Komaduan Awaran 22:1-12
22 Saray manaayam ed Jerusalem et ginawa ran ari a kasalat to so sankayugtanan ya anak ton si Ahazias, ta amin iray panguloan to et pinapatey na samay grupo na tulisan a linmusob ed kampo kaiba iray Arabo.+ Kanian si Ahazias ya anak nen Jehoram so nanuley bilang ari na Juda.+
2 Si Ahazias et mantaon na 22 sanen nagmaliw ya ari, tan sakey taon a nanuley ed Jerusalem. Say ngaran na ina to et Atalia+ ya apo* nen Omri.+
3 Sikatoy nanakar met ed saray dalan na sankaabungan nen Ahab,+ ta say ina to so nagmaliw a mananimbawa to ed panaggaway mauges.
4 Tan sikatoy nantultuloy a nanggaway mauges diad pakanengneng nen Jehova, a singa ed sankaabungan nen Ahab, ta sanen inatey so ama to et nagmaliw iran mananimbawa to parad pakaderalan to.
5 Tinumbok toy simbawa ra tan akilad si Jehoram ya anak nen Arin Ahab na Israel pian milaban ed kinen Arin Hazael+ na Sirya diad Ramot-gilead,+ a ditan et asugatan na saray managpana si Jehoram.
6 Sikatoy pinmawil ed Jezreel+ pian manpaabig ed saray sugat to ta sikatoy nakna ra diad Rama sanen akilaban ed si Arin Hazael na Sirya.+
Si Ahazias* ya anak nen Jehoram+ ya ari na Juda et linmad Jezreel pian bisitaen toy Jehoram+ ya anak nen Ahab lapud sikatoy asugatan.*+
7 Balet indapo na Dios so kadederal ed si Ahazias diad inyakar tod si Jehoram; tan sanen linmad si Jehoram, sikatoy akila pian onabet ed si Jehu+ ya apo* nen Nimsi, samay nilanaan nen Jehova a mangupot ed sankaabungan nen Ahab.+
8 Sanen igapo la nen Jehu ya idapoy panangukom ed sankaabungan nen Ahab, anengneng to ray prinsipe na Juda tan saray anak a lalaki na agagi nen Ahazias, saramay lingkor nen Ahazias, tan pinapatey to ra.+
9 Insan inanap toy Ahazias; sikatoy narel da diman ed panaamotan tod Samaria, tan inawit dad si Jehu. Tan sikatoy pinatey da insan da imponpon,+ ta inkuan da: “Sikatoy apo nen Jehosafat, samay sigpot-puson nananap ed si Jehova.”+ Et anggapo lad sankaabungan nen Ahazias so walaay pakayarin manuley ed panarian.
10 Sanen anengneng nen Atalia+ ya ina nen Ahazias ya inatey lay anak to, sikatoy kinmiwas tan impapatey to so interon poli na ari* ed sankaabungan na Juda.+
11 Balet, si Jehosabeat ya anak a bii na ari et inala toy Jehoas+ ya anak nen Ahazias tan intakas to sanen pateyen la ray anak a lalaki na ari, tan inyakar tod kuarto ed loob a kaibay managkomis to. Si Jehosabeat ya anak nen Arin Jehoram+ (sikatoy asawa nen Jehoiada+ a saserdote tan agin bii nen Ahazias) et niyamot toy Jehoas ed si Atalia, kanian agto apatey.+
12 Sikatoy anem taon a kaiba ra, ya akaamot ed abung na tuan Dios, legan a manuuley si Atalia ed dalin da.
Paimanod leksab
^ Literal, “anak a bii.”
^ Diad arum a Hebreon manuskrito et “Azarias.”
^ Odino “sikatoy mansasakit.”
^ Literal, “anak a laki.”
^ Literal, “amin a bini na panarian.”
