nee mekɛ mɔɔ ɔvi Yigyibiti azɛlɛ zo ɔrale la.+
16 Na kenle zɔhane,‘Ɛbavɛlɛ me Me hu, na ɛnrɛvɛlɛ me Me menle* bieko,’ kɛ Gyihova se la ɛne.
17 ‘Mebaye Beeyale ananze ne mɔ aluma meavi ɔ nloa anu,+Na bɛnrɛhakye bɛ aluma bieko.+
18 Kenle zɔhane, me nee ɛbɔ nu nane ne mɔ,Nee anwomanyunlu nloma yɛɛ ninyɛne mɔɔ twenle bɛ nwo aze la bayɛ ngyekyeleɛ;+Mebaye ɛda nee konle dadeɛ yɛɛ konle meavi azɛlɛ ne azo,+Na meamaa bɛadɛnla anwobanebɔlɛ nu.+
19 Mebava wɔ meayɛ me ye dahuu;Na mebava wɔ meayɛ me ye wɔ tenleneyɛlɛ nee pɛlepɛlelilɛ nu,Wɔ ɛlɔlɛ kpundii nee anwunvɔnezelɛ nu.+
20 Mebava wɔ meayɛ me ye wɔ nɔhalɛlilɛ nu,Na akee ɛbanwu Gyihova.’+
21 ‘Kenle zɔhane mebabua,’ kɛ Gyihova se la ɛne,‘Mebabua anwuma bie,Na bɛdabɛ noko bɛbabua azɛlɛ ne bie;+
22 ‘Na azɛlɛ ne babua ma nee nwanye fofolɛ ne yɛɛ nwole ne bie;Na bɛdabɛ bɛbabua Gyɛzeɛle.*+
23 Mebalua ye kɛ ma meamaa me nwo wɔ azɛlɛ ne azo,+Yɛɛ mebaze ahenle mɔɔ bɛanze ye anwunvɔne la anwunvɔne;*Mebaha meahile bɛdabɛ mɔɔ bɛnle me menli* la kɛ: “Bɛle me menli,”+
Na bɛbaha kɛ: “Ɛle yɛ Nyamenle.”’”+
Ɔbodwɛkɛ
^ Anzɛɛ “adwɔmanebɔlɛ; ahulomrenyia.”
^ Anzɛɛ “adwɔmanebɔlɛ; ahulomrenyia.”
^ Anzɛɛ “ɔ bonyi nu ngɛba.”
^ Anzɛɛ “Me Beeyale.”
^ Ɔ bo kile “Nyamenle Balua Ma.”
