2018 азӕй фӕстӕмӕ, парахат кӕнынӕн чи сты, уыцы журналты алы номыр дӕр вӕййы ӕрмӕстдӕр иу темӕйы фӕдыл. Уыцы журналтӕ иууылдӕр хауынц, иннӕты ахуыр кӕнынӕн нӕм чи ис, уыцы кусӕнгӕрзтӕм. Уӕдӕ сӕ нӕ бон у уацамынды пайда кӕнын. Нӕ бон ма сӕ у немӕ хӕссын, искуыдӕм куы цӕуӕм кӕнӕ та исты ӕлхӕнынмӕ куы цӕуӕм, уӕд. Уыцы журналтӕ адӕмимӕ Библи ахуыр кӕнынӕн не сты, фӕлӕ уӕддӕр уыдоны фӕрцы, гӕнӕн ис, искӕй бафӕнда Хуыцауы тыххӕй фылдӕр базонын.

Искӕимӕ ныхас куы райдайай, уӕд-иу ын стих бакӕс ӕмӕ-иу ын журналӕй, йӕ зӕрдӕ йын чи бацагаид, ахӕм темӕйы кой скӕн. Зӕгъӕм, кӕд ын сывӕллӕттӕ ис, йе та цӕуылдӕр маст кӕны кӕнӕ йӕ цыдӕр тыхсын кӕны, уӕд ын дӕ бон у зӕгъын: «Ӕрӕджы уый фӕдыл иу хорз статья бакастӕн. Равдисон дын ӕй?» Кӕд дӕм афтӕ фӕкӕса, ӕмӕ адӕймаг бацымыдис, уӕд ын дӕ бон у журнал раттын кӕнӕ та йын ӕй электронон форматы арвитын. Афтӕ дӕ бон у бакӕнын, йемӕ фыццаг хатт куы ныхас кӕнай, уӕддӕр. Кӕд нӕ сӕйраг нысан адӕмӕн литературӕ дӕттын нӕу, уӕддӕр журналты фӕрцы нӕ бон у ссарын, Библимӕ гӕсгӕ йӕ цард аразын кӕй бафӕнда, ахӕм адӕймӕгты (Хъд 13:48).