FOA 9
Kenlenzu A Paladaese Bara A?
Azɛlɛ ye azo ngyegyelɛ ne kile kɛ ɔnrɛhyɛ Belemgbunlililɛ ne bara. Luku 21:10, 11; 2 Timote 3:1-5
Baebolo ne hanle ninyɛne dɔɔnwo mɔɔ ɛlɛsisi ɛnɛ la anwo edwɛkɛ dole ɛkɛ. Ɔhanle kɛ menli bahulo ezukoa, bɛnrɛdie bɛ awovolɛ, bɛ nwo bayɛ ɛzulolɛ, yɛɛ bɛbahulo anyelielɛ.
Azɛlɛkpusulɛ mgbole, konle, ɛhɔne, nee ewule ngakyile bara. Ninyɛne ɛhye mɔ ɛlɛsisi ɛnɛ.
Eza Gyisɛse hanle kɛ bɛbabɔ Belemgbunlililɛ ne anwo edwɛkpa ne nolo wɔ azɛlɛ ye azo amuala.—Mateyu 24:14.
Belemgbunlililɛ ne baye amumuyɛyɛlɛ kɔsɔɔti avi ɛkɛ. 2 Pita 3:13
Ɔnrɛhyɛ Gyihova bazɛkye amumuyɛma kɔsɔɔti.
Bɛbadua Seetan nee sunsum ɛtane ne mɔ kakɛ.
Bɛbalie bɛdabɛ mɔɔ bɛtie Nyamenle la ngoane bahɔ tenlene ewiade fofolɛ ne anu, ɛleka mɔɔ ɛzulolɛ ɛnle ɛkɛ la. Menli mɔɔ wɔ ɛkɛ ne la di nɔhalɛ yɛɛ bɛkulo bɛ nwo ngoko.
Bie A Eza Ɛ Nye Balie
MBULUKU & BROHYUA
Nyamenle Belemgbunlililɛ Ne A Le Duzu?
Mekɛ mɔɔ Gyisɛse wɔ azɛlɛ ye azo la ɔyɛle mɔɔ Belemgbunlililɛ ne bayɛ la anwo neazo.
MBULUKU & BROHYUA
Asoo Amaneɛnwunlɛ Bara Awieleɛ?
Baebolo ne ka kɛ Nyamenle kyi nzisi na ɔdwenle menli nwo. Kɛzi ɛhye bahola aboa ɛ?
