Fakkeenya 19:1-29
19 Gowwaa taʼanii soba dubbachuu mannaaHiyyeessa taʼanii amanamummaadhaan deddeebiʼuu wayya.+
2 Namni* beekumsa hin qabne gaarii miti,+Namni ariifatee* wanta tokko raawwatus cubbuu hojjeta.
3 Gowwummaan namaa daandii isaa ni jalʼisa,Garaan isaas Yihowaatti ni dheekkama.
4 Qabeenyi michoota hedduu argamsiisa,Nama hiyyeessa taʼe garuu michuun isaa illee isa dhiisa.+
5 Namni sobaan ragaa baʼu utuu hin adabamin hin hafu,+Namni yeroo dubbatu hundumaatti sobus adaba jalaa hin oolu.+
6 Namoonni hedduun nama guddaa* biratti fudhatama argachuu barbaadu,Nama kennaa namaaf kennuufis namni hundi michuu dha.
7 Nama hiyyeessa obboloonni isaa hundi isa jibbu;+Michoonni isaa immoo hammam caalaatti isa irraa haa fagaatan ree!+
Inni isaan kadhachaa isaan duukaa buʼa, garuu namni tokko illee deebii isaaf hin kennu.
8 Namni hubannaa* qabu kam iyyuu ofiif* jaalala qaba.+
Namni hubannaadhaaf bakka guddaa kennu kam iyyuu milkaaʼina* argata.+
9 Namni sobaan ragaa baʼu utuu hin adabamin hin hafu,Namni yeroo dubbatu hundumaatti sobus ni bada.+
10 Gowwaan jireenya qananii jiraachuun isaa sirrii miti;Tajaajilaan tokko bulchitoota bulchuun isaa immoo caalaatti sirrii miti!+
11 Hubannaan, namni tokko aariin isaa akka qabbanaaʼu godha,+Balleessaa tuffatee bira darbuun isaas miidhagina isaaf ni kenna.+
12 Aariin mootii akkuma gururiʼuu leencaa ti,*+Isa biratti fudhatama argachuun garuu akkuma fixeensa biqiltuu irra jiruu ti.
13 Ilmi gowwaan abbaa isaa irratti rakkina fida,+Haati manaa nyakkistuu taates akkuma baaxii yeroo hunda dhimmisuu ti.+
14 Mannii fi qabeenyi abbootii irraa dhaalama,Haati manaa hubattuun garuu Yihowaa biraa argamti.+
15 Dhibaaʼummaan hirriba cimaa namatti buusa,Namni* siʼaayina hin qabnes ni beelaʼa.+
16 Namni ajaja eegu lubbuu isaa ni eeggata;+Namni daandii isaatiif dantaa hin qabne ni duʼa.+
17 Namni rakkataatti gaarummaa argisiisu Yihowaadhaaf liqeessa,+Innis wanta inni godheef gatii isaa isaaf ni deebisa.*+
18 Yeroo abdiin jirutti ilma kee adabi,+Duʼa isaatiifis itti gaafatamaa hin taʼin.*+
19 Namni dafee aaru ni adabama;Adaba irraa isa oolchuuf yoo yaalte, irra deddeebitee akkana gochuuf dirqamta.+
20 Booda irratti ogeessa akka taatuuf,Gorsa dhagaʼi, adabas fudhadhu.+
21 Karoorri garaa namaa keessa jiru hedduu dha,Jabaatee kan dhaabbatu garuu gorsa* Yihowaa ti.+
22 Wanti guddaan nama keessa jiru jaalala amanamaa inni qabu dha;+Sobduu taʼuu mannaa hiyyeessa taʼuu wayya.
23 Yihowaa sodaachuun jireenyatti geessa;+Namni isa sodaatu boqonnaa nama gammachiisu qabaata, miidhaa irraas walaba taʼa.+
24 Namni dhibaaʼaan harka isaa saanii golboo keessa ni kaaʼa,Garuu gara afaan isaatti deebisee fiduuf illee ni rakkata.+
25 Namni muuxannoo hin qabne abshaala+ akka taʼuuf nama qoostuu taʼe rukuti,+Beekumsa dabalataa akka argatuufis nama hubannaa qabu ifadhu.+
26 Namni abbaa isaa miidhuu fi haadha isaa ariʼuIlma qaanii fi salphina namatti fidu dha.+
27 Yaa ilma koo, adaba dhagaʼuu yoo dhiiste,Dubbii beekumsaa irraa gorta.
28 Ragaa baatuun gatii hin qabne haqatti ni qoosa,+Afaan hamootaas wanta hamaa liqimsa.+
29 Murtiin warra qoostuu taʼaniif,+Rukuttaanis dugda gowwootaatiif qophaaʼeera.+
Miiljaleewwan
^ Ykn., “Lubbuun.”
^ Kal., “miila isaatiin ariifatee.”
^ Ykn., “arjaa.”
^ Ykn., “lubbuu isaatiif.”
^ Kal., “wanta gaarii.”
^ Kal., “garaa.”
^ Ykn., “leenca saafelaa ti.”
^ Ykn., “Lubbuun.”
^ Ykn., “isa ni badhaasa.”
^ Ykn., “Duʼa isaa hin barbaadin.” Kal., “Duʼa isaatiif lubbuu kee hin kaasin.”
^ Ykn., “kaayyoo.”
