Hozia 4:1-19
4 O Yizilayɛma, bɛdie Gyihova edwɛkɛ ne,Ɔluakɛ Gyihova lɛ edwɛkɛ tia azɛlɛ ne azo amra,+Ɔboalekɛ nɔhalɛlilɛ anzɛɛ ɛlɔlɛ kpundii anzɛɛ Nyamenle anwo nrɛlɛbɛ ɛnle azɛlɛ ne azo.+
2 Ndane adalɛ nee adalɛbɔlɛ+ yɛɛ kodiawuyɛlɛ,+Debiewualɛ nee agyalɛzɛkyelɛ+ ɛbu,Na bɛka mogya ko bɛgua a ɔngyɛ ɛnee bɛha mogya bieko bɛgua.+
3 Ɛhye ati a azɛlɛ ne bali nyane la+Na debie biala mɔɔ wɔ zo la bazɛkye;Ɛbɔ nu nane nee anwomanyunlu nloma,Nyevile nu fɛlɛ bɔbɔ bawu.
4 “Noko akee mmamaa awie biala dwazo tia ɔ gɔnwo anzɛɛ twi ɔ nyunlu,+Ɔluakɛ wɔ menli ne le kɛ bɛdabɛ mɔɔ bɛdwazo bɛtia ɛsɔfo la.+
5 Yemɔti ɛbadɔ aze wɔ alehyenlɛ nu,Na ngapezonli ne nee wɔ badɔ aze kɛ asɛɛ bɛlua nɔɔzo la.
Na mebazɛkye wɔ mame.
6 Bɛbazɛkye me menli ne ɔluakɛ bɛnze nrɛlɛbɛ biala.
Kɛmɔ wɔkpo nrɛlɛbɛ la ati,+Medame noko mebakpo wɔ na ɛnrɛyɛ me ɛsɔfo;Yɛɛ kɛmɔ ɛ rɛle ɛvi wɔ Nyamenle ne mɛla* la ati,+Medame noko me rɛle bavi ɛ mra ne mɔ.
7 Mɔɔ bɛ nwo ɛlɛso la, ɛnee bɛlɛyɛ ɛtane dɔɔnwo bɛatia me.+
Mebamaa bɛ anyunlunyia ne ahakyi anyiemgba.*
8 Bɛdidi me menli ne ɛtane nwo,Na bɛnyia bɛ ɛtane nwo atiakunluwɔzo.*
9 Mɔɔ bado menli ne la bie ala a bado ɛsɔfo ne a;Mebamaa bɛabu bɛ ndenle ne mɔ anwo mgbonda,Na meahwe bɛ nzo wɔ bɛ nyɛleɛ ne anwo.+
10 Bɛbali debie noko bɛ ko ɛnrɛyi.+
Bɛbabɔ ahulomrenyia* ɛbɛla, noko bɛ nwo ɛnrɛzo,+Ɔluakɛ bɛangile ɛbulɛ bɛammaa Gyihova.
11 Tuutuu ɛbɔlɛ* nee nwanye yɛɛ nwanye fofolɛƐmmaa bɛngola bɛnyɛ mɔɔ le kpalɛ la.*+
12 Me menli ne biza edwɛkɛ wɔ bɛ mbaka ananze ne mɔ ɛkɛ,Bɛyɛ mɔɔ bɛ kpɔma* ne ka kile bɛ la;Ɔluakɛ tuutuu ɛbɔlɛ* sunsum ne maa bɛminli,Na ɔlua bɛ tuutuu ɛbɔlɛ* ne azo, bɛkpo kɛ bɛkɛbɛlɛ bɛ nwo aze bɛkɛmaa bɛ Nyamenle ne.
13 Bɛbɔ afɔle wɔ awoka ne mɔ azo,+Yɛɛ bɛkpu afɔlebɔdeɛ wɔ awoka ngyikyi zo,Oku mbaka nee setɔlɛse* mbaka yɛɛ baka kpole biala abo,+Ɔluakɛ bɛ alubo ne le kpalɛ.
Ɛhye ati a ɛ mra mraalɛ bɔ tuutuu*Na wɔ ase mɔ* sɛkye agyalɛ la.
14 Menrɛmaa ɛ mra mraalɛ ne mɔ ɛnrɛbu bɛ tuutuu ɛbɔlɛ* ne anwo mgbonda,Yɛɛ menrɛmaa wɔ ase mɔ ɛnrɛbu bɛ agyalɛzɛkyelɛ ne anwo mgbonda.
Ɔluakɛ mrenyia ne mɔ tu toa tuutuumaNa bɛ nee ɛzonlenlɛsua nu tuutuuma bɔ afɔle;Bɛbazɛkye menli ɛhye mɔ mɔɔ bɛnlɛ ndelebɛbo la.+
15 O Yizilayɛ, ɛlɛbɔ tuutuu* ɛbɛla ɛdeɛ,+Noko mmamaa Dwuda di fɔlɛ.+
Mmakɔ Gelegale+ anzɛɛ Bɛte-eevɛn,+Yɛɛ mmaka ndane kɛ, ‘Mekɛ ala mɔɔ Gyihova de aze la!’+
16 Ɔluakɛ Yizilayɛ anzo ɛyɛ se kɛ ɛnlankɛ mɔɔ anzo yɛ se la.+
Asoo kɛkala Gyihova banlea bɛ kɛ boaneralɛ wɔ adidileka mɔɔ ɛkɛ ne tɛlɛ la ɔ?*
17 Yifelaem ɛva ɔ nwo ɛbɔnle ananze.+
Bɛgyakyi ye!
18 Saa bɛ nza* ne wie a,Bɛyɛ ahulomrenyia.*
Yɛɛ ye tumivolɛma* kulo anyiemgba kpalɛ.+
19 Anwoma ne bava ɔ ndɛba apia ye ahɔ,Na bɛ nyunlu bagua aze wɔ bɛ afɔlebɔlɛ ne mɔ anwo.”
Ɔbodwɛkɛ
^ Anzɛɛ “adehilelɛ.”
^ Anzɛɛ ɔkola ɔkile, “Bɛmaa me anyunlunyia ne ɛhakyi anyiemgba.”
^ Anzɛɛ “bɛ ɛkɛla kulo bɛ nvonleɛ.” Nea Edwɛkɛbohilelɛ, “Ɛkɛla.”
^ Anzɛɛ “adwɔmane; tuutuu.”
^ Anzɛɛ “Adwɔmanebɔlɛ; Ahulomrenyia.”
^ Hibulu aneɛ nu, “Sɛkye ahonle.”
^ Anzɛɛ “awie mɔɔ ka mɔɔ bazi kenle bie la kpɔma.”
^ Anzɛɛ “adwɔmane; ahulomrenyia.”
^ Anzɛɛ “adwɔmane; ahulomrenyia.”
^ Baka bie mɔɔ so felawɔse mɔɔ bɔ evuanlɛ la.
^ Anzɛɛ “adwɔmane; yɛ ahulomrenyia.”
^ Bɛ mra mrenyia aye mɔ.
^ Anzɛɛ “adwɔmane; ahulomrenyia.”
^ Anzɛɛ “adwɔmane; ahulomrenyia.”
^ Hibulu aneɛ nu, “wɔ ɛleka tɛtɛlɛ ɔ?”
^ Anzɛɛ “hwiiti biya.”
^ Anzɛɛ “Bɛbɔ adwɔmane; Bɛbɔ tuutuu.”
^ Hibulu aneɛ nu, “enyinlike ne mɔ.”
