Kasin Saray Propesiya ed Biblia et Prueba ya si Jesus so Mesias?
Ebat na Biblia
On. Nen wadiad dalin si Jesus, agawad sikato iray dakel ya propesiya tungkol ed “Mesias a pangulo,” say “Manangiliktar na mundo.” (Daniel 9:25; 1 Juan 4:14) Tan anggan kayari impatey nen Jesus, siansian agawad sikato iray propesiya tungkol ed Mesias.—Salmo 110:1; Gawa 2:34-36.
Antoy labay ya ibaga na “Mesias”?
Say Hebreon salita ya Ma·shiʹach, (Mesias) tan say Griegon salita ya Khri·stos (Kristo) et parehoy labay dan ibaga, “Say Alanaan.” Kanian say labay ya ibaga na “Jesu-Kristo” et “Jesus ya Alanaan,” o “Jesus ya Mesias.”
Nensaman, say toon napipili ya ikdan na autoridad odino espisyal ya posisyon et kakalboan na larak so ulo to. (Levitico 8:12; 1 Samuel 16:13) Si Jesus et pinili na Dios a magmaliw ya Mesias, posisyon ya walaan na atagey ya autoridad. (Gawa 2:36) Pero imbes ya larak so ikalbo ed si Jesus, inkalbo ed sikato na Dios so masanton espiritu.—Mateo 3:16.
Posible kasin aliwa labat ya sakey ya too so makagawa ed saray propesiya tungkol ed Mesias?
Andi. Singa say fingerprint ya pakabidbiran na sakey labat ya too, saray propesiya ed Biblia et nagawa ed sakey labat ya Mesias odino Kristo. Pero, imbaga na Biblia ya “onsabi ray palson Kristo tan palson propeta tan manggawa ray angkakabaleg a tanda tan pakpakelaw pian no nayari et nibalang da anggan saramay pinili.”—Mateo 24:24.
Dia nid arapen kasi so isabi na Mesias?
Andi. Imbaga na Biblia ya say Mesias et manlapud lahi nen Arin David na Israel. (Salmo 89:3, 4) Pero abalang la iray rekord na lahi na saray Judio manlapud panaon nen David. Nayarin aderal iratan nen sinakop na Roma so Jerusalem nen 70 C.E. a Manlapu lad saman, agla napruebaan no kasin say sakey et nanlapud pamilya nen Arin David. Balet nen panaon nen Jesus, wala ni irayan rekord na lahi tan agnakuestion na anggan saray mamubusol ya sikatoy nanlapu ed lahi nen David.—Mateo 22:41-46.
Pigaran propesiya tungkol ed Mesias so walad Biblia?
Anggapoy eksakton bilang na saray propesiya tungkol ed Mesias. Singa bilang, anggan saray propesiya ya malinew met lan ontutukoy ed Mesias et nayarin nanduruma so pambilang. Binitla na Isaias 53:2-7 iray nanduruman detalye na propesiya tungkol ed Mesias. Nayarin say pambilang na arum ed satan et sakey labat ya propesiya. Samantalang say arum et asansakey dan bilangen so kada detalye.
Saray arum ya propesiya tungkol ed Mesias ya agawad si Jesus
Propesiya |
Nabasa ed |
Agawa |
|---|---|---|
Ilalak nen Abraham |
||
Nanlapud lahi na anak nen Abraham ya si Isaac |
||
Inyanak ed sakey a tribu na Israel, say Juda |
||
Nanlapud lahi nen Arin David |
||
Inyanak na sakey a birhen |
||
Inyanak ed Betlehem |
||
Tawagen ed ngaran ya Emmanuel b |
||
Ordinaryo labat so inggapo to |
||
Pinatey iray ugugaw kayari inkiyanak to |
||
Tinawag ed Ehipto |
||
Tinawag a Nazareno c |
||
Walay mensahero antis to |
||
Nilanaan ya Mesias nen 29 C.E. d |
||
Binidbir na Dios ya Anak To |
||
Maseseg parad abung na Dios |
||
Manangiyabawag na maong a balita |
||
Ministeryo diad Galilea, sakey ya baleg a liwawa |
||
Manggawa na saray milagro ya singa si Moises |
||
Singa si Moises, imbaga to ray panlabayan na Dios |
||
Pinaabig to ray mansasakit |
||
Agto labay so pairayew |
||
Kinasian to ray napapairap |
||
Impatnag toy inkahustisya na Dios |
||
Makapakelaw a Mananimbawa |
||
Impaamta toy ngaran nen Jehova |
||
Nansalita panamegley na saray ilustrasyon |
||
Sakey ya Lider |
||
Dakel so ag-anisia ed sikato |
||
Baleg a baton mangitumba |
||
Impulisay na saray totoo |
||
Binusol ya anggapoy makasengeg |
||
Sinmabi ed Jerusalem ya akalugan ed asno tan inrayew na totoo |
||
Indayew na ugugaw |
||
Sinmabi diad ngaran nen Jehova |
||
Trinaidor na panmamatalekan to ya kaaro |
||
Trinaidor parad 30 piraso na pilak e |
||
Tinaynan na kakaaro to |
||
Inmarap iray palson testigo ya kontrad sikato |
||
Marendeen ya inmarap ed saray manag-akusa |
||
Nilutdaan |
||
Pinekpek ed ulo |
||
Siniplatan |
||
Agto nilabanan iray mamapairap ed sikato |
||
Nankakasakey iray lider na gobierno pian onsumpad sikato |
||
Impasak ed poste so lima tan sali to |
||
Nampapalaranan (nansugal) iray totoo parad kawes to |
||
Impasen ya sakey ed saray makasalanan |
||
Niludlurey, ininsulto |
||
Nanirap parad saray makasalanan |
||
Singa pinaulyanan na Dios |
||
Papainumen day tuka tan ampait a likido |
||
Apaet antis ya ompatey |
||
Inmatalek toy espiritu tod Dios |
||
Inter toy bilay to |
||
Intarya toy dondon pian naperdona so kasalanan |
||
Ag-aputer iray pukel to |
||
Dinuyok |
||
Imponpon diad kawalaan na mayayaman |
||
Pinaoli |
||
Sinalatan so nantraidor ed sikato |
||
Yinmurong ed nikawanan na Dios |
a Imbaga na McClintok and Strong’s Cyclopedia: “Seguradon saray rekord na lahi na saray tribu tan pami-pamilya na Judio et naandi nen aderal so Jerusalem, aliwan antis.”
b Say Hebreon ngaran ya Emmanuel, ya say labay ton ibaga et “Walad Sikami so Dios,” et dugarugan deskripsion ed papel nen Jesus bilang Mesias. Say impanbilay to diad dalin tan saray ginawa to et prueba ya say Dios et kaiba na saray mandadayew ed Sikato.—Lucas 2:27-32; 7:12-16.
c Say salitan “Nazareno” et nanlapud Hebreon salita ya neʹtser ya say labay ton ibaga et “simit.”
d Parad detalye na kronolohiya na Biblia, ya say 29 C.E et say taon na insabi na Mesias, nengnengen so artikulon “No Panon ya Impasakbay nen Propeta Daniel so Isabi na Mesias.”
e Sayan propesiya et walad libron Zacarias, pero imbaga na sakey ya nansulat ed Biblia ya si Mateo ya ‘sinalita iya ed panamegley nen propeta Jeremias.’ (Mateo 27:9) Mapatnag ya say libron Jeremias so makakauna ed seksion na Kasulatan a tinawag ya “saray Propeta.” (Lucas 24:44) Kanian nayarin tinawag nen Mateo ya “Jeremias” itan ya interon koleksion na saray libro, tan kaibad satan so libron Zacarias.
Ompan Nagustoan Mo Met
SAY PANAG-BANTAYAN
Jesus—Rason na Impatey To
Impaliwawa na Sakey ya Judion Bii No Akin ya Inuman To so Papanisiaan To
Antoy akakombinse ed si Racquel Hall ya si Jesus so Mesias ya tatalaranan to?
BANGAT NA BIBLIA
Salien so Panag-aral na Biblia
Salien so libre ya interactive ya panag-aral na Biblia ya walay personal ya manbangat ed sika.