Maeka 5:1-15
5 “O ralɛ raalɛ mɔɔ bɛteta wɔ,Kɛkala ɛlɛpepɛ ɛ nwo;Bɛbɛnga yɛ bɛyia.+
Bɛva kpɔma bɛbɔ Yizilayɛ ndɛnebuavolɛ ne anzo nu.+
2 Na wɔmɔ, O Bɛtelɛhɛm Ɛfelata,+Ɛle ekyi somaa kɛ ɛkɛboka Dwudama apenle* dɔɔnwo ne anwo,Wɔ nuhua a awie vi baragyinla me gyakɛ anu na yeayɛ Yizilayɛ tumivolɛ a,+Ye mɔlebɛbo vi tete, wɔ mekɛ tendenle mɔɔ ɛze ɛhɔ la.
3 Ɔti ɔbaye bɛ yeamaaKɔkpula mekɛ mɔɔ ahenle mɔɔ ɔ ko ɛha ye la kɛwo la.
Na ɔ mediema mɔɔ ɛha la bazia ahɔboka Yizilayɛma anwo.
4 Ɔbadwazo yeagyinla na yeava Gyihova anwosesebɛ yeanlea bɛ,+Wɔ Gyihova ye Nyamenle ne duma kpole ne anu.
Na bɛbanyia banebɔlɛ,+Ɔluakɛ ye kpoleyɛlɛ ne badwu azɛlɛ ne ɛleka biala.+
5 Na ɔbamaa anzodwolɛ ara.+
Saa Aselea bateta yɛ azɛlɛ ne na ɔtietia yɛ tawa ne mɔɔ yɛlie nwolɛ bane la azo a,+Yɛbakpa mboaneneavolɛma nsuu, ɛhɛe, mgbanyima* mɔtwɛ wɔ alesama anu yeamaa bɛazi ye adenle.
6 Bɛbava konle dadeɛ bɛahwe Aselea maanle ne,+Nee Nemelɔdo maanle ne+ anzo wɔ bɛ anuhɔlɛ ne mɔ.
Na ɔbalie yɛ yɛavi Aselea asa anu,+Wɔ mekɛ mɔɔ ɔbarateta yɛ azɛlɛ ne na yeatietia yɛ azɛlɛ ne azo la.
7 Gyekɔbo abozoamra mɔɔ ɛha la badɛnla maanle maanle dɔɔnwo anuKɛ ɛbɔlɛ mɔɔ vi Gyihova ɛkɛ,Kɛ nzule mɔɔ tɔ gua ndile zoMɔɔ arɛle ɛnle sonla nuAnzɛɛ ɔngendɛ alesama la.
8 Gyekɔbo abozoamra mɔɔ ɛha la badɛnla maanle maanle ne mɔ anu,Wɔ maanle dɔɔnwo anu,Kɛ awenade mɔɔ wɔ kpɔkɛ nu nane avinli,Kɛ awenade ekyi* mɔɔ wɔ mboane ekpunli avinli,Mɔɔ ɔba bɛ nwo zo, ɔtietia bɛ nwo zo na ɔtete bɛ nu azinli azinli;Na awie ɛnle ɛkɛ mɔɔ ɔbalie bɛ la.
9 Ɛbamaa ɛ sa zo wɔ wɔ agbɔvolɛ anwo zo,Na bɛbazɛkye wɔ kpɔvolɛma kɔsɔɔti.”
10 Kɛ Gyihova se la ɛne, “Kenle zɔhane,Mebahu wɔ mgbɔnwɔ ne mɔ na meazɛkye wɔ konle ehwili ne mɔ.
11 Mebazɛkye wɔ azɛlɛ ne azo azuamgbole ne mɔNa meabubu bɛ aranemgbole ne mɔ amuala meagua.
12 Mebamaa bɛagyakyi sunsum ɛtane nyɛleɛ,Na awie biala mɔɔ ye ngonyia la ɛnrɛdɛnla bɛ avinli bieko.+
13 Mebazɛkye wɔ ananze nee wɔ mpila ne mɔ,Na ɛnrɛbɔ ɛ ti aze ɛnrɛmaa ɛ sa anloa gyima bieko.+
14 Mebadudu bɛ ɛzonlenlɛ mbaka*+ ne mɔ meaguaNa meazɛkye wɔ azuamgbole ne mɔ.
15 Mebava ɛya nee ɛya kpole mealiMaanle maanle mɔɔ ɛnyɛ tieyɛ la nzenralɛ.”
Ɔbodwɛkɛ
^ Anzɛɛ “mbusua.”
^ Anzɛɛ “adekilevolɛma.”
^ Anzɛɛ “awenade kakula mɔɔ anwo yɛ se.”
^ Nea Edwɛkɛbohilelɛ.
