Kibba Luuzoonii fi odoolawwan naannoo isaa jiran

• Onkoloolessa 25, 2020 Obomboleettiin Moolaavee, inni Filippiinsitti Kintaa jedhamu, bulchiinsa Albaay isa naannoo Biikoolii jiruu fi Luuzoon Filippiinsitti argamu rukuteera. Obomboleettiin humna guddaa qabu kun sana booda, odoola Luuzoon rukutuu isaa itti fufeera

• Sadaasa 1, 2020 Obomboleettii cimaan Goonii, Filippiinsitti immoo Roolii jedhamu Kaataanduunis odoola kan biraa naannoo Biikoolii jiruu fi Luuzoonitti argamu rukuteera. Obomboleettii garee 5⁠ffaatti ramadamu kun sana booda bulchiinsota kan biroo, warra duraan Obomboleettii Moolaaveetiin rukutaman miidheera

• Obomboleettiiwwan lamaan kun bokkaa fi qilleensa cimaa fiduudhaan lolaa guddaan akka uumamuu fi ibsaa fi bishaan akka badu godheera. Iddoowwan kana baayʼee isaanii amma iyyuu bilbilaan ykn intarneetiidhaan wal qunnamuun hin dandaʼamu

• Bokkaa cimaan kun Gaara Maayoon irra dhoqqee cimaan akka gad buʼu kan godhe siʼa taʼu, kunis manneen hedduu naannoo gaarichaa jiran irratti miidhaa geessiseera

• Babalʼistoonni dhibbaan lakkaaʼaman iddoo isaanii dhiisanii deemaniiru ykn iddoo isaaniitii baafamaniiru

• Obboleettiin waggaa 89 tokko yeroo mana ishii isa guutummaatti mancaʼe keessaa baafamtu miidhaa xinnoon irra gaʼeera

• Manneen 134 fi Galma Walgaʼii 8 irra miidhaa salphaan gaʼeera

• Manneen 75 fi Galma Walgaʼii 8 irra miidhaa guddaan gaʼeera

• Manneen 101 fi Galmi Walgaʼii 1 guutummaatti mancaʼaniiru

• Ilaaltonni ol aanaa aanaa fi jaarsoliin gumii Koreewwan Gargaarsaa Yeroo Balaa wajjin taʼuudhaan obboloonni nyaata, bishaan, manaa fi wantoota barbaachisoo kan biroo akka argatan gochaa jiru. Obboloonni keenya qajeelfama COVID-19 utuu hordofanii gargaarsaa fi jajjabina kennaa jiru

Obboloota keenya balaa uumamaa cimaa kanaan miidhamaniif kadhachuu keenya itti fufna. Yeroo rakkisaa kanatti Yihowaan obbolootaa fi obboleettota keenyaaf, “Abbaa gara laafina guddaa fi Waaqa jajjabina hundaa” taʼuu isaa akka itti fufu beekna.—2 Qorontos 1:3