Ɛsonle bolɛ ɛmaa Gyihova. (Ay 43:4) Yehwe wɔ yera ye ahyehyɛdeɛ ne anu. Kɛmɔ wɔyila ɛ nwo zo na wɔzɔne la ati, ɛle Gyihova ɛdeɛ. Saa ninyɛne nu yɛ se bɔbɔ a, ɔbanlea wɔ ɔluakɛ ɛle ye agyapadeɛ titili. Ɔbalua ye ahyehyɛdeɛ ne azo yeala ye ɛlɔlɛ kpundii ne ali yeahile wɔ.​—Ed 25:10.

Saa yɛdwenle kɛzi Gyihova ahyehyɛdeɛ ne fa moalɛ maa wɔ esiane mɔɔ sisi kenlensa ye la anwo a, ɔbamaa yɛala anyezɔlɛ kpole ali wɔ Gyihova ɛlɔlɛ kpundii ne anwo.

NEA 2019 NGITANWODIVOMA KƆMATII AMANEƐBƆLƐ VIDIO NE NA BUA KPUYA ƐHYE MƆ:

• Kɛzi Ngitanwodivoma Kɔmatii ne ɛtete Bɛtɛle ngakyile mɔɔ wɔ ewiade amuala la ɛmaa bɛnwu kɛzi bɛbaboa wɔ esiane mekɛ nu la ɛ?

• Kɛzi Gyihova ahyehyɛdeɛ ne vale adehilelɛ nee esiane mekɛ nu moalɛ maanle wɔ Indonesia nee Nigeria ɛ?

• Duzu a ɛ nye liele nwo wɔ moalɛ ngakyile mɔɔ ahyehyɛdeɛ ne vale maanle wɔ COVID-19 ewulenzane ne anwo la anwo ɛ?