Salmo 57:1-11
Parad direktor; diad “Agka Manederal.” Salmo nen David. Miktam.* Sanen imbatikan toy Saul tan linmad ungib.+
57 Kasian mo ak pa, O Dios, kasian mo ak,Ta sika so pansasalimbengan ko,*+Tan onamot ak ed silong na saray payak mo anggad anggapo lay peligro.+
2 Ontatawag ak ed Dios a Sankatagyan,Diad tuan Dios, a mamapaandi ed saratan parad siak.
3 Sikatoy mangibaki na ontulong ed siak manlapud tawen tan iliktar to ak.+
Amperen to imay mangaataki ed siak. (Selah)
Ibaki na Dios so matoor a panangaro to tan say katooran to.+
4 Apaliberan ak* na saray leon;+Kaukolan koy ondukol a kaiba na saray totoon labay da ak a buagen,A saray ngipen da et gayang tan panaTan say dila ra et makdem ya espada.+
5 Nitandoro ka komon diad tagey na katawenan, O Dios;Nigloria ka komon ed interon dalin.+
6 Angiparaan iray iket a pamatit ed salik;+Akatuek ak* lapud pakakagonigon ko.+
Angotkot iray abot diad dalanan ko,Balet sikara lanlamang so naplag ditan.+ (Selah)
7 Matoor so pusok, O Dios,+Matoor so pusok.
Mantogtog tan mangansion ak na panangidayew.
8 Liing ka, pusok.*
Liing ka, O nandeles ya instrumento; pati sika, O arpa.
Liingen koy palbangon.+
9 O Jehova, idayew ta ka ed limog na totoo;+Kansionan ta ka na panangidayew* ed limog na saray nasyon.+
10 Ta say matoor a panangarom et abalbaleg, singa kaatagey na tawen,+Tan say katooran mo et anggad saray lurem.
11 Nitandoro ka komon diad tagey na katawenan, O Dios;Nigloria ka komon ed interon dalin.+
Paimanod leksab
^ Odino “na kamarerwak.”
^ Odino “so kamarerwak.”
^ Odino “so kamarerwak.”
^ Literal, “gloriak.”
^ Odino “Mantogtog tan mangansion ak parad sika.”
