Faarfannaa 91:1-16
91 Namni iddoo iccitii Isa Hundaa Olii keessa jiraatu+Gaaddisa Isa Hundumaa Dandaʼuu jala ni bula.+
2 Ani Yihowaadhaan, “Ati iddoon kooluu itti galuu fi dahoo koo,+Waaqa koo isan itti amanamu dha”+ nan jedha.
3 Sababiin isaas, inni kiyyoo isa simbira qabatu sanaa jalaa,Golfaa badiisa guddaa fidu irraas si oolcha.
4 Inni baalleewwan isaatiin si golga,*Atis qoochoowwan isaa jalatti kooluu galta.+
Amanamummaan isaa+ gaachana guddaa+ fi dallaa eegumsaa siif taʼa.
5 Atis naasuu halkanii,+Xiyya guyyaa balaliʼu,+
6 Golfaa dukkana keessa deemu,Badiisa guyyaa saafaatti balleessus hin sodaattu.
7 Kumni si cinaatti,Kumni kudhanis karaa harka mirgaa keetiin ni kufu,Taʼus inni gara keetti hin dhihaatu.+
8 Ati hamoonni yommuu adabaman* ni ilaalta,Ijuma keetiin qofa ni argita.
9 Sababiin isaas ati, “Yihowaan iddoon kooluu itti galu dha” jetteetta,Isa Hundaa Oliis iddoo jireenyaa kee* godhatteetta;+
10 Balaan si irra hin gaʼu,+Dhaʼichis dunkaana keetti hin dhihaatu.
11 Daandiiwwan kee hundumaa irratti akka si eeganiif,+Inni maleekota isaa siif ni ajaja.+
12 Miilli kee dhagaatti akka hin rukutamneef,+Isaan harka isaaniitti si baatu.+
13 Leencaa fi marʼataa irra ni ejjetta;Leenca saafelaa fi bofa guddaa faana kee jalatti ni dhidhiitta.+
14 Waaqayyo akkana jedheera: “Waan na jaallateef,* isa nan oolcha.+
Maqaa koo waan beekeefis* isa nan eega.+
15 Inni na waammata, anis deebii isaaf nan kenna.+
Yeroo dhiphinaatti isaa wajjin nan taʼa.+
Isa nan oolcha, ulfinas isaaf nan kenna.
16 Umurii dheeraa isa nan quubsa,+Gochawwan fayyinaa koos* akka argu nan godha.”+
Miiljaleewwan
^ Ykn., “eenyu illee akka sitti hin dhihaanne si golga.”
^ Kal., “haaloon irratti baʼamu.”
^ Ykn tarii, “dahoo kee; iddoo kooluu itti galtu.”
^ Kal., “natti waan of hidheef.”
^ Ykn., “amanee waan fudhateefis.”
^ Ykn., “Fayyina na biraa dhufus.”
