Yihowaan wanta nuuf caalaatti gaarii taʼe yeroo hundumaa ni beekaa? Eeyyee! Kana amanuudhaan yommuu qajeelfama isaa hordofnu ogummaa akka qabnu argisiisna. (Fak 16:3, 9) Haa taʼu malee, yommuu qajeelfamni isaa yaada keenya irraa adda taʼu amanannaan qajeelfama isaa irratti qabnu qoramuu dandaʼa. Uumamawwan isaa irratti xiinxaluudhaan amanannaa ogummaa Yihowaa irratti qabnu cimsachuu dandeenya.—Fak 30:24, 25; Rom 1:20.

VIIDIYOO QAAMNI KANA TOLCHE JIRAA? GOONDAAWWAN RAKKINA TIRAAFIKAA KAN FURAN AKKAMITTI? JEDHAMU ERGA ILAALTANII BOODA, GAAFFIIWWAN ARMAAN GADII DEEBISUUF YAALAA:

• Goondaawwan hedduun guyyaa guyyaadhaan maal hojjetu?

• Goondaawwan rakkinni tiraafikaa akka hin uumamne kan godhan akkamitti?

• Akkaataa goondaawwan itti sochoʼan irraa namoonni maal barachuu dandaʼu?

VIIDIYOO QAAMNI KANA TOLCHE JIRAA? AKKAATAA KANNIISNI BAAMBILBIIN BALALIʼA ISAA ITTI TOʼATU JEDHAMU ERGA ILAALTANII BOODA, GAAFFIIWWAN ARMAAN GADII DEEBISUUF YAALAA:

• Namoonni yeroo xiyyaara xixinnoo oofanitti rakkina akkamiitu isaan mudata?

• Kanniisni baambilbii qilleensa cimaa taʼe keessatti rakkina malee kan balaliʼu akkamitti?

• Namoonni yeroo booda ogummaa baambilbii irraa fayyadamuu kan dandaʼan akkamitti?

Naannoo keetti ogummaa Yihowaa uumama irratti mulʼate akkamii argiteetta?