Gyisɛse hɔle Gyɛlusalɛm wɔ nyenyesuo mekɛ nu wɔ ɛvolɛ 30 Y.M. anu. Ɛnee menli dɔɔnwo ɛra sua ne azo kɛ bɛbali Akpabɛnwo Ɛvoyia ne. Ɛvoyialilɛ ne dwu zo a bɛfa nane bɛbɔ afɔle wɔ ɛzonlenlɛ sua ne anu. Menli bie mɔ vale bɛ nane rale, bie mɔ noko dɔle bie wɔ Gyɛlusalɛm.

Mɔɔ Gyisɛse hɔle ɛzonlenlɛ sua ne anu la, ɔnwunle kɛ menli ɛlɛtɔne nane wɔ ɛkɛ. Ɛnee bɛlɛkpondɛ ezukoa wɔ Gyihova ɛzonlenlɛ sua ne anu! Duzu a Gyisɛse yɛle a? Ɔvale nyɛma ɔyɛle empele ɔvoanle mboane ne nee nlankɛ ne mɔ ɔvile ɛzonlenlɛ sua ne anu. Ɔbutubutule menli mɔɔ ɛlɛsenza ezukoa la ɛkponle ne na ɔwolale bɛ ezukoa ne  ɔguale azɛlɛ ne anwo. Gyisɛse hanle hilele menli mɔɔ ɛlɛtɔne mɔlɔnoma la kɛ: “Bɛye ninyɛne ɛhye mɔ bɛvi ɛke! Bɛmmafa me Ze sua ne bɛyɛ gualilɛ sua!”

Mɔɔ Gyisɛse yɛle la zinle menli mɔɔ wɔ ɛzonlenlɛ sua ne anu la anwo. Ye ɛdoavolɛma ne hakyele ngapezo ne mɔɔ fale Mɛzaya ne anwo la, ɔse: “Wɔ sua ne anwo mɔdenlebɔlɛ bayi me tɛkɛɛ.”

Mɔɔ ɛvolɛ 33 Y.M. ɛlɛkɔ ye awieleɛ la, Gyisɛse dele ɛzonlenlɛ sua ne anwo bieko. Yeammaa awie biala anyɛ debie mɔɔ kile kɛ ɔmbu ye Papa sua ne la.