Salmo 64:1-10
-
Proteksion ed maamot a panangataki
-
“Kenaen ira na Dios” (7)
-
Parad direktor. Kansion nen David.
64 Dengel mo pay boses ko, O Dios, legan ak a mikakasi.+
Protektaan mo pay bilay ko ed makapataktakot ya iyaataki na kabusol.
2 Salimbengan mo ak pa manlapud maamot iran plano na saray marelmeng a totoo,+Manlapud grupo na saray manggagaway mauges.
3 Patataremen day dila ra a singa espada;Ipupuntirya dan singa pana iray makapasakit a salita ra,
4 Pian ikena ra manlapud maamot iran pasen diad toon anggapoy kasalanan;Sikatoy bigla ran kenaen ya anggapoy takot.
5 Bebembenan dan malet so mauges a getma ra;*Pantotongtongan da no panoy pangiyan dad saray patit da.
Ibabaga ra: “Siopay makanengneng ed saratan?”+
6 Manaanap iray balon paraan na panggaway kaugsan;Maamot iran manggagawa na masilib a pakana ra;+Say nononoten na balang sakey ed puso to et agnatebek.
7 Balet kenaen ira na Dios;+Bigla ran nasugat na pana.
8 Say mismon dila ra so maneral ed sikara;+Ompeyeng so amin ya onnenengneng ed sikara.
9 Diad ontan et ontakot so amin a totoo,Tan ipaamta ra so ginawa na Dios,Tan natalosan da iray gagawaen to.+
10 Say matunong et manliket ed si Jehova tan pasalimbengan ed sikato;+Amin a maptek-impanpuso et manggayaga.*
