Nehemias 12:1-47
12 Saraya may saserdote tan Levita a pinmawil ed Jerusalem a kaiba nen Zerubabel+ ya anak nen Sealtiel,+ tan si Jesua:+ si Seraias, Jeremias, Esdras,
2 Amarias, Maluc, Hatus,
3 Secanias, Rehum, Meremot,
4 Ido, Ginetoi, Abias,
5 Mijamin, Maadias, Bilga,
6 Semaias, Joiarib, Jedaias,
7 Sallu, Amok, Hilkias, tan Jedaias. Saraya may papangulo na saserdote tan saray agagi ra diad panaon nen Jesua.
8 Saray Levita et sikara di Jesua, Binui, Kadmiel,+ Serebias, Juda, tan si Matanias,+ a mangidadaulo ed panagkansion na pisasalamat a kaiba iray agagi to.
9 Tan saray agagi ran si Bakbukias tan Uni et akaalagey ed petek da a mangguaguardia.*
10 Si Jesua so ama nen Joiakim, tan si Joiakim so ama nen Eliasib,+ tan si Eliasib so ama nen Joiada.+
11 Tan si Joiada so ama nen Jonatan, tan si Jonatan so ama nen Jadua.
12 Diad saray agew nen Joiakim et saraya so saserdote, saray lider na saray pamilya na kaamaan: parad si Seraias,+ si Meraias; parad si Jeremias, si Hananias;
13 parad si Esdras,+ si Mesulam; parad si Amarias, si Jehohanan;
14 parad si Maluqui, si Jonatan; parad si Sebanias, si Jose;
15 parad si Harim,+ si Adna; parad si Meraiot, si Helkai;
16 parad si Ido, si Zacarias; parad si Gineton, si Mesulam;
17 parad si Abias,+ si Zicri; parad si Miniamin, . . . ;* parad si Moadias, si Piltai;
18 parad si Bilga,+ si Samua; parad si Semaias, si Jehonatan;
19 parad si Joiarib, si Matenai; parad si Jedaias,+ si Uzi;
20 parad si Salai, si Kalai; parad si Amok, si Eber;
21 parad si Hilkias, si Hasabias; parad si Jedaias, si Netanel.
22 Walad listaan iray lider na saray pamilya na saray Levita diad saray agew di Eliasib, Joiada, Johanan, tan Jadua,+ a singa saray saserdote, anggad panuuley nen Dario a Persiano bilang ari.
23 Saray Levita a lider na saray pamilya na kaamaan et akasulat ed libro na saray agawa ed saman a panaon, anggad saray agew nen Johanan ya anak nen Eliasib.
24 Saray ulo na saray Levita et si Hasabias, Serebias, tan si Jesua+ ya anak nen Kadmiel,+ tan saray agagi ra et akaalagey ed petek da pian mangibalikas na panangirayew tan pisasalamat unong ed saray bilin nen David+ a too na tuan Dios, a saray grupo na guardia et sankakaabay ira.
25 Sikara di Matanias,+ Bakbukias, Obadias, Mesulam, Talmon, tan si Akub+ so bantay na puerta,+ a mangguaguardia rad saray kuarton panagsimpenan diad abay na saray puerta.
26 Sikaray nanlingkor diad panaon nen Joiakim ya anak nen Jesua+ ya anak nen Jozadak tan diad panaon nen Nehemias a gobernador tan Esdras+ a saserdote tan managkopya.*
27 Diad inagurasyon na padir na Jerusalem et inanap da ray Levita ed saray lugar a panaayaman da tan inawit da rad Jerusalem, pian selebraan so inagurasyon a walay panliliket, saray kansion parad pisasalamat,+ tan binansagan na saray piangpiang, nandeles ya instrumento, tan arpa.
28 Tan nantitipon iray ananak na saray managkansion* a nanlapud distrito,* nanlapud kaliberliber na Jerusalem, nanlapud saray baryo na saray Netofatita,+
29 nanlapud Bet-gilgal,+ tan nanlapud kaumaan na Geba+ tan Azmavet,+ ta saray managkansion et angipaalagey na panayaman da ed kaliberliber na Jerusalem.
30 Tan saray saserdote tan Levita et nilinisan day inkasikara, insan nilinisan da ray totoo,+ saray puerta,+ tan say padir.+
31 Insan pinasapat kod tapew na padir iray prinsipe na Juda. Ontan met, angiyuksoy ak na duaran baleg a grupon managkansion parad pisasalamat tan saray parada, tan samay sakey a grupo et nanakar ed nikawanan diad padir a paonlad Puertay Bunton na Dapol.+
32 Si Osaias tan say kapaldua ed saray prinsipe na Juda et manaakar a manumtumbok ed sikara,
33 kaibay Azarias, Esdras, Mesulam,
34 Juda, Benjamin, Semaias, tan Jeremias.
35 Kaiba ray arum ya ananak na saray saserdoten de-awit na saray trumpeta:+ si Zacarias ya anak nen Jonatan ya anak nen Semaias ya anak nen Matanias ya anak nen Micaias ya anak nen Zacur ya anak nen Asaf,+
36 tan saray agagi to a sikara di Semaias, Azarel, Milalai, Gilalai, Maai, Netanel, Juda, tan Hanani, a de-awit ira na saray instrumento nen David+ a too na tuan Dios; tan si Esdras+ a managkopya* et walad unaan da.
37 Manlapud Puerta na Bobon+ et linma rad Takayan+ na Syudad nen David,+ a dinmalan irad patatdang a padir diad tagey na Abung nen David tan amaarap irad Puerta na Danum+ diad bukig.
38 Samay sakey nin grupon managkansion parad pisasalamat et nanakar ya amaarap ed biek a direksion,* tan tinumbok ko itan kaibay kapaldua ed saray totoo, diad padir a nadalanan so Tori na Saray Pugon+ paonlad Malapar a Padir+
39 tan dinalanan day Puerta na Efraim+ paonlad Puerta na Daan a Syudad+ ya amaarap irad Puerta na Sira,+ Tori nen Hananel,+ Tori na Mea, tan diad Puerta na Saray Karnero;+ insan la ra tinmundad Puerta na Guardia.
40 Ag-abayag, say duaran grupon managkansion parad pisasalamat et inmalagey diad arapan na abung na tuan Dios, pati siak tan say kapaldua ed saray kasandin manuley a kaibak,
41 tan saray saserdoten de-awit na trumpeta a sikara di Eliakim, Maasias, Miniamin, Micaias, Elioenai, Zacarias, tan Hananias,
42 tan si Maasias, Semaias, Eleazar, Uzi, Jehohanan, Malkias, Elam, tan Ezer. Tan saray managkansion ya idadaulo nen Izrahias et maksil ya angansion.
43 Diad saman ya agew et dakdakel so imbagat da tan nanliliket ira,+ ta pinaliket iran maong na tuan Dios. Nanliliket met iray bibii tan saray ugugaw,+ kanian say panliliket na Jerusalem et sankarengel anggan diad arawi.+
44 Diad saman met ya agew et wala ray tinuron lalaki a mangasikaso ed saray pasen a panagsimpenan+ na saray kontribusyon,+ unona iran bunga,+ tan saray kakaplo.+ Ditan da tiponen iray nanlapud kaumaan na saray syudad a betang na saray saserdote tan saray Levita+ unong ed ibabaga na Ganggan,+ ta walay panliliket ed Juda lapud saray saserdote tan saray Levita a manlilingkor.
45 Tan ginawa da ray kimey da parad Dios tan say obligasyon da a panaglinis, ontan met iray managkansion tan saray bantay na puerta, unong ed saray bilin nen David tan si Solomon ya anak to.
46 Ta nensaman, diad saray agew nen David tan Asaf, et wala ray direktor* na saray managkansion tan saray kansion parad panangirayew tan pisasalamat ed Dios.+
47 Tan legan na saray agew nen Zerubabel+ tan saray agew nen Nehemias, iiter na interon Israel iray betang na saray managkansion+ tan saray bantay na puerta,+ unong ed inagew-agew a pankaukolan da. Ibibiig da met so betang na saray Levita,+ tan saray Levita et ibibiig day betang na saray kailalakan nen Aaron.
Paimanod leksab
^ Odino posiblin, “legan na panaglingkor.”
^ Diad angibasiyan a Hebreon teksto et mapatnag ya inekal so ngaran dia.
^ Odino “eskriba.”
^ Odino “iray nipasal a managkansion.”
^ Salanti, say distrito ed paliber na Jordan.
^ Odino “eskriba.”
^ Odino “ed arapan.”
^ Literal, “ulo.”
