Isaias 12:1-6
12 Diad satan ya agew et seguradon ikuan mo:
“Misalamat ak ed sika, O Jehova,Ta anggaman sinmanok ka ed siak,Kinmepa lay sanok mo, tan niligliwa mo ak.+
2 Say Dios so manangiliktar ko.+
Manmatalek ak tan agak ontakot;+Ta si Jah* Jehova so kasil ko tan biskeg ko,Tan sikato so nagmaliw a manangiliktar ko.”+
3 Malikeliket kayon onasol na danumDiad saray subol na kililiktar.+
4 Diad satan ya agew et ikuan yo:
“Misalamat kayod si Jehova, tawag kayod ngaran to,Ipakabat yod totoo iray gagawaen to!+
Iyabawag yo a say ngaran to et nitandoro.+
5 Kansionan yoy panangidayew* si Jehova,+ ta sikatoy nanggawa na saray makapadinayew a bengatla.+
Ipaamta yo iya ed interon dalin.
6 Ikasil moy boses mo tan eyag kad liket, O sikan manaayam* ed Sion,Ta agaylan makapadinayew so Masanton Dios na Israel a walad pegley mo.”
Paimanod leksab
^ Say “Jah” et pinatikey a ngaran a Jehova.
^ Odino “Mantogtog tan mangansion kayo parad.”
^ Literal, “biin manaayam,” manutukoy ed amin a totoo bilang sakey a bii.
