ଏହି ଦୁନିଆର ବିନାଶ ବହୁତ ପାଖେଇ ଆସିଛି । ତେଣୁ ଯଦି ଆମେ ଯିହୋବାଙ୍କ ସେବା କରିବା ପାଇଁ କିଛି ଲକ୍ଷ୍ୟ ରଖିବା, ତେବେ ଆମେ ନିଜ ଶକ୍ତି ଓ ସମୟର ସଠିକ୍‌ ବ୍ୟବହାର କରୁଥିବା । (୧କରି ୯:୨୬; ଏଫି ୫:୧୫, ୧୬) କʼଣ ଆପଣ ନିଜ ପାରିବାରିକ ଉପାସନାରେ ଆସନ୍ତା ସେବା ବର୍ଷ ପାଇଁ କିଛି ଲକ୍ଷ୍ୟ ରଖିପାରିବେ ? ଏହି ସଭା ପୁସ୍ତିକାର ଲେଖାଗୁଡ଼ିକରେ ଏପରି ଅନେକ ଲକ୍ଷ୍ୟଗୁଡ଼ିକ ବିଷୟରେ ଦିଆଯାଇଛି । ଆପଣ ଏବିଷୟରେ ଗଭୀର ଭାବେ ଚିନ୍ତା କରିପାରିବେ ଏବଂ ଯିହୋବାଙ୍କୁ ପ୍ରାର୍ଥନା କରିପାରିବେ ।—ଯାକୁ ୧:୫.

କʼଣ ଆପଣଙ୍କ ପରିବାରର ଅତି କମ୍‌ରେ ଜଣେ ସଦସ୍ୟ ଅଗ୍ରଦୂତ ସେବା କରିପାରିବେ ଏବଂ ପରିବାରର ଅନ୍ୟ ସଦସ୍ୟମାନେ ତାଙ୍କୁ ସହଯୋଗ କରିପାରିବେ ? ଯଦି ଆପଣଙ୍କୁ ଲାଗେ ଯେ ଆପଣ ଅଗ୍ରଦୂତ ସେବା ପାଇଁ ଥିବା ନିର୍ଦ୍ଧାରିତ ଘଣ୍ଟା ପୂରା କରିପାରିବେ ନାହିଁ, ତେବେ ଆପଣ କʼଣ କରିପାରିବେ ? ଏପରି ଭାଇ କିମ୍ବା ଭଉଣୀଙ୍କ ସହ କଥା ହୁଅନ୍ତୁ ଯେଉଁମାନଙ୍କ ପରିସ୍ଥିତି ଆପଣଙ୍କ ଭଳି ଅଛି, ତଥାପି ସେମାନେ ଅଗ୍ରଦୂତ ସେବା କରୁଛନ୍ତି । (ହିତୋ ୧୫:୨୨) ଆପଣ ଚାହିଁଲେ ଆପଣଙ୍କ ପାରିବାରିକ ଉପାସନାରେ କେହି ଜଣେ ଅଗ୍ରଦୂତ ଭାଇ କିମ୍ବା ଭଉଣୀଙ୍କୁ ଡାକି କିଛି ପ୍ରଶ୍ନ ପଚାରିପାରିବେ । ତାʼପରେ ଭାବନ୍ତୁ ଯେ ଆପଣ କେବେ କେବେ ପ୍ରଚାର କରିପାରିବେ ଏବଂ ତାହା ଲେଖି ରଖନ୍ତୁ । ଯଦି ଆପଣ ପୂର୍ବେ ଅଗ୍ରଦୂତ ସେବା କରୁଥିଲେ, ତେବେ ଭାବନ୍ତୁ ଯେ କʼଣ ଏବେ ଆପଣ ପୁଣିଥରେ ଅଗ୍ରଦୂତ ସେବା କରିପାରିବେ ।

କʼଣ ଆପଣଙ୍କ ପରିବାରରୁ କିଛି ଲୋକ ଏକ ମାସ କିମ୍ବା ତାʼଠାରୁ ଅଧିକ ମାସ ସହଯୋଗୀ ଅଗ୍ରଦୂତ ସେବା କରିପାରିବେ ? ଯଦି ଆପଣ ଶୀଘ୍ର ଥକି ଯାଆନ୍ତି, ତେବେ ଆପଣ ପ୍ରତିଦିନ କିଛି ସମୟ ପ୍ରଚାର କରି ସହଯୋଗୀ ଅଗ୍ରଦୂତ ସେବା କରିପାରିବେ । କʼଣ ଆପଣ ସୋମବାରରୁ ଶୁକ୍ରବାର ପର୍ଯ୍ୟନ୍ତ କାମ କରନ୍ତି କିମ୍ବା ସ୍କୁଲ ଯାଆନ୍ତି ? ଯଦି ହଁ, ତେବେ ଆପଣ ଏପରି ମାସଗୁଡ଼ିକରେ ସହଯୋଗୀ ଅଗ୍ରଦୂତ ସେବା କରିପାରିବେ ଯେଉଁ ମାସଗୁଡ଼ିକରେ ଅଧିକ ଛୁଟି ରହିଛି କିମ୍ବା ପାଞ୍ଚଟି ଶନିବାର ଓ ରବିବାର ରହିଛି । ଆପଣଙ୍କ ପରିବାର ମିଶି କ୍ୟାଲେଣ୍ଡରରେ ଲେଖିପାରିବେ ଯେ ସମସ୍ତେ କେଉଁ କେଉଁ ମାସରେ ସହଯୋଗୀ ଅଗ୍ରଦୂତ ସେବା କରିବାକୁ ଚାହାନ୍ତି ଏବଂ ସେହି ମାସରେ କେବେ କେବେ ପ୍ରଚାର କରିବେ ।—ହିତୋ ୨୧:୫.

ସାହସୀ ଅଗ୍ରଦୂତ ହୁଅନ୍ତୁ ନାମକ ଭିଡିଓ ଦେଖନ୍ତୁ । ତାʼପରେ ଏ ପ୍ରଶ୍ନଗୁଡ଼ିକର ଉତ୍ତର ଦିଅନ୍ତୁ:

• ଯିହୋବା କିପରି ଭଉଣୀ ଓମେନ୍‌ଡର ଯତ୍ନ ନେଲେ ? ଏଥିରୁ ଆମେ କʼଣ ଶିଖିପାରିବା ?