Mɔɔ dole Yizilayɛma wɔ Mowabe fienemgbole ne anu la le kɔkɔbɔlɛ nwo neazo maa Kilisienema ɛnɛ. (1Kɔ 10:6, 8, 11) Mowabema bɛlɛbɛlale Yizilayɛma maanle bɛvale bɛ nwo bɛwulale ɛtane mgbole le kɛ adwɔmanebɔlɛ nee awozonle ɛzonlenlɛ nu. Ɛhye vale ngyegyelɛ dɔɔnwo rale. (Nɔ 25:9) Ɛnɛ, yɛ nee yɛ gɔnwo mɔ sukuluma, gyimayɛvoma, yɛ kpalɛzoamra, yɛ mbusuafoɔ nee menli gyɛne mɔɔ bɛnzonle Gyihova la a de a. Kɛzi Baebolo nu edwɛkɛ ɛhye boa yɛ maa yɛnwu kɛ saa yɛfa menli ɛhye mɔ mɔɔ bɛnzonle Gyihova la agɔnwolɛ kyengye a, ɔbayɛ esiane yeamaa yɛ ɛ?

NEA KƆKƆBƆLƐ NWO NEAZO MAA YƐ ƐNƐ​—FOA BIE VIDIO NE NA BUA KPUYA ƐHYE MƆ:

• Nzuzulɛ ɛtane boni a Zemelae nee ɔ gɔnwo mɔ lale ye ali hilele Gyeemen a?

• Kɛzi Fenɛhaze boale Gyeemen maanle ɔnyianle adwenle kpalɛ ɛ?

• Ngakyile boni a wɔ awie mɔɔ ɔnle diedinli mɔɔ yɛ nee ye babɔ nee kɛ yɛbava ye agɔnwolɛ kyengye la anu a?

• Duzu ati a ɔwɔ kɛ yɛnea boɛ wɔ agɔnwolɛma bɔbɔ mɔɔ yɛbakpa bɛ wɔ asafo ne anu la anwo ɛ?

• Duzu ati a ɔwɔ kɛ yɛnea boɛ wɔ menli mɔɔ yɛnze bɛ mɔɔ yɛbava bɛ agɔnwolɛ wɔ yintanɛte ne azo la anwo ɛ?