1. ਸੱਚਾ ਤੇਰਾ ਪਿਆਰ ਹੈ ਪਿਤਾ ਯਹੋਵਾਹ

ਬੇਮਿਸਾਲ, ਲਾਜਵਾਬ

ਚੱਲਦੇ ਹਾਂ ਅਸੀਂ ਮਿਲ ਕੇ ਤੇਰੇ ਰਾਹ ʼਤੇ

ਸੱਚ ਦੇ ਰਾਹ ʼਤੇ, ਪਿਆਰ ਦੇ ਰਾਹ ʼਤੇ

ਤੇਰੀ ਮੁਹੱਬਤ ਹੈ ਗਹਿਰੀ ਯਹੋਵਾਹ

ਬੇਟਾ ਵਾਰਿਆ, ਦਿਲ ਨੂੰ ਸੀ ਜੋ ਪਿਆਰਾ

ਮਿਟਾਏ ਨੇ ਪਾਪ, ਤੂੰ ਸਾਨੂੰ ਅਪਣਾਇਆ

ਹੈ ਸੱਚਾ ਪਿਆਰ, ਯਹੋਵਾਹ ਹੈ ਪਿਆਰ

2. ਰਾਹ ਤੇਰੇ ਚੱਲ ਕੇ ਪਿਆਰ ਕਰਦੇ ਯਹੋਵਾਹ

ਦਿਲੋਂ ਪਿਆਰ, ਹੈ ਇਜ਼ਹਾਰ

ਇਕ-ਦੂਜੇ ਦਾ ਸਾਥ ਹਮੇਸ਼ਾ ਨਿਭਾਉਂਦੇ

ਹਰੇਕ ਨਾਲ ਪਿਆਰ, ਹੈ ਬੇਸ਼ੁਮਾਰ

ਪਿਤਾ ਦੀ ਮਹਿਮਾ, ਅਸੀਂ ਹਾਂ ਝਲਕਾਉਂਦੇ

ਦਿਲੋਂ ਹਰ ਗਿਲਾ ਸਦਾ ਲਈ ਭੁਲਾਉਂਦੇ

ਅਮਰ ਸਾਡਾ ਪਿਆਰ, ਨਾ ਕਦੇ ਮਿਟੇਗਾ

ਹੈ ਸੱਚਾ ਪਿਆਰ, ਭਾਈਚਾਰੇ ਦਾ ਪਿਆਰ

3. ਸਜਾਈ ਏਕਤਾ ਤੂੰ ਸਾਡੀ ਯਹੋਵਾਹ

ਸੱਚੀ ਪ੍ਰੀਤ, ਸਾਡੀ ਰੀਤ

ਹੈ ਸਾਡੀ ਅਰਦਾਸ ਮਹਿਕੇ ਜੱਗ ਇਹ ਸਾਰਾ

ਖਿੜੇ ਹਰ ਦਿਲ, ਗਾਵੇ ਹਰ ਦਿਲ

ਸੁਣੇ ਹਰ ਇਨਸਾਨ, ਚੱਲੇ ਸੱਚੇ ਰਾਹ ʼਤੇ

ਸੁਣ ਬਾਣੀ ਅਸਾਂ ਇਬਾਦਤ ਕਰਾਂਗੇ

ਗੂੜ੍ਹਾ ਸਾਡਾ ਪਿਆਰ, ਇਹ ਡੋਰੀ ਟੁੱਟੇ ਨਾ

ਹੈ ਸੱਚਾ ਪਿਆਰ, ਯਹੋਵਾਹ ਹੈ ਪਿਆਰ