ИУХАТТ Йесо Чырысти, паралич кӕй ныццавта, ахӕм адӕймаджы куы сдзӕбӕх кодта, уӕд «се ’ппӕт дӕр стыр дисы бафтыдысты ӕмӕ райдыдтой Хуыцауы кадджын кӕнын. Адӕмы тас бацыд ӕмӕ дзырдтой: „Мӕнӕ цы ӕнахуыр диссӕгтӕ федтам абон!“» (Лук. 5:25, 26). Абон Йегъовӕ йӕ уарзон Фырты уылты, «зондджын ӕмӕ ӕууӕнкджын цагъары» уылты ӕмӕ йӕ иузӕрдион лӕггадгӕнджыты уылты ӕнӕхъӕн зӕххыл ноджы фылдӕр диссӕгтӕ аразы, ӕмӕ уымӕ гӕсгӕ махӕн дӕр нӕ бон у зӕгъын: «Ӕнахуыр диссӕгтӕ федтам».