Salmo 71:1-24
71 O Jehova, sikay pansasalimbengan ko.
Agak balot komon niiyan ed kababaingan.+
2 Iliktar mo ak komon tan isalbam ak lapud inkatunong mo.
Ikiling mo pad siak so layag mo* tan iliktar mo ak.+
3 Komon ta magmaliw kan baton panag-amotan koA sarag kon laen a naynay.
Iganggan mo komon a niliktar ak,Ta sika so baleg a batok tan say salimbengan ko.+
4 O Dios ko, iliktar mo ak pad lima na mauges,+Diad lima na samay agmatunong a managpairap.
5 Ta sikay paniilaloan ko, O Soberanon Katawan a Jehova;Manmamatalek ak ed sika* manlapu lad inkaugaw ko.+
6 Mandedepende ak ed sika manlapu lad inkiyanak ko;Sikay angipaway ed siak ed eges nen inak.+Lanang ta kan idadayew.
7 Singa ak sakey a milagro parad dakel,Balet sika so malet a salimbengan ko.
8 Say sangik et napno na panangirayew ed sika;+Inagew-agew kon ipapaamta so nipaakar ed karakpan mo.
9 Agmo ak komon ipupulisay anggan sano matatken ak la;+Agmo ak papaulyan sano makapuy ak la.+
10 Saray kakabusol ko et nantotongtong sumpad siak,Tan saramay malabay a mamatey ed siak* et nankokomplot ira,+
11 Ya ibabaga ra: “Pinaulyan la na Dios.
Usilan tayo tan erelen tayo, ta anggapoy mangiliktar ed sikato.”+
12 O Dios, agka komon mansiasiansian arawi ed siak.
O Dios ko, tulongan mo ak pan tampol.+
13 Komon ta saramay onsusumpad siak*Et nabaingan tan mangangga.+
Komon ta saramay malabay a mamasakit ed siakEt nasakbongan na kabandayan tan kababaingan.+
14 Balet siak, agak ontundan manalagar;Mas lalo ta ka nin idayew.
15 Say sangik et isalaysay toy inkatunong mo,+Say panangiliktar mo diad kada agew,Anggano agko iratan natalosan* diad karakel da.+
16 Onla ak tan ibagak so nipaakar ed makapanyari iran gawam,O Soberanon Katawan a Jehova;Say inkatunong mo labat so salitaen ko.
17 O Dios, manlapu lad inkaugaw ko et ibabangat mo ak la,+
Tan anggad natan et iyaabawag ko ray makapakelaw a gawam.+
18 Anggan sano matatken tan ubanan ak la, agmo ak komon papaulyan, O Dios.+
Abuloyan mon ipaamtak ed onsublay a henerasyon so nipaakar ed pakayarim*Tan say nipaakar ed biskeg mo diad onsabin henerasyon.+
19 Say inkatunong mo, O Dios, et makakasabi anggad tawen;+Nanggawa ka na makapakelaw iran bengatla;O Dios, siopay makapipara ed sika?+
20 Anggan inabuloyan mon nasagmak koy pinasyan gonigon tan kairapan,+Pabilay* mo ak pa lamet;Agwat mo ak pa ed kaaralman* na dalin.+
21 Komon ta aruman moy kagalangan koTan salimbengan tan ligliwaen mo ak.
22 Diad ontan et idayew ta ka diad pantogtog koy nandeles ya instrumentoLapud inkamatoor mo, O Dios ko.+
Kansionan ta ka na panangidayew a binansagay* arpa,O Masanton Dios na Israel.
23 Say bibil ko et oneyag ed liket diad pangansion ko na panangidayew ed sika,+Ta inliktar moy bilay ko.*+
24 Say dilak et inagew-agew a mansalita nipaakar ed* inkatunong mo,+Ta saramay malabay a maneral ed siak et nabaingan tan napabanday.+
Paimanod leksab
^ Odino “Yuko ka tan dengel mo ak.”
^ Odino “Sikay kompiyansak.”
^ Odino “saramay manaanap ed kamarerwak.”
^ Odino “kamarerwak.”
^ Odino “nabilang.”
^ Literal, “taklay mo.”
^ Odino “Pabiskeg.”
^ Odino “araralem a danum.”
^ Odino “Kansionan ta ka tan mantogtog ak na.”
^ Odino “dinondon moy kamarerwak.”
^ Odino “mandalepdep ed.”
