AWAKE! No. 2 2018 | Ninyɛne 12 Mɔɔ Maa Abusua Asetɛnla Yɛ Kpalɛ La
12 Mɔɔ Maa Abusua Asetɛnla Yɛ Kpalɛ La
Yɛte ninyɛne mɔɔ maa mbusua sɛkye la anwo edwɛkɛ dɔɔnwo. Noko duzu a ɛmaa mbusua bie mɔ ɛgyinla a?
Ɔvi 1990 mɔɔ badwu 2015 la, menli mɔɔ ɛli ɛvolɛ 50 mɔɔ kɔ la dodo mɔɔ bɔle ewole wɔ United States la yɛle mɔnwo nwiɔ yɛɛ menli mɔɔ ɛli ɛvolɛ 65 mɔɔ kɔ la ɛdeɛ ne yɛle mɔnwo nsa.
Awovolɛ ɛnnwu mɔɔ bɛyɛ a: Mbɔlɔba bie mɔ ka kɛ ɔwɔ kɛ bɛkanvo ngakula dahuu, yɛɛ bie mɔ noko se ɔnle kɛ bɛdɛfɛdɛfɛ ngakula fee.
Mgbavolɛ nee mbɛlɛra dɔɔnwo ɛlɛyɛ mgbanyinli mɔɔ bɛnze mɔɔ ɔwɔ kɛ bɛyɛ na yeawie bɛ boɛ a.
Noko nɔhalɛ ne a le kɛ . . .
Agyalɛ bahola ayɛ anyelielɛ na yeadɛnla ɛkɛ dahuu.
Awovolɛ bahola avi ɛlɔlɛ nu adenrɛdenrɛ bɛ mra.
Mgbavolɛ nee mbɛlɛra bahola azukoa ninyɛne mɔɔ bɛnyi a ɔbaboa bɛ la ɛyɛlɛ.
Adenle boni azo? Awake! ɛhye bamaa yɛanwu ninyɛne 12 mɔɔ maa abusua asetɛnla yɛ kpalɛ la.
1: Anwofamaa
Nzuzulɛ nsa mɔɔ baboa agyalɛma yeamaa bɛahɔ zo bɛadɛnla la.
2: Bɛbɔ Nu Bɛyɛ Ninyɛne
Asoo ɛnwu ɛ hu anzɛɛ ɛ ye kɛ ɔle kɛ awie mɔɔ ɛ nee ye de sua ko anu ala ɔ?
3: Ɛbulɛ
Sukoa edwɛkɛ nee nyɛleɛ mɔɔ ɔbamaa ɛ hu anzɛɛ ɛ ye ade nganeɛ kɛ ɛbu ye la anwo debie.
4: Ɛtanefakyɛ
Duzu a baboa wɔ amaa wɔanva wɔ adwenle wɔanzie ɛ hu anzɛɛ ɛ ye sinlidɔlɛ ne mɔ azo a?
5: Adwelielilɛ
Ninyɛne titili nsa mɔɔ bahola aboa wɔ yeamaa wɔabikye ɛ mra ne mɔ la.
6: Ɛdenrɛdenrɛlɛ
Asoo ɛdenrɛdenrɛlɛ ɛmmaa kakula ɛnlie ɔ nwo ɛnli ɔ?
7: Subane Mgbalɛ
Ngyinlazo boni mɔ a ɔwɔ kɛ ɛfa ɛkilehile ɛ mra a?
8: Neazo
Saa ɛkulo kɛ wɔ edwɛkɛ ka ɛ mra ahonle a, ɔwɔ kɛ ɛmaa ɔ nee mɔɔ ɛyɛ la yɛ ko.
9: Sonla Holɛ Ko Mɔɔ Ɛde La
Kɛzi mgbavolɛ nee mbɛlɛra bahola agyinla bɛ diedi ne anzi ɛ?
10: Maa Awie Mɔ Ɛlie Wɔ Ɛli
Debie titili mɔɔ anwo hyia amaa wɔayɛ kpanyinli kpalɛ la a le kɛ ɛbamaa wɔ awovolɛ anyia wɔ nu anwodozo.
11: Gyima Ɛsesebɛyɛlɛ
Saa ɛsukoa kɛ ɛbayɛ gyima ɛsesebɛ a, ɔbaboa wɔ yeamaa debie biala mɔɔ ɛbayɛ la awie wɔ boɛ.
12: Bodane
Saa ɛfa bodane ɛsie ɛ nye zo na ɛdwu nwo a, ɔmaa ɛnyia anwodozo wɔ wɔ nu, ɛnyia agɔnwolɛma kpalɛ na ɛ nye die kpalɛ.
Moalɛ Dɔɔnwo Maa Abusua
Folɛdulɛ mɔɔ Baebolo ne fa maa la bahola amaa wɔ agyalɛ ayɛ kpalɛ na wɔanyia abusua asetɛnla mɔɔ yɛ anyelielɛ la.
