Ɛzukoalɛdeɛ 16

Wɔ Kpɔkɛ Mɔɔ Wɔzi Kɛ Ɛsonle Nyamenle La

Duzu a ɔwɔ kɛ ɛyɛ na wɔarayɛ Nyamenle agɔnwo a? (1, 2)

Adenle boni azo a ɛfa ɛtu ɛ nwo ɛmaa Nyamenle a? (1)

Mekɛ boni anu a ɔwɔ kɛ bɛsɔne wɔ a? (2)

Kɛzi ɛbayɛ na wɔanyia anwosesebɛ wɔava wɔali nɔhalɛ wɔamaa Nyamenle ɛ? (3)

1. Saa ɛbarayɛ Nyamenle agɔnwo a, ɔwɔ kɛ ɛnyia Bible nu nɔhalɛ nrɛlɛbɛ (1 Timothy 2:3, 4), ɛnyia diedi wɔ ninyɛne mɔɔ wɔzukoa la anu (Hebrewma 11:6), ɛnu ɛ nwo wɔ wɔ ɛtane nwo (Gyima 17:30, 31), na ɛkakyi wɔ subane wɔ wɔ azedɛnlalɛ nu. (Gyima 3:19) Akee ɔwɔ kɛ ɛhulolɛ mɔɔ ɛlɛ ɛmaa Nyamenle la ka wɔ maa ɛtu ɛ nwo ɛmaa ye. Ɛhye kile kɛ, ɔwɔ kɛ ɛka ɛkile ye wɔ wɔ fealera nu asɔneyɛlɛ nu kɛ ɛlɛtu ɛ nwo wɔamaa ye wɔayɛ ye ɛhulolɛdeɛ.—Matthew 16:24; 22:37.

2. Mekɛ mɔɔ wɔdu ɛ nwo wɔmaa Nyamenle wɔwie la, ɔwɔ kɛ bɛsɔne wɔ. (Matthew 28:19, 20) Ɛzɔnelɛ maa awie biala nwu kɛ wɔdu ɛ nwo wɔmaa Jehovah. Yemɔti ɛzɔnelɛ wɔ ɛkɛ maa menli mɔɔ ɛnyi mɔɔ bɛkola bɛsi kpɔkɛ kɛ bɛsonle Nyamenle la ala. Saa bɛsɔne awie a, ɔwɔ kɛ bɛfa ye sonlabaka ne bɛwula nzule bo mekɛ ekyi. *—Mark 1:9, 10; Gyima 8:36.

3. Mekɛ mɔɔ wɔdu ɛ nwo wɔmaa la, Jehovah anye bala kɛ ɛbali wɔ ɛwɔkɛ zo. (Edwɛndolɛ 50:14; Ecclesiastes 5:4, 5) Abɔnsam babɔ mɔdenle kɛ ɔbamaa wɔagyakyi Jehovah ɛzonlelɛ. (1 Peter 5:8) Noko twe bikye Jehovah wɔ asɔneyɛlɛ nu. (Philippima 4:6, 7) Sukoa ye Edwɛkɛ ne kenle biala. (Edwɛndolɛ 1:1-3) Fa ɛ nwo beta asafo ne ɛsesebɛ. (Hebrewma 13:17) Ɛhye mɔ amuala mɔɔ ɛbayɛ la, ɛbanyia anwosesebɛ mɔɔ ɛbava wɔali nɔhalɛ wɔamaa Nyamenle la. Ɛlua ɛhye azo ɛbahola wɔayɛ mɔɔ Nyamenle kpondɛ avi wɔ ɛkɛ ne la dahuu!

[Ɔ bo ɛkɛ ne edwɛkɛ ne mɔ]