Addunyaa Kana Kan To’atu Eenyudha?
Maal sitti fakkaata?
Waaqayyodhaa?
Ilmaan namootaatii?
Moo qaama kan biraadha?
MACAAFNI QULQULLUUN MAAL JEDHA?
‘Guutummaan biyya lafaa harka isa hamaa jala jira.’—1 Yohannis 5:19.
“Ilmi Waaqayyo . . . hojii Seexanaa diiguudhaaf mul’ate.”—1 Yohannis 3:8.
KANA BEEKUUN FAAYIDAA MAALII SIIF ARGAMSIISA?
Rakkina addunyaarra jiruuf wanta sababii ta’e hubatta.—Mul’ata 12:12.
Sababii haalli addunyaa kun ni jijjiirama jettee amanuuf si gargaaru argatta.—1 Yohannis 2:17.
WANTA MACAAFNI QULQULLUUN JEDHUTTI AMANUU NI DANDEENYAA?
Eeyyee, yoo xinnaate sababii sadiin kan ka’e amanuu dandeenya:
Bulchiinsi Seexanaa ni balleeffama. Yihowaan, olaantummaa Seexanni ilmaan namootaarratti qabu balleessuuf murteesseera. ‘Seexana balleessuudhaaf,’ akkasumas miidhaa inni geessise hunda balleessuuf abdii kenneera.—Ibroota 2:14.
Waaqayyo, addunyaa kana akka bulchuuf Yesus Kiristosiin filateera. Yesus, Seexana isa gara jabeessaafi ofittoo yerooo ammaa addunyaa kana bulchaa jirurraa guutummaatti addadha. Waaqayyo bulchiinsa Yesus ilaalchisee abdii, “Inni isa dadhabaadhaa fi isa wanta barbaachisu dhabeef in oo’a . . . Lubbuu isaanii cunqurfamuu, humnaan irratti ka’uu jalaas in fura” jedhu kenneera.—Faarfannaa 72:13, 14.
Waaqayyo hin sobu. Macaafni Qulqulluun, ‘Waaqayyo hin sobu’ jechuudhaan ifatti dubbata. (Ibroota 6:18) Yihowaan yeroo abdii kennu wanti inni dubbate akka waan raawwatameetti lakkaa’ama! (Isaayaas 55:10, 11) “Inni hamaan biyya lafaa kana seerratus amma gad in gatama.”—Yohannis 12:31.
WANTOOTA KANARRATTI YAADI
Inni addunyaa kana bulchaa jiru erga balleeffamee booda haalli addunyaa maal fakkaata?
Macaafni Qulqulluun, gaaffii kanaaf FAARFANNAA 37:10, 11fi MUL’ATA 21:3, 4rratti deebii kenna.
Kanneen Armaan Gadiis ni Jaallatta Taʼa
ESSENTIAL BIBLE TEACHINGS
Waaqayyo Rakkinni Akka Jiraatu kan Heyyame Maaliifi?
Namoonni baayʼeen, addunyaan kun jibbaa fi rakkinaan kan guutamte maaliif akka taʼe gaafatu. Kitaabni Qulqulluun garuu deebii quubsaa fi nama jajjabeessuu kenna.
DEEBII GAAFFII KITAABA QULQULLUU
Seexanni Dhugumaan Jiraa?
Diyaabilos yaada ykn amala hammeenyaa namoota keessa jiru dha moo qaama dhugumaan jiru dha?
WAAʼEE KEENYA
Macaafa Qulqulluu Qayyabachuu Kan Qabnu Maaliifi?
Macaafani Qulqulluun, namoonni miliyoonaan lakkaaʼamaniifi addunyaarratti argaman, gaaffiiwwan gurguddaa jireenyasaanii keessatti isaan mudataniif deebii akka argatan gargaaraa jira. Namoota kana keessaa tokko taʼuu barbaaddaa?
WAAʼEE KEENYA
Dhufnee Si Haasofsiisnuu?
Gaaffii Kitaaba Qulqulluu tokkorratti nu wajjin mari‵adhu ykn waa‵ee Dhugaa Baatota Yihowaa caalaatti baradhu.
