Salmo 101:1-8
Salmo nen David. Sakey a kansion.
101 Mangansion ak nipaakar ed matoor a panangaro tan hustisya.
Kansionan ta ka na panangidayew,* O Jehova.
2 Onkiwas ak a makabat tan andiay pakabalawan.*
Kapigan ka onlad siak?
Diad loob na abung ko et manakar ak a walaay maptek a* puso.+
3 Agak mangiyan ed arapan ko na andi-kakanaan a bengatla.
Kabusol ko ray kagagawa na saramay onsisian ed dugan dalan;+Agak balot mibiang ed sikara.
4 Say mauges a puso et arawrawid siak;Agko awaten* so antokaman a mauges.
5 Pareenen* koSo siopaman a papaugesen to ed benegan so kaabay to.+
Agko konsintienSo siopaman a walaay matangsit a mata tan malastog a puso.
6 Onnengneng ak ed saray matoor diad dalin,Pian makapiayam irad siak.
Samay manaakar ya andiay pakabalawan* so manlingkor ed siak.
7 Anggapoy managpalikdo a makapanayam ed abung ko,Tan anggapoy matila a makaalagey diad arapan ko.*
8 Kada kabuasan et pareenen* ko so amin a marelmeng diad dalin,Pian naandi ed syudad nen Jehova so amin a manggagaway mauges.+
Paimanod leksab
^ Odino “Mantogtog tan mangansion ak parad sika.”
^ Odino “walaay integridad.”
^ Odino “walaay integridad na.”
^ Literal, “amtaen.”
^ Odino “Paandien.”
^ Odino “a walaay integridad.”
^ Literal, “diad arap na saray matak.”
^ Odino “paandien.”
