Salmo 132:1-18
Kansion na Saramay Ontatatdang.
132 O Jehova, nonot mo pay DavidTan say amin a paniirap to;+
2 No panon a sikatoy nansamba ed kinen Jehova,No panon a sikatoy angisipan ed Makapanyarin Dios nen Jacob:+
3 “Agak onloob ed toldak, diad ayaman ko.+
Agak ondukol ed ugipan ko, diad dukolan ko;
4 Agko abuloyan ya onugip iray matak,Odino onlirep iray lukablukab na matak
5 Anggad agak makaromog na pasen parad si Jehova,Sakey ya alay abig ya ayaman* parad Makapanyarin Dios nen Jacob.”+
6 Nadngel mi ed Efrata+ so nipaakar ed satan;Aromog mi itan diad saray kakiewan.+
7 Onloob itayo ed ayaman to;*+Ondakmomo itayo diad salian to.+
8 Alagey ka O Jehova, la ka ed painawaan mo,+Sika tan say Kaban a simbolo na biskeg mo.+
9 Komon ta nakawesan na inkatunong iray saserdotem,Tan oneyag ed liket iray matoor ed sika.
10 Agmo komon ipupulisay so* nilanaan moNisengeg ed si David a lingkor mo.+
11 Sinambaan nen Jehova ed si David;Seguradon agto benegan so salita to:
“Payurongen ko ed tronomSo sakey ed saray ilalak mo.*+
12 No sumpalen na saray ananak mo so sipanan koTan saray panonot ko ya ibabangat kod sikara,+Saray ananak da metEt onyurong ed tronom ya anggad angga.”+
13 Ta pinili nen Jehova so Sion;+Pinirawat ton gawaen itan ya ayaman to,+ a kuan to:
14 “Saya so painawaan ko ya anggad angga;Dia so panayaman ko,+ ta saya so pirawat ko.
15 Bendisyonan ko iya na dakel a naakan;Saray mairap-bilay dia et peselen koy tinapay.+
16 Kawesan ko na kililiktar iray saserdote to,+Tan oneyag ed liket iray matoor ed sikato.+
17 Dia et pabalegen koy pakayari* nen David.
Angiparaan ak na silew parad nilanaan ko.+
18 Saray kakabusol to et kawesan ko na kababaingan,Balet say korona ed ulo to et onkirlap.”+
Paimanod leksab
^ Odino “Sakey ya alay abig a tabernakulo.”
^ Odino “alay abig a tabernakulo to.”
^ Literal, “ipapaarap ed beneg so lupa na.”
^ Literal, “ed saray bunga na eges mo.”
^ Literal, “saklor.”
