Proverbio 2:1-22
2 Ana’ko, no awaten mo ray salitakTan tiponen mon singa kayamanan iray ganggan ko,+
2 Diad idengel mod karunongan+Tan diad pangilukas moy pusom ed pakatebek;+
3 Niarum ni, no ontawag ka pian onkerew na pakatalos+Tan onkelyaw ka pian nawalaan kay pakatebek;+
4 No itultuloy mon anapen itan a singa pilak,+Tan itultuloy mon kotkoten itan a singa akaamot iran kayamanan;+
5 Diad ontan et natalosan moy kabaliksan na itakot ed si Jehova,+Tan naromog moy kakabatan nipaakar ed Dios.+
6 Ta si Jehova so mangiiter na karunongan;+Manlalapud sangi to so kakabatan tan pakatebek.
7 Sikatoy mantitipon na makanan karunongan parad maptek;Sikatoy sakey a samper ed saramay manbibilay a walaay integridad.+
8 Babantayan to iray basbas na hustisya,Tan salimbengan toy dalan na saray matoor ed sikato.+
9 Diad ontan et natalosan mo no antoy matunong tan maptek tan patas,Say interon dalan na kamaongan.+
10 Sano onloob ed pusom so karunongan+Tan panliketan na kamarerwam* so kakabatan,+
11 Say abilidad a mannonot so manbantay ed sika,+Tan say pakatebek so manprotekta ed sika,
12 Pian nipaliis ka ed mauges a kagagawa,Ed toon mansasalita na mabanday iran bengatla,+
13 Ed saramay onsisian ed maptek iran basbasPian manakar ed saray dalan na kabilungetan,+
14 Ed saramay labalabay da so manggaway aliwa,Saramay panliliketan day kabandayan na kaugsan,
15 Saramay pikewet so dalan daTan mapalikdo so amin a kagagawa ra.
16 Satan so mangipaliis ed sika ed mabanday* a bii,Ed saray malamuyot* a panagsalita na imoral* a bii,+
17 A tataynanan toy maapit a kaaro* to ed inkaugaw to+Tan lilingwanan toy sipanan dan dua na Dios to;
18 Ta say abung to et onlelereg ed ipapatey,Tan saray basbas to et paarap ed saray andiay pakayari ya inaatey.+
19 Amin a miaakdol ed* sikato et agla makapawil,Tan agda la naromog iray dalan na bilay.+
20 Kanian tumbok moy dalan na maong a totooTan mansiansia ka ed saray basbas na matunong,+
21 Ta saray matunong labat so manayam ed dalin,Tan saray andiay pakabalawan* so mansiansia ditan.+
22 Balet saray mauges et naandi diad dalin,+Tan saray agmatoor et naekal ditan.+
Paimanod leksab
^ Literal, “agkabat.” Mapatnag a manutukoy ed sakey ya ag-ontutumbok ed moral iran estandarte na Dios.
^ Odino “makapaayat.”
^ Literal, “dayo.” Mapatnag a manutukoy ed sakey a sinmian ed moral iran estandarte na Dios.
^ Odino “asawa.”
^ Literal, “ya onloloob ed.”
^ Odino “samay mansiasiansian walaay integridad.”
