ਯਿਸੂ ਨੇ ਸਾਡੇ ਲਈ ਇਕ ਵਧੀਆ ਮਿਸਾਲ ਰੱਖੀ ਜਿਸ ਦੀ ਅਸੀਂ ਰੀਸ ਕਰ ਸਕਦੇ ਹਾਂ, ਖ਼ਾਸ ਕਰਕੇ ਜਦੋਂ ਅਸੀਂ ਅਜ਼ਮਾਇਸ਼ਾਂ ਜਾਂ ਸਤਾਹਟਾਂ ਦਾ ਸਾਮ੍ਹਣਾ ਕਰਦੇ ਹਾਂ। (1 ਪਤ 2:21-23) ਭਾਵੇਂ ਯਿਸੂ ਦੀ ਬੇਇੱਜ਼ਤੀ ਕੀਤੀ ਗਈ ਤੇ ਉਸ ਨੂੰ ਦੁੱਖ ਦਿੱਤੇ ਗਏ, ਪਰ ਉਸ ਨੇ ਕਦੇ ਬਦਲਾ ਨਹੀਂ ਲਿਆ। (ਮਰ 15:29-32) ਕਿਹੜੀ ਗੱਲ ਨੇ ਧੀਰਜ ਰੱਖਣ ਉਸ ਦੀ ਵਿਚ ਮਦਦ ਕੀਤੀ? ਉਸ ਨੇ ਯਹੋਵਾਹ ਦੀ ਇੱਛਾ ਪੂਰੀ ਕਰਨ ਦਾ ਪੱਕਾ ਇਰਾਦਾ ਕੀਤਾ ਸੀ। (ਯੂਹੰ 6:38) ਨਾਲੇ ਉਸ ਨੇ ਆਪਣਾ ਧਿਆਨ ਉਸ “ਖ਼ੁਸ਼ੀ” ਵੱਲ ਲਾਇਆ “ਜੋ ਉਸ ਦੇ ਸਾਮ੍ਹਣੇ ਰੱਖੀ ਗਈ ਸੀ।”​—ਇਬ 12:2.

ਅਸੀਂ ਉਦੋਂ ਕਿਵੇਂ ਪੇਸ਼ ਆਉਂਦੇ ਹਾਂ ਜਦੋਂ ਸਾਡੇ ਵਿਸ਼ਵਾਸਾਂ ਕਰਕੇ ਸਾਡੇ ਨਾਲ ਬੁਰਾ ਸਲੂਕ ਕੀਤਾ ਜਾਂਦਾ ਹੈ? ਸੱਚੇ ਮਸੀਹੀ “ਬੁਰਾਈ ਦੇ ਵੱਟੇ ਬੁਰਾਈ” ਨਹੀਂ ਕਰਦੇ। (ਰੋਮੀ 12:14, 17) ਜਦੋਂ ਅਸੀਂ ਮਸੀਹ ਦੀ ਰੀਸ ਕਰਦਿਆਂ ਦੁੱਖ ਝੱਲਦੇ ਹਾਂ, ਤਾਂ ਅਸੀਂ ਖ਼ੁਸ਼ੀ ਮਨਾ ਸਕਦੇ ਹਾਂ ਕਿਉਂਕਿ ਸਾਡੇ ’ਤੇ ਪਰਮੇਸ਼ੁਰ ਦੀ ਮਿਹਰ ਹੈ।​—ਮੱਤੀ 5:10-12; 1 ਪਤ 4:12-14.

ਯਹੋਵਾਹ ਦਾ ਨਾਂ ਸਭ ਤੋਂ ਅਹਿਮ ਹੈ ਨਾਂ ਦਾ ਵੀਡੀਓ ਦੇਖੋ ਅਤੇ ਹੇਠਾਂ ਦਿੱਤੇ ਸਵਾਲਾਂ ਦੇ ਜਵਾਬ ਦਿਓ:

• ਜਦੋਂ ਭੈਣ ਪੌਏਟਜ਼ਿੰਜਰ ਕਾਲ ਕੋਠੜੀ ਵਿਚ ਇਕੱਲੀ ਸੀ, ਤਾਂ ਉਸ ਨੇ ਆਪਣੇ ਸਮੇਂ ਦਾ ਸਮਝਦਾਰੀ ਨਾਲ ਇਸਤੇਮਾਲ ਕਿਵੇਂ ਕੀਤਾ?

• ਭਰਾ ਅਤੇ ਭੈਣ ਪੌਏਟਜ਼ਿੰਜਰ ਨੂੰ ਅਲੱਗ-ਅਲੱਗ ਤਸ਼ੱਦਦ ਕੈਂਪਾਂ ਵਿਚ ਕਿਹੜੇ ਦੁੱਖ ਝੱਲਣੇ ਪਏ?

• ਕਿਹੜੀਆਂ ਗੱਲਾਂ ਨੇ ਧੀਰਜ ਰੱਖਣ ਵਿਚ ਉਨ੍ਹਾਂ ਦੀ ਮਦਦ ਕੀਤੀ?